ផ្ទះមួយខ្នងត្រូវបានខូចខាតបន្ទាប់ពីការបាញ់ផ្លោងក្នុងពេលមានជម្លោះរវាងកងទ័ពអាហ្សែបៃហ្សង់និងអាមេនី (រូបថត៖ AFP / VNA)

នេះគឺជាកិច្ចខិតខំប្រឹងប្រែងទី ២ របស់ភាគីពាក់ព័ន្ធដើម្បីបញ្ឈប់សកម្មភាពប្រយុទ្ធគ្នានៅក្នុងតំបន់នេះដែលបានសម្លាប់មនុស្សរាប់រយនាក់នាពេលកន្លងមក។ ការប្រកាសនេះបានធ្វើឡើងបន្ទាប់ពីរដ្ឋមន្ត្រីការបរទេសរុស្ស៊ីលោក Sergei Lavrov បានជួបសន្ទនាតាមទូរស័ព្ទជាមួយសមភាគីអាមេនីនិងអាហ្សែបែហ្សង់ដែលក្នុងនោះលោកបានសង្កត់ធ្ងន់ថា "ចាំបាច់ត្រូវរក្សាឱ្យបានតឹងរឹង" នូវកិច្ចព្រមព្រៀងឈប់បាញ់ ដែលត្រូវបាន ព្រមព្រៀងគ្នានៅទីក្រុងម៉ូស្គូ។ ក្រសួងការបរទេសរុស្ស៊ីក៏បានឲ្យដឹងថាបណ្ដារដ្ឋមន្រ្តីការបរទេសបានសង្កត់ធ្ងន់លើសារសំខាន់នៃការចាប់ផ្តើមការពិភាក្សា“ ជាក់ស្ដែង” ដើម្បីដោះស្រាយជម្លោះផងដែរ៕