(VOV)_នាថ្ងៃទី១៣មេសា ប្រជាជនស៊ីរីបានទៅបោះឆ្នោតជ្រើសរើសរដ្ឋ​សភា។
នេះគឺជាការបោះឆ្នោតរដ្ឋសភាលើកទី២ ចាប់ពីពេលសង្គ្រាមស៊ីវិលផ្ទុះឡើងនាឆ្នាំ
 ២០១១មក។ ក្នុងសភាពការណ៍ដ៏ស្មុគ្រស្មាញនាបច្ចុប្បន្ន ការបោះឆ្នោតលើកនេះ
បានបង្កើតឡើងការមន្ទិលសង្ស័យ អំពីការជះឥទ្ធិពលសកម្មរបស់​វា ​លើសន្តិសុខ
 និងខឿនសេដ្ឋកិច្ចស៊ីរី។

ការបោះឆ្នោតរដ្ឋសភាអាចជាដំណោះស្រាយសកម្មសំរាប់សន្តិភាពនៅស៊ីរីឬទេ?

ការបោះឆ្នោតត្រូវបានចាប់ផ្តើមពីម៉ោង៧ ព្រឹកថ្ងៃទី១៣មេសា (តាមម៉ោង​តំបន់) 
និងបញ្ចប់នាម៉ោង១៩ ថ្ងៃដដែរ។ បេក្ខជនចំនួនជាង៣ពាន់នាក់នឹង​ប្រជែងដណ្ដើម
អសនះចំនួន២៥០ក្នុងរដ្ឋសភា។ គណកម្មាធិការបោះឆ្នោតកំពូលស៊ីរី បានអះអាង
ថា៖មណ្ឌលបោះឆ្នោតចំនួន ៧ពាន់នៅទូទាំងប្រទេសបានត្រៀមរៀបចំរួចរាល់ហើយ។

          សន្តិសុខនិងសេដ្ឋកិច្ច៖ប្រធានបទចំនួន២ទាក់ទាញការយកចិត្តទុកដាក់​ជា
ច្រើនពីអ្នកបោះឆ្នោត

        ប្រធានគណៈកម្មាធិការបោះឆ្នោតកំពូលស៊ីរី Hisham Al Shaar បាន​ជូនដំណឹង
នាដើមសប្ដាហ៍នេះថា៖ ប្រជាជនស៊ីរីជាច្រើននាក់ នៅខេត្ត Idlib, Raqqa , Deir Al
Zour និងខេត្ត ទីក្រុងជាច្រើនទៀតអាចបោះឆ្នោត​នៅមណ្ឌល​បោះឆ្នោតផ្សេងៗនៅ
បណ្ដាតំបន់រដ្ឋបាលនៅសីរី។ តាមវិថីធំៗនៅរដ្ឋធានី Damascus របស់ស៊ីរី ពោពេញ
ទៅដោយបដា ពាក្យស្លោក ឃោសនាសំរាប់ការបោះឆ្នោតរដ្ឋសភានេះ។ ក្នុងពេល
ជាមួយគ្នានោះ អ្នកបោះឆ្នោតជាច្រើនមានគោលបំណងថា៖​ស្ថានភាពសន្តិសុខនឹង
ត្រូវបានស្ដាឡើងវិញយ៉ាងឆាប់ៗ។​ដូច្នេះ ដំណោះស្រាយ​សំរាប់ជំលោះនាបច្ចុប្បន្ន
រវាងបណ្ដាគណបក្សនៅស៊ីរី និងការប្រឆាំងរដ្ឋឥស្លាម​ស្វ័យប្រកាស (IS) ជាខ្លឹមសារ
ដែលបានបេក្ខជនជាច្រើនលើកឡើង ក្នុងកម្មវិធី​ប្រកួតប្រជែងរក​​សម្លេងឆ្នោត។

ក្រៅពីនោះ ខឿនសេដ្ឋកិច្ចស៊ីរី ដែលត្រូវបានបំផ្លាញ់យ៉ាងធ្ងន់ធ្ងរ ក្នុងសង្គ្រាមស៊ីវិល
នេះក៏​ជាការយកចិត្តទុកដាក់របស់អ្នកបោះឆ្នោតជាច្រើនដែរ។ តាមប្រធានា​ធិបតី
ស៊ីរី លោក Bashar Al Assad ថា៖ ជំលោះក្នុងរយៈពេល៥ឆ្នាំកន្លង​ទៅ ​បាន​បណ្ដាល
អោយខឿនសេដ្ឋកិច្ចស៊ីរីត្រូវខូចខាតជាង២០០ពាន់លានដុល្លារអាមេរិក។

បញ្ហាមួយទៀត ក៏បានអ្នកបោះឆ្នោតយកចិត្តទុកដាក់ នោះគឺជំរុញខ្លាំងការងារបង្ការ
ប្រឆាំងអំពើពុករលួយ ដើម្បីប្រមូលផ្តុំកម្លាំងកសាងប្រទេសនេះឡើងវិញ​។

តើការបោះឆ្នោតលើកនេះអាចនាំមកនូវសន្តិភាពសំរាប់ស៊ីរីដែរឬទេ?

ការបោះឆ្នោតរដ្ឋសភានៅស៊ីរី ត្រូវបានប្រឈមមុខនឹងប្រតិកម្មយ៉ាងខ្លាំងក្លាពី
បណ្ដាប្រទេសលោកខាងលិច និងគណបក្សប្រឆាំងនៅស៊ីរី។ ដំណាងគណៈកម្មា
ធិការកំពូលអំពីការចរចាររបស់គណៈបក្សប្រឆាំងបានចាត់ទុកថា៖ប្រធានាធិបតី 
លោក Bashar Al Assad ចង់រៀបចំការបោះឆ្នោតនេះដើម្បីអូស​បន្លាយដំណើ​ការចរ
ចារនៅក្រុង Geneva។ វាយតំលៃអំពីការជះឥទ្ធិពលរបស់ការបោះឆ្នោតនេះ​នាយក
មជ្ឈមណ្ឌលសន្តិសុខ នៃបណ្ឌិតសភាវិទ្យាសាស្ត្ររុស្ស៊ី លោក Aleksey Arbatov
បានចាត់ទុកថា៖ ការបោះឆ្នោតនេះអាចជះឥទ្ធិពលអសកម្មចំពោះបទ​ឈប់បាញ់
នៅស៊ីរី។ រីឯ គណបក្សប្រឆាំងបានចោទប្រកាន់ថា៖លោក Al –Assad ឆ្លៀតយក
ការបោះឆ្នោតនេះដើម្បីពង្រឹងអំណាចរបស់ខ្លួន។ ចំពោះប្រជាជនស៊ីរី ទន្ទឹមនឹង
បណ្ដាមតិគាំទ្រព្រឹត្តិការណ៍នេះ កីមានអ្នកបោះឆ្នោតជាច្រើនអះអាងថា៖គេមិន
ទៅបោះឆ្នោតទេ។ 

ក្នុងពេលនោះ ប្រធានាធិបតីរុស្ស៊ី លោក Vladimir Putin បានប្រកាសថា៖​ការ
បោះឆ្នោតសកលនេះនឹងនាំមកនូវឯករាជ្យដោយមិនជះឥទ្ធិពលទៅលើដំណើការ
​កសាងសន្តិភាពនៃការចរចារនានាដោយអង្គការសហប្រជាជាតិគាំពារ នៅ​ Geneva
 ស្វីសទេ។ រីឯ អង្គការពហុជាតិធំបំផុតលើពិភពលោកមួយនេះ ក៏បាន​អំពាវ​នាវ
អោយស៊ីរី ដំណើការបោះឆ្នោតប្រធានាធិបតីនិងបោះឆ្នោតសកល​ ក្នុងរយៈពេល
១៨ខែខាងមុខនេះ ហើយចាត់ទុកនេះគឺជាផ្នែកមួយមិនអាចខ្វះ​បានក្នុងដំណើកា
រសន្តិភាពឡើយ។

          សង្គ្រាមស៊ីវិលនៅស៊ីរីបានអូសបន្លាយក្នុងរយៈពេល៥ឆ្នាំហើយប៉ុន្តែនៅមិន
ទាន់មានសញ្ញបញ្ចប់ទេ។ រួមជាមួយការចរចារដោយអង្គការសហប្រជា​ជាតិគាំពារ
នេះ ការបោះឆ្នោតលើកនេះ ត្រូវបានសង្ឃឹមថានឹងនាំមកនូវសញ្ញា​សកម្មសំរាប់
សន្តិភាពនៅស៊ីរី។ ប៉ុន្តែប្រការនេះគឺមិនងាយស្រួលទេ៕