សន្និសីទទូទាំងប្រទេសស្ដីពីកម្មវិធីវិទ្យាសាស្ត្របច្ចេកវិទ្យាបម្រើការកសាងជនបទថ្មី
(VOVWORLD) - នាព្រឹកថ្ងៃទី៦ ខែសីហា នៅខេត្ត Vinh Phuc ក្រសួងកសិកម្មនិងអភិវឌ្ឍ ជនបទវៀតណាម បានរៀបចំសន្និសីទទូទាំងប្រទេសស្ដីពីកម្មវិធីវិទ្យាសាស្ត្រ បច្ចេកវិទ្យាបម្រើការកសាងជនបទថ្មី ក្រោមអធិបតីភាពរបស់ឧបនាយករដ្ឋមន្រ្តី លោក Vuong Dinh Hue។
 ឧបនាយករដ្ឋមន្រ្តី លោក Vuong Dinh Hue ថ្លែងមតិនៅសន្និសីទ (រូបថត៖ TTXVN) |
សន្និសីទនេះគឺសំដៅរិះរកដំណោះស្រាយលើកស្ទួយសមត្ថភាពសំរាប់ប្រជាកសិករ អភិវឌ្ឍន៍សមត្ថភាពរបស់នារីជនបទ ពង្រីកតួនាទីរបស់សមាគមន៍ កសិករជាដើម។ តាមនោះ បង្កភាពងាយស្រួលសំរាប់សហគ្រាសដើម្បីទាក់ទង នឹងផលិតផលវិទ្យាសាស្ត្របច្ចេកវិទ្យាឲ្យបានលឿនបំផុត ដោយការចំណាយ ទាបបំផុត ព្រមទាំងសុក្រិតខ្លឹមសារជាសារវ័ន្ទនៃគោលនយោបាយឧបត្ថម្ភសហ គ្រាសក្នុងការអនុវត្តវិទ្យាសាស្ត្របច្ចេកវិទ្យាចូលក្នុងវិស័យកសិកម្មផងដែរ៕