អ្នកកាសែតបរទេសជាច្រើនមកបំពេញការងារនៅភូមិ Son My ជាកន្លែងដែលកើតមានឡើងការកាប់សម្លាប់រង្គាល My Lai (រូបថត៖ Zing)

អ្នកកាសែតរាប់រយនាក់នៅក្នុងនិងក្រៅប្រទេសបានចុះឈ្មោះមកបំពេញការងារក្នុងឱកាសដែលខេត្ត Quang Ngai ភាគកណ្ដាលវៀតណាម រៀបចំសកម្ម ភាពរំលឹកខួបលើកទី៥០ទិវាដែលជនស៊ីវិលចំនួន៥០៤នាក់នៅភូមិ Son My ឃុំ Tinh Khe ទីក្រុង Quang Ngai ត្រូវសម្លាប់រង្គាល (ថ្ងៃទី១៦ មីនា ឆ្នាំ១៩៦៨)។

        ក្នុងនោះ មានក្រុមអ្នកកាសែតមកពីទីភ្នាក់ងារសារព័ត៌មានបរទេសជាច្រើន ដូចជា៖ Reuters AFP AP The Asahi Shinbun NHK ZDF និង RIA ជាដើម។ ក្រៅពីនោះភ្ញៀវបរទេសរាប់រយនាក់ដែលជាតំណាងនៃអង្គការអន្តរជាតិ អង្គការ ក្រៅរដ្ឋាភិបាល ក្រុមអតីតទាហាអាមេរិកស្នេហាសន្តិភាព ក៏បានចុះឈ្មោះ ចូលរួមពិធីរំលឹកខួប នាព្រឹកថ្ងៃទី១៦ មីនា ខាងមុខ ផងដែរ៕