ពិធីបុណ្យវិសាខបូជាឆ្នាំ ២០២០ មិនរៀបចំវេទិកា ពិធីប្រមូលផ្តុំមនុស្សច្រើនក៏ដូចជាការដង្ហែផ្កាទេ (រូបថត៖ TTXVN)

ពិធីបុណ្យវិសាខបូជាឆ្នាំ ២០២០  បានជូនសារអំពីចំណងសាមគ្គីភាពនិងការស្រុះចិត្តគំនិតគ្នាដើម្បីយកឈ្នះលើជំងឺរាតត្បាតសកល Covid-19 ។ ព្រះតេជគុណ Thich Gia Quang អនុប្រធានក្រុមប្រឹក្សាភិបាលនៃមជ្ឈិមសមាគមព្រះពុទ្ធសាសនាវៀតណាមបានមានពុទ្ធដីការថា៖

«ក្នុងឱកាសពិធីបុណ្យវិសាខបូជាឆ្នាំនេះ គណៈកម្មការអចិន្ត្រៃយ៍នៃក្រុមប្រឹក្សា   ភិបាល មានបំណងចង់អោយ ព្រះសង្ឃ ឧបាសក ឧបាសិការ និងពុទ្ធបរិស័ទ   ក៏ដូចជាសមាគមន៍ពុទ្ធបរិស័ទវៀតណាមនៅក្រៅប្រទេសចូលរួមយ៉ាងសកម្មក្នុងការងាររួមវិភាគទានគុណធម៍ដើម្បីនាំមកនូវអត្ថប្រយោជន៍ដល់ជីវិតមនុស្សទាំងអស់គ្នា។ ក្នុងបរិបទជាក់ស្តែងដោយសារផលប៉ះពាល់នៃជំងឺរាតត្បាត Covid-19 យើងត្រូវតែខិតខំប្រឹងប្រែងបន្ថែមទៀត ដើម្បីបញ្ចប់របៀបវារៈនៃមហាសន្និបាតព្រះពុទ្ធសាសនាទូទាំងប្រទេសលើកទី ៨ ក៏ដូចជាលើកកម្ពស់បញ្ញាសមូហភាព ការផ្លាស់ប្តូរថ្មី និងច្នៃប្រឌិតតាមវិធីសាស្រ្តណែនាំព្រះពុទ្ធបរិស័ទដើម្បីសម្របខ្លួនទៅនឹងស្ថានភាពថ្មីផងដែរ»៕