ប្រធានស្តីទីនៃបេសកកម្មអង្គការសហប្រជាជាតិ (UN) ប្រចាំប្រទេសលីប៊ី (UNSMIL) លោក Raisedon Zenenga (ប្រភព៖ AP)

ថ្លែងក្នុងកិច្ចប្រជុំកាលពីថ្ងៃទី៤ ខែសីហា ជាមួយរដ្ឋមន្ត្រីការបរទេសនៃរដ្ឋាភិបាលរួបរួមជាតិលីប៊ី (GNU)  Najla Al-Manqoush នៅទីក្រុងទ្រីប៉ូលី ប្រធានស្តីទីនៃបេសកកម្មអង្គការសហប្រជាជាតិ (UN) ប្រចាំប្រទេសលីប៊ី (UNSMIL) លោក Raisedon Zenenga បានបញ្ជាក់ជាថ្មី នូវការប្តេជ្ញាចិត្តរបស់អង្គការសហប្រជាជាតិក្នុងការបន្តកិច្ចខិតខំប្រឹងប្រែងដើម្បីគាំទ្រដល់ដំណើរការនយោបាយប្រកបដោយយុត្តិធម៌ និងតម្លាភាពនៅក្នុងប្រទេសលីប៊ី។ លោក Zenenga បានសង្កត់ធ្ងន់ថា ដំណើរការនយោបាយបែបនេះ ត្រូវតែការដឹកនាំដោយជនជាតិលីប៊ី ដើម្បីធានាថាការបោះឆ្នោតសភា និងប្រធានាធិបតីត្រូវបានប្រារព្ធឡើងស្របតាមក្របខ័ណ្ឌរដ្ឋធម្មនុញ្ញដែលបានព្រមព្រៀងគ្នា ក៏ដូចជាលទ្ធផលនៃកិច្ចប្រជុំទីក្រុងប៊ែកឡាំង កិច្ចប្រជុំស្តីពីការគាំទ្រស្ថិរភាពនៅក្នុងប្រទេសលីប៊ី និងកិច្ចប្រជុំទីក្រុងប៉ារីសស្តីពីស្ថានការណ៍លីប៊ី។

នៅក្នុងកិច្ចប្រជុំនេះ មន្ត្រីអង្គការសហប្រជាជាតិបានស្វាគមន៍ចំពោះកិច្ចខិតខំប្រឹងប្រែងយ៉ាងសកម្មរបស់ភាគីនានាក្នុងប្រទេសលីប៊ី ដើម្បីតភ្ជាប់សកម្មភាពផលិតកម្មប្រេង និងឧស្ម័នឡើងវិញ និងធ្វើឱ្យសកម្មភាពផលិតកម្ម និងនាំចេញប្រេងនៅកំពង់ផែនៃប្រទេសលីប៊ី វិលទៅរកភាពប្រក្រតីវិញ៕