មហោស្រពមិត្តភាពប្រជាជនវៀតណាម-ឥណ្ឌាលើកទី៦បានប្រារព្ធឡើង (ttnn.com.vn)

        Vovworld-ទំនាក់ទំនងមិត្តភាពនិងសហប្រតិបត្តិការវៀតណាម-ឥណ្ឌាជា​ទ្រព​សម្បត្តិរួមដ៏ថ្លៃថ្លារបស់ប្រជាជាតិទាំងពីរ។​នេះជាសារដែលបាននាំ​ចេញនៅ​មហោស្រពមិត្តភាពប្រជាជនវៀតណាម-ឥណ្ឌាលើកទី៦ដែលបានប្រារព្ធឡើង នា​ព្រឹកថ្ងៃទី២១តុលានៅទីក្រុងហាណូយ។

        ថ្លែងមតិនៅពិធីនេះ លោក Ha Minh Hue អនុប្រធានសមាគមមិត្តភាពវៀត​ណាម-ឥណ្ឌាបានលើកច្បាស់ថា មហោស្រពត្រូវបានរៀបចំប្តូរវេនតាំងពីឆ្នាំ​២០០៧​មករវាងវៀតណាមនិងឥណ្ឌាជាឱកាសដើម្បីជំរុញនិងពង្រីកទំនាក់ទំនង​រវាងប្រជាជននៃប្រទេសទាំងពីរនិយាយរួមនិងអង្គការប្រជាជននៃប្រទេសទាំងពីរនិយាយដោយលែក រួមចំណែកអនុវត្តបណ្ដាកិច្ចព្រមព្រៀងដែលទទួលបានរវាង​ថ្នាក់ដឹកនាំជាន់ខ្ពស់នៃប្រទេសទាំងពីរ។

        ក្នុងសារផ្ញើរជូនមហោស្រព លោក Devi Prasad Tripathi អគ្គលេខាធិការ​គណបក្សសមាជនិងជាអនុប្រធានអង្គការសន្តិភាពនិងសាមគ្គីភាពឥណ្ឌាទាំង​មូលបានសង្កត់ធ្ងន់ថា៖

        “ក្នុងកាលៈទេសៈដែលសកលលោកទាំងមូលកំពុងផ្លាស់ប្តូរយ៉ាងខ្លាំងក្លា ចាំបាច់ត្រូវបង្កើននិងអភិវឌ្ឍន៍ថែមទៀតទំនាក់ទំនងទ្វេភាគីលើគ្រប់វិស័យ។ កិច្ច​ព្រមព្រៀងដៃគូរយុទ្ធសាស្ត្ររវាងប្រទេសទាំងពីរដែលបានចុះហត្ថលេខានាឆ្នាំ​២០០៧ជារបត់សំខាន់សំរាប់ការបង្កើនទំនាក់ទំនងរវាងឥណ្ឌានិងវៀតណាម។ ប្រការ​សំខាន់គឺរាល់ផលប្រយោជន៍យុទ្ធសាស្ត្រនៃប្រទេសទាំងពីរមិនចំណុះទៅលើ​គោលគំនិតរបស់មហាអំណាចណាមួយឡើយ។ ដូច្នេះទំនាក់ទំនងនេះត្រូវបាន​បង្កើនថែមទៀតលើវេទិការទ្វេភាគីនិងពហុភាគី ពិសេសគឺអភិវឌ្ឍន៍ទំនាក់​ទំនង​ប្រជាជន៕”