អ្នកនាំពាក្យរងនៃក្រសួងការបរទេសវៀតណាមលោក Doan Khac Viet។ (រូបថត៖ VGP)

នៅក្នុងសន្និសីទសារព័ត៌មានជាប្រចាំនៅរសៀលថ្ងៃទី ៣១ ខែតុលា នៅទីក្រុង ហាណូយ ដោយធ្វើអត្ថាធិប្បាយលើព័ត៌មានដែលថា នាវាឆ្មាំសមុទ្រចិនបានវាយ ប្រហារលើទូកនេសាទ និងចាប់ខ្លួនអ្នកនេសាទវៀតណាមដែលកំពុងនេសាទត្រីនៅ ប្រជុំកោះ Hoang Sa កាលពីចុងខែ កញ្ញា កន្លងទៅ អ្នកនាំពាក្យរងនៃក្រសួងការ បរទេសវៀតណាមលោក Doan Khac Viet បានស្នើឱ្យចិនគោរពអធិបតេយ្យភាពរបស់ វៀតណាមនៅប្រជុំកោះ Hoang Sa ហើយបញ្ឈប់ការចាប់ខ្លួនទូកនេសាទ និងអ្នក នេសាទវៀតណាមដែលកំពុងធ្វើសកម្មភាពនៅតំបន់នេះ។

“Hoang Sa គឺរបស់វៀតណាម។ វៀតណាមមានអធិបតេយ្យភាព សិទ្ធិអធិប តេយ្យភាព និងយុត្តាធិការលើប្រជុំកោះ Hoang Sa និងដែនទឹកជុំវិញ។ យើងបាន បញ្ជាក់រឿងនេះជាច្រើនលើកច្រើនសារហើយ។ ការដែលកងកម្លាំងមានសមត្ថកិច្ច រួមទាំងកម្លាំងឆ្មាំសមុទ្រចិន ចាប់ខ្លួននាវានេសាទនិងអ្នកនេសាទវៀតណាមដោយខុស ច្បាប់នៅក្នុងដែនទឹក Hoang Sa  គឺជាការរំលោភបំពានយ៉ាងធ្ងន់ធ្ងរលើអធិបតេយ្យ ភាពរបស់វៀតណាមចំពោះប្រជុំកោះ Hoang Sa ព្រមទាំងរំលោភលើសិទ្ធិជាមូលដ្ឋាន ស្របច្បាប់ និងត្រឹមត្រូវរបស់អ្នកនេសាទវៀតណាមផងដែរ។ វៀតណាមប្រឆាំង ជំទាស់យ៉ាងដាច់អហង្ការ និងសំណូមពរឱ្យចិនគោរពយ៉ាងពេញលេញនូវសិទ្ធិរបស់ វៀតណាមចំពោះប្រជុំកោះ Hoang Sa ដោះលែងភ្លាមនាវានេសាទ និងអ្នកនេសាទ វៀតណាមដែលត្រូវចាប់ខ្លួនដោយខុសច្បាប់ ហើយសងសំណងឱ្យបានសមហេតុ ផលសម្រាប់ការខូចខាត និងបញ្ឈប់កុំបណ្ដោយឲ្យកើតឡើងសកម្មភាពយាយី និង ចាប់ខ្លួននាវានេសាទនិងអ្នកនេសាទវៀតណាមដោយខុសច្បាប់នៅប្រជុំកោះ Hoang Sa របស់វៀតណាមម្ដងទៀតឡើយ”។

មុននោះ ក្រសួងការបរទេសវៀតណាមបានទាក់ទងយ៉ាងតឹងរ៉ឹងជាមួយស្ថានទូត ចិនប្រចាំនៅទីក្រុងហាណូយ ដោយប្រឆាំងជំទាស់យ៉ាងខ្លាំងចំពោះសកម្មភាពខាងលើ របស់កងកម្លាំងអនុវត្តច្បាប់របស់ចិន។

ទាក់ទិននឹងព័ត៌មានដែលប្រព័ន្ធផ្សព្វផ្សាយរាយការណ៍អំពីការដែលប្រទេសចិនសុក្រិតហេដ្ឋារចនាសម្ព័ន្ធដើម្បីដាក់ពង្រាយប្រព័ន្ធរ៉ាដានៅកោះ Tri Ton ស្ថិតក្នុង ប្រជុំកោះ Hoang Sa នោះ លោក Doan Khac Viet បានបញ្ជាក់ថា៖ វៀតណាម មានការព្រួយបារម្ភយ៉ាងខ្លាំងចំពោះព័ត៌មាននេះ ហើយប្រឆាំងជំទាស់យ៉ាងដាច់ អហង្ការនឹងគ្រប់សកម្មភាពដែលរំលោភបំពានលើអធិបតេយ្យភាពរបស់វៀតណាមចំពោះប្រជុំកោះ Hoang Sa៕