លោកអគ្គលេខាបក្ស Nguyen Phu Trong អញ្ជើញថ្លែងសន្និដ្ឋាននៅសន្និបាតមជ្ឈឹមលើកទី៤ នីតិកាលទី១៣។ (រូបថត៖ VNA)

ក្នុងអំឡុងពេលចាប់ពីមហាសន្និបាតលើកទី១១ដល់លើកទី១៣របស់បក្សកុម្មុយនិស្តវៀតណាម បញ្ហាកសាង ពង្រឹងបក្ស សុទ្ធតែត្រូវបានដាក់ជាអាទិភាពចម្បង។ ប្រសិនបើសន្និបាតមជ្ឈឹមលើកទី៤ នីតិកាលទី១១ និង១២ បានផ្ដោតសំខាន់ទៅលើ បញ្ហាកសាង ពង្រឹងបក្សនោះ គឺសន្និបាតមជ្ឈឹមលើក ទី៤ នីតិកាលទី១៣ បានពង្រីក វិសាលភាពទៅលើប្រព័ន្ធនយោបាយទាំងមូល។ នេះជាចំណុចថ្មីមួយនៃសន្និបាតមជ្ឈឹម លើកទី៤នីតិកាលទី១៣។ ប្រការនេះជាវិធីអភិក្រមដ៏ត្រឹមត្រូវក្នុងការងារកសាង ពង្រឹង បក្ស ដោយសារតែចំពោះបក្សកាន់អំណាចមួយ បក្ខជនត្រូវបានបែងចែកការងារនៅ តាមវិស័យជាច្រើនរបស់រដ្ឋ រួមមានរដ្ឋសភា ក្រុមប្រឹក្សាប្រជាជន រដ្ឋាភិបាល គណៈ កម្មាធិការប្រជាជន និងអង្គការនយោបាយសង្គមទៀតផង។ ដូច្នេះ ការកសាង ពង្រឹង ធ្វើឲ្យស្អាតស្អំជួរកម្មាភិបាលនោះ ចាំបាច់ត្រូវបានអនុវត្តន៍មិនត្រឹមតែក្នុងជួរបក្សប៉ុណ្ណោះ ទេ ថែមទាំងក្នុងប្រព័ន្ធនយោបាយទាំងមូលទៀតផង។ លោកសាស្ត្រាចារ្យរង បណ្ឌិត Bui Dinh Phong នៅបណ្ឌិតសភានយោបាយជាតិ ហូជីមិញចាត់ទុកថា៖

ទិដ្ឋភាពនៅសន្និបាតមជ្ឈឹមលើកទី៤។ (រូបថត៖ VNA)

នៅសន្និបាតមជ្ឈឹមលើកទី៤ និតិកាលទី១៣ លោកអគ្គលេខាបក្ស Nguyen Phu Trong បានសង្កត់ធ្ងន់លើទស្សនៈថា បក្ខជនត្រូវតែ “និយាយដើរទន្ទឹមនឹងការធ្វើ” ដាក់ ខ្លួនឯងជាគំរូប្រតិបត្តិតាមសេចក្ដីសម្រេចចិត្ត គោលនយោបាយ ច្បាប់របស់បក្ស និងរដ្ឋ។ សតិអារម្មណ៍ ទស្សនៈនេះអំពីការងារកសាង ពង្រឹងបក្ស បានឆ្លើយតបនឹង ជំនឿជឿជាក់របស់ប្រជាជន។ លោក Nguyen Manh Thang នៅខ័ណ្ឌ Hoang Mai ទីក្រុងហាណូយ ចាត់ទុកថា៖

សន្និបាតមជ្ឈឹមលើកទី៤ នីតិកាលទី១៣ ក៏បានសង្កត់ធ្ងន់ទៅលើជំហរប្រយុទ្ធ ប្រឆាំងនឹងភាពអសកម្ម ដោយការធ្លាក់ចុះសតិអារម្មណ៍នយោបាយ សីលធម៌និង របៀបរស់នៅ។ ពីព្រោះភាពអសកម្មជា “ឫសគល់” ជាប្រភពនាំទៅការចុះខ្សោយ លក្ខណៈសម្បត្តិផ្សេងៗទៀត ជាពិសេសគឺអំពើពុករលួយ។ ចំពោះបញ្ហានេះ លោក បណ្ឌិត Nguyen Viet Chuc អតីតអនុប្រធានគណៈ កម្មាធិការវប្បធម៌អប់រំយុវជន យុវជនជំទង់និងកុមារចំណុះរដ្ឋសភា បានធ្វើអត្ថាធិប្បាយថា៖ ប្រសិនបើបក្ខជន មិនហាត់ពត់លត់ដំ ធ្លាក់ចុះសីលធម៌ របៀបរស់នៅ នឹងនាំទៅការ “វិវឌ្ឍន៍ដោយខ្លួន ឯង ប្រែធាតុដោយខ្លួនឯង”។

មិនត្រឹមតែ “ទប់ស្កាត់ រុញថយ” ប៉ុណ្ណោះទេ ប៉ុន្តែសន្និបាតមជ្ឈឹមលើកទី៤ នីតិកាលទី១៣ថែមទាំងសង្កត់ធ្ងន់ទៅលើ “ភាពម្ចាស់ការ” ទៀតផង។ នេះជា បាវចនាថ្មីក្នុងការដឹកនាំការងារកសាងបក្ស។ លោកសាស្ត្រាចារ្យរង បណ្ឌិត Nguyen Trong Phuc នៅបណ្ឌិតសភានយោបាយជាតិហូជីមិញ បានវិភាគថា៖

សន្និបាតមជ្ឈឹមលើកទី៤នេះ មានអត្ថន័យដ៏សំខាន់ក្នុងការពង្រីកលក្ខណៈឈានមុខ របស់កម្មា ភិបាល បក្ខជនក្នុងការងារកសាង ពង្រឹងបក្ស លើកកំពស់សមត្ថភាព ប្រយុទ្ធរបស់បក្ស។ ប្រសិនបើបក្ខជនម្នាក់ៗពិតជាគំរូ ប្ដេជ្ញារុញថយភាពអសកម្ម និងរាល់សញ្ញាបង្ហាញពីការ “វិវឌ្ឍន៍ដោយខ្លួនឯង ប្រែធាតុដោយខ្លួនឯង” នោះ ប្រាកដថា បក្សកុម្មុយនិស្តវៀតណាមនឹងកាន់តែខ្លាំងមាំមួន ឆ្លើយតបនឹង ជំនឿជឿជាក់របស់ប្រជាជន៕