ប្រធានរដ្ឋវៀតណាមបានជួបសន្ទនាជាមួយអាជីវករវ័យក្មេងគំរូ (VOV)

        VOV-នាព្រឹកថ្ងៃទី៣១សីហានៅវិមានប្រធានរដ្ឋ ប្រធានរដ្ឋវៀតណាម
លោក Truong Tan Sang បានជួបសន្ទនាជាមួយអាជីវករវ័យក្មេងចំនួន៤០នាក់
ដំណាង​ឲ្យអាជីវករគំរូទូទាំងប្រទេសក្នុងឱកាសរំលឹកខួបលើកទី២០ឆ្នាំចលនា
អាជីវករវ័យក្មេងវៀតណាមនិងលើកទី១០ឆ្នាំរង្វាន់ផ្កាយមាសវៀតណាម។ គិត
តាំងពីពេល​បង្កើតនាឆ្នាំ១៩៩៣មក សមាគមអាជីវករវ័យក្មេងវៀតណាមបាន
មានវត្តមាន​នៅ​ខេត្តក្រុងទាំងអស់ជាមួយសមាជិកចំនួន១ម៉ឺននាក់ធ្វើសកម្មភាព
នៅផ្នែកសេដ្ឋកិច្ចជាច្រើន។ បណ្ដាអង្គភាពអាជីវកម្មបាននិងកំពុងបង្កការងារធ្វើ
សំរាប់ពលករជាង២​លាន៥សែននាក់ជាមួយចំណូលប្រចាំឆ្នាំឡើងដល់២៥ពាន់
លានដុល្លារអាមេរិក។

        ថ្លែងមតិនៅពិធីនេះ​ ប្រធានរដ្ឋលោក Truong Tan Sang បានសង្កត់ធ្ងន់ថា ការ
ជួបសន្ទនាមិនត្រឹមតែជារាយការណ៍លទ្ធផលប៉ុណ្ណោះទេ ថែមទាំងដើម្បីផ្ទៀង​ស្ដាប់ផ្លាស់ប្តូររាល់ការលំបាកបទពិសោធន៍របស់អាជីវករសំដៅរកឃើញដំណោះ
ស្រាយដើម្បីជំរុញថែមទៀតការអភិវឌ្ឍន៍របស់អង្គភាពអាជីវកម្ម។ លោកប្រធាន
​រដ្ឋបានអះអាងថា​បក្ស រដ្ឋបានយកចិត្តទុកដាក់ជាពិសេសនិងមានយន្តការ​គោល​នយោបាយជំរុញការអភិវឌ្ឍន៍របស់អង្គភាពអាជីវកម្មនិងរបស់ខឿនសេដ្ឋកិច្ច​
ប្រទេសជាតិ។ លោកប្រធានរដ្ឋក៏បានរំលឹកថា ក្នុងនិន្នាការសមាហរណកម្ម​ការ​លើកកំពស់សមត្ថភាពប្រគួតប្រជែងគឺសំខាន់ពិសេស។ នាបច្ចុប្បន្ន វៀតណាម​បាននិងកំពុងបើកទ្វាចូលរួមអង្គការអន្តរជាតិជាច្រើនដូចជាអង្គការពាណិជ្ជកម្ម​
ពិភពលោក​(WTO) វេទិការសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC)
ជាដើម ចុះហត្ថលេខាលើកិច្ចព្រមព្រៀងពាណិជ្ជកម្មជាមួយប្រទេសជាច្រើន នេះ​ជាការសាកល្បងផង ជាឱកាសផងដើម្បីបណ្ដាអង្គភាពអាជីវកម្មអភិវឌ្ឍន៍ឈាន​
ទៅ​ពិភពលោក៕