នៅក្នុងសេចក្តីប្រកាសនាថ្ងៃដដែល រដ្ឋលេខាធិការទទួលបន្ទុកគោលនយោបាយពាណិជ្ជកម្ម លោក Douglas Alexander បានអះអាងថា នេះជាដំណឹងល្អសម្រាប់ធុរកិច្ចអង់គ្លេស ដែលកំពុងខិតជិតដល់គោលដៅទាញយកអត្ថប្រយោជន៍ពីឱកាសដែល CPTPP នាំមកជូន។  នៅពេលដែល CPTPP ចូលជាធរមាន ជាង ៩៩% នៃការនាំចេញរបស់ចក្រភពអង់គ្លេសនាបច្ចុប្បន្ន ទៅកាន់ប្រទេសសមាជិក CPTPP នឹងត្រូវបានលើកលែងពន្ធ ដែលត្រូវបានរំពឹងថា នឹងនាំមកដល់សេដ្ឋកិច្ចអង់គ្លេស នូវប្រាក់ចំណូលបន្ថែម ២ ពាន់លានផោនក្នុងមួយឆ្នាំ នៅត្រឹមឆ្នាំ២០៤០។

កុងតឺន័រដឹកទំនិញត្រូវបានផ្ទុកនៅកំពង់ផែក្នុងទីក្រុង Felixstowe ប្រទេសអង់គ្លេស ថ្ងៃទី ២៧ ខែមករា ឆ្នាំ ២០២៤។ រូបថត៖ AFP/TTXVN

មុននោះ អង់គ្លេសបានបញ្ចប់ការចរចាដើម្បីចូលរួមកិច្ចព្រមព្រៀង CPTPP នៅខែមីនា ឆ្នាំ ២០២៣ និងបានចុះហត្ថលេខាជាផ្លូវការលើកិច្ចព្រមព្រៀងចូលជាសមាជិកក្នុងខែកក្កដា ឆ្នាំ ២០២៣។ ឯកសារចូលជាសមាជិកនៃកិច្ចព្រមព្រៀងនេះ ត្រូវការអនុម័តដោយសភាអង់គ្លេសនិងប្រទេសជាសមាជិកយ៉ាងហោចណាស់ ៦ ប្រទេសផ្សេងទៀត។ ប្រទេសប៉េរូ ជាប្រទេសទី៦ ដែលផ្តល់សច្ចាប័នលើឯកសារនេះ បន្ទាប់ពីប្រទេសជប៉ុន សិង្ហបុរី ឈីលី នូវែលសេឡង់ និងវៀតណាម៕