(VOV)_នារសៀលថ្ងៃទី ១៤ ឧសភា នៅខេត្ត Thanh Hoa យុវជន សិស្សានុ
សិស្ស និងនិស្សិតរាប់ពាន់នាក់បានចូលរួមពិធីមិទ្ទិញ ប្រឆាំងជំទាស់ការដែល ចិនបានដាក់ស្ថានីយខួង Haiyang Shiyou-៩៨១ ដោយខុសច្បាប់នៅក្នុងតំបន់ សេដ្ឋកិច្ចផ្តាច់មុខនិងតំបន់ខ្ពង់រាបបាតសមុទ្ររបស់វៀតណាម។
 |
| ស្ថានីយខួង Haiyang Shiyou-៩៨១ ដោយខុសច្បាប់នៅក្នុងតំបន់ សេដ្ឋកិច្ចផ្តាច់មុខនិងតំបន់ខ្ពង់រាបបាតសមុទ្ររបស់វៀតណាម |
នារសៀលថ្ងៃនេះដែរ សមាគមអ្នកច្បាប់ទីក្រុង Hai Phong (ភាគខាងជើង វៀតណាម) បានរៀបចំពិធីមិទ្ទិញប្រឆាំងជំទាស់ការដែលចិនបានរំលោភទៅលើ
អធិបតេយ្យភាពកោះ សមុទ្រវៀតណាម។
នាថ្ងៃទី ១៣ ឧសភា ជនវៀតណាមជាច្រើននៅប៊ុលហ្គារីបានចុះដង្ហែរតាម
ផ្លូវប្រឆាំងជំទាស់សកម្មភាពរបស់ចិននៅសមុទ្រខាងកើត។ សមាគមជនវៀត
ណាម នៅប៊ុលហ្គារី និងសមាគមមិត្តភាពប៊ុលហ្គារី-វៀតណាមបានចេញសេចក្ដីប្រកាសជាលាយលក្ខណ៍អក្សរ ប្រឆាំងជំទាស់អំពីរំលោភរបស់ចិន។ សមាគម
ជន វៀតណាមនៅប៊ុលហ្គារីបានអំពាវនាវគ្រប់បុគ្គលអង្គការអន្តរជាតិ និងប្រ ជាជនស្រឡាញ់សន្តិភាពលើទូទាំងពិភពលោក
បន្តឡើងសម្លេងប្រឆាំងសកម្មភាពរំលោភរបស់ចិន និងគាំទ្រសំណូមពរដ៏ត្រឹមត្រូវ សមស្របរបស់វៀតណាម។
នៅខេត្ត Vladimir (រុស្ស៊ី) សហគមន៍ជនវៀតណាមនៅខេត្ត Vladimir បានចុះហត្ថលេខាលើលិខិតចំហរស្នើរបស់សមាគមជនវៀតណាមនៅ Vladimir ស្នើ
អោយចិន ត្រូវដកស្ថានីយខួងចេញពីតំបន់ដែនសមុទ្ររបស់វៀតណាម និង
បញ្ឈប់រាល់សកម្មភាពបង្ករឿងហេតុនៅលើសមុទ្រខាងកើត គោរពច្បាប់អន្តរ
ជាតិ និងអធិបតេយ្យភាពរបស់វៀតណាម។ ប្រធានសមាគមជនវៀតណាមនោ Vladimir លោក Nguyen Van Hieu បានអោយដឹងថា៖
“សហគមន៍ប្រឆាំងជំទាស់ចិនដែលបានបង្ករឿងហេតុជាមួយវៀតណាម។ ជនគ្រប់រូបសុទ្ធតែថ្កោលទោសចិនយ៉ាងខ្លាំងក្លា និងប្តេជ្ញចិត្តការពារឯករាជ្យា
មាតុប្រទេស។”
រួមជាមួយប្រជាជននៅក្នុងប្រទេស សាធារណមតិអន្តរជាតិបន្តថ្កោលទោស
ចិនបានដាក់ស្ថានីយខួង Haiyang Shiyou - ៩៨១ ក្នុងតំបន់សេដ្ឋកិច្ចផ្តាច់មុខ និង តំបន់ខ្ពង់រាបបាតសមុទ្ររបស់វៀតណាម និងប្រមូលផ្តុំនាវាជាច្រើនមក ដែលក្នុង នោះមាននាវាយាមល្បាតបំពាក់កាំជ្រូចទៀតផង បង្កភាពតានតឹងនៅលើសមុទ្រ
ខាងកើត។ នាថ្ងៃទី ១៤ ឧសភា រដ្ឋអំណាចរបស់ប្រធានាធិបតីអាមេរិក លោក
Barack Obama បានក្រើនរំលឹកជាថ្មីម្តង់ទៀតនូវការដោះស្រាយភាពតាន តឹងនៅ សមុទ្រខាងកើតតាមរយៈការចរចារ។ នាពេលនោះដែរក្នុងជំនួបប្រាស្រ័យជាមួយ មជ្ឈដ្ឋានអ្នកសារព័ត៍មាន នារសៀលថ្ងៃទី១៤ ឧសភា នៅរដ្ឋធានីហាណូយ ក្នុងឱកាសមកបំពេញទស្សនកិច្ចនៅវៀតណាម ឧត្តមនាវីត្រី Pascal Ausseur
នាយករងនាយកដ្ឋានអភិវឌ្ឍន៍អន្តរជាតិ ទទួលបន្ទុកតំបន់អាស៊ី-ប៉ាស៊ីហ្វីក នៃ
ក្រសួងការពារជាតិបារាំង បានអោយដឹងថា៖ បារាំងជាប្រទេស១ក្នុងចំណោមប្រ
ទេសឈានទៅមុខក្នុងការតាក់តែងសេចក្ដីប្រកាសរបស់ EU ស្ដីពីការព្រួយបារម្ភ
ចំពោះសកម្មភាពរបស់ចិននៅសមុទ្រខាងកើត។ បារាំងនិង EU មានគោលបំ
ណងថា៖បណ្ដាភាគីត្រូវដោះស្រាយបញ្ហាដោយសន្តិវិធី។
ឆ្លើយសម្ភាសន៍អ្នកយកព័ត៍មាននៃវិទ្យុសម្លេងវៀតណាមនៅបារាំង អគ្គ លេខាធិការសមាគមមិត្តភាពបារាំង-វៀតណាម លោក Patrice Jorland បានអះ អាងថា៖ ប្រជាជនបារាំងស្រឡាញ់សន្តិភាព គោរពយុត្តិធមជានិច្ចប្រគៀកស្មា
ជាមួយវៀតណាមប្រឆាំងជំទាស់រាល់សកម្មភាពរំលោភរបស់ចិន
“ យើងខ្ញុំព្រួយបារម្ភជាច្រើនចំពោះបណ្ដាសកម្មភាពរបស់ចិន ពីព្រោះទីកន្លែងដាក់ស្ថានីយ៍ខួងនេះស្ថិតនៅក្នុងតំបន់សេដ្ឋកិច្ចផ្តាច់មុខរបស់វៀត
ណាម។ ចិនកំពុងរំលោភយ៉ាងធ្ងន់ធ្ងរច្បាប់អន្តរជាតិ និងសិទ្ធិអធិបតេយ្យភាព របស់វៀតណាម ដូច្នេះ យើងខ្ញុំថ្កោលទោសយ៉ាងខ្លាំងក្លាសកម្មភាពទាំងនេះ
របស់ចិន។”
ក៏តាមលោក Patrice Jorland ថា៖ សមាគមមិត្តភាពបារាំង-វៀតណាមបានចុះផ្សាយអត្ថបទសរសេរចំនួន៥រិះគន់ចិន ដើម្បីជួយអោយមហាជន និង
ប្រជាជនបារាំងយល់ដឹងបន្ថែមអំពីមហិច្ឆតាអនុត្តរភាពរបស់ចិនចំពោះវៀត
ណាមនិងប្រទេសជិតខាងផ្សេងៗទៀត។
សេចក្ដីប្រកាសរបស់គណៈកម្មាធិការសាមគ្គីភាពឥណ្ឌា-វៀតណាម នាថ្ងៃទី១៤ ឧសភា បានអះអាងថា៖ សកម្មភាពខាងលើរបស់ចិនបានជះឥទ្ធិពលអាក្រក់ទៅលើទំនាក់ទំនងប្រជាជន ចំណងសាមគ្គីភាព មិត្តភាពរវាងវៀតណាម
និងចិន បណ្ដាចលនាសន្តិភាពក្នុងតំបន់និងលើពិភពលោក។ ទន្ទឹមនឹងនោះវា
ក៏បាន គំរាមគំហែងទៅលើសន្តិភាព សន្តិសុខ និងកិច្ចសហប្រតិបត្តិការក្នុង
តំបន់និងអន្តរជាតិ។ ដូច្នេះ គ្រប់កម្លាំងស្រឡាញសន្តិភាពត្រូវការសាមគ្គីភាព ប្តេជ្ញាថ្កោលទោសសកម្មភាពរំលោភរបស់ចិន។
នៅប៊ែលហ្សីក អ្នកកាសែត Mass MBOUP និងជាអ្នកជំនាញការអំពីនយោ បាយនិងការអភិវឌ្ឍន៍ បានចាត់ទុកថា៖ ការដែលចិនឈ្លានពាននៅលើសមុទ្រ
ខាងកើត មិនទទួលបានការគាំទ្ររបស់អន្តរជាតិទេ ពីព្រោះនេះគឺជាការរំលោភ
ទៅលើដែនសមុទ្ររបស់ប្រទេសផ្សេងៗ និងដើរបញ្ចា្រស់នឹងច្បាប់អន្តរជាតិ និង
គ្រោះថ្នាក់ណាស់។ បំណងឈ្លានពានដែនដីជាមួយប្រទេសជិតខាងគឺមិន អាច ទទួលយកបានឡើយ៕