អង់គ្លេសរំលឹកវិញ្ញណខ័ន្ធបណ្ដាជនរងគ្រោះក្នុងការវាយប្រហារភេរវកម្មដោយគ្រាប់បែកនៅពហុកីឡាដ្ឋាន Manchester Arena

នាថ្ងៃទី ២២ ឧសភា ប្រជាជនអង់គ្លេសបានរៀបចំពិធីរំលឹកវិញ្ញាក្ខ័ន្ធ បណ្ដាជនរងគ្រោះក្នុងការវាយប្រហារភេរវកម្មដោយគ្រាប់បែកដែលបានកើតមានឡើង ១ ឆ្នាំមុននៅពហុកីឡាដ្ឋាន Manchester Arena ទីក្រុង Manchester ធ្វើឲ្យមនុស្សចំនួន ២២ នាក់ត្រូវស្លាប់និង ១១៦ នាក់ទៀតរងរបួស។ នាយករដ្ឋមន្ត្រីអង់គ្លេស លោកស្រី Theresa May និងព្រះរាជបុត្រ Wiliiam ក៏បានអញ្ជើញចូលរួមពិធីរំលឹកវិញ្ញក្ខ័ន្ធមួយនៅវិហារកាតូលិក Manchester។ បណ្ដាគ្រួសារជនរងគ្រោះ បុគ្គលិកជួយសង្គ្រោះ ថ្នាក់ដឹកនាំបណ្ដាក្រុមស៊ិវិលនិង ជនរងរបួសក្នុងការវាយប្រហារពោលខាងលើក៏បានចូលរួមដែរ។ ពិធីនេះត្រូវបាន ផ្សាយដោយផ្ទាល់លើអេក្រង់ធំៗនៅទីក្រុងធំៗរបស់អង់គ្លេស៕