បូលីសរដ្ឋ New South Wales បង្កើនការល្បាតនៅតាមមជ្ឈមណ្ឌលពាណិជ្ជកម្មដើម្បីធានាការអនុវត្តវិធានការបិទខ្ទប់។ (រូបថត៖ VOV)

អញ្ជើញថ្លែងបន្ទាប់ពីកិច្ចប្រជុំគណៈរដ្ឋមន្រ្តីកាលពីថ្ងៃទី៣០ កក្កដា នាយករដ្ឋ មន្រ្តីអូស្ត្រាលីលោក Scott Morrison ឲ្យដឹងថា នាបច្ចុប្បន្ននេះអូស្ត្រាលីកំពុងស្ថិតនៅ ដំណាក់កាលទី១ ដែលជាដំណាក់កាលបង្ការទប់ស្កាត់ការឆ្លងរាលដាលនៃវីរុស SARS-CoV-2 ក្នុងផែនការ ៤ ដំណាក់កាល សំដៅនាំឲ្យប្រទេសនេះរួចផុតពីជម្ងឺ រាតត្បាត ដែលត្រូវបានប្រកាសកាលពីដើមខែនេះ។ ក្នុងដំណាក់កាលដំបូង គិតត្រឹម ពេលនេះ វ៉ាក់សាំងបង្ការកូវីដ ១៩ ចំនួនជាង១២លានដូសត្រូវបានចាក់ជូនប្រជាពល រដ្ឋ ស្មើនឹងប្រជាជនចំនួន៤០%ត្រូវបានចាក់វ៉ាក់សាំងយ៉ាងហោចណាស់១ដូសទៅហើយ។

ដើម្បីឈានចូលដំណាក់កាលទី២ ដោយការកាត់បន្ថយវិធានការបិទខ្ទប់និងបើក ច្រកទ្វារព្រំដែនអន្តរជាតិឡើងវិញជាបណ្ដើរៗនោះ ប្រជាជនចំនួន៧០%ត្រូវការចាក់ វ៉ាក់សាំងបង្ការកូវីដ ១៩ គ្រប់២ ដូស។

ចំណែកឯដំណាក់កាលទី៣ ពោលគឺប្រជាជនត្រូវបានអនុញ្ញាតឲ្យចេញទៅឯ បរទេស ហើយវិធានការរឹតត្បិតត្រូវបានកាត់បន្ថយជាអតិបរមានោះ នឹងប្រព្រឹត្តទៅនៅ ពេលដែលអត្រាចាក់វ៉ាក់សាំងសម្រេចបាន៨០%នៃចំនួនប្រជាជន៕