(VOVworld)-ក្នុងរយៈពេល២ថ្ងៃគឺថ្ងៃទី២២និង២៣មិថុនា នាយករដ្ឋមន្ត្រីលោក
Nguyen Tan Dung អញ្ជើញដឹកនាំគណៈប្រតិភូវៀតណាមចូលរួមសន្និសីទកំពូល
នៃកិច្ចសហប្រតិបត្តិការកម្ពុជា-ឡាវ-ម៉ីយ៉ាន់ម៉ាវៀតណាម (CLMV)លើកទី៧និង​សន្និសីទកំពូលយុទ្ធសាស្ត្រ​កិច្ចសហប្រតិបត្តិការ​សេដ្ឋកិច្ច អា​យ៉េ​យ៉ា​វ៉ា​ឌី​-​ចៅ
​ប្រា​យ៉ា​-​មេគង្គលើក​តី​៦(ACMECS) នៅប្រទេសម៉ីយ៉ានម៉ា។

        ជាក់ស្តែងថា ក្នុងចំណោមប្រទេសអាស៊ានទាំង១០ ផលិតផលក្នុងស្រុក
សរុប(GDP) របស់ក្រុមប្រទេសជាសមជិកចាស់ចំនួន៦ប្រទេស មានឥណ្ឌូនេស៊ី
ប្រ៊ុយនេ ថៃ ម៉ាឡេស៊ី សឹង្ហបុរី ហ្វីលីពីន និងប្រទេសជាសមាជិកថ្មី រួមមានកម្ពុជា
ឡាវ ម៉ីយ៉ានម៉ានិងវៀតណាម គឺមានការអភិវឌ្ឍន៍មិនស្មើរនឹងគ្នា។ ដូន្នេះ គម្លាត
នៃការអភិវឌ្ឍន៍រវាងបណ្តាប្រទេសជាសមាជិក កំពុងជាឧបស័គ្គជួរមុខចំពោះ
អនាគតអភិវឌ្ឍន៍របស់អាស៊ាន ជាពិសេស ក្នុងកាលៈទេសៈដែលអាស៊ានបាន
សម្រេចគោលដៅបង្កើតសហគមន៍រួមនាចុងឆ្នាំ២០១៥នេះ។ ដោយហេតុ​នេះ យន្តការសហប្រតិបត្តិការកម្ពុជា-ឡាវ-ម៉ីយ៉ានម៉ា-វៀតណាមជាការខិតខំប្រឹង ប្រែង១សំដៅឆ្លើយតបនឹងតម្រូវការបរានុម័តនៃការធ្វើសមាហរណកម្មអនុតំបន់
ទន្លេមេគ្គងនិងអាស៊ាន។

នាយករដ្ឋមន្ត្រី Nguyen Tan Dung (រូបថតៈ TTXVN)

        យន្តការសហប្រតិបត្តិការកំពុងពង្រិកប្រសិទ្ធិភាព

        សន្និសីទ CLMV បានប្រារព្ធឡើងជាលើកដំបូងនាឆ្នាំ២០០៤នៅប្រទេស
ឡាវ​ ហើយបានរៀបចំជាបន្តបន្ទាប់នៅប្រទេសម៉ាឡេស៊ី ហ្វីលីពីន​ វៀតណាម
កម្ពុជា ឡាវ និងសន្និសីទលើកទី៧នេះ បានប្រព្រឹត្តទៅនៅប្រទេសម៉ីយ៉ានម៉ា។ ចំណុចលេចធ្លោតាមរយៈបណ្តាសន្និសីទ គឺជម្រុញកិច្ចសហប្រតិបត្តិការលើគ្រប់
វិស័យ ក្នុងនោះមានការផ្សាភ្ជាប់ផ្លូវគមនាគមន៍និងដឹកជញ្ជូន កសិកម្ម ឧស្សាហ កម្មនិងបណ្តុះបណ្តាលប្រភពធនធានមនុស្សជាដើម។

        ដោយមានគម្រោងការជាង២០០កំពុងបានអនុវត្ត ដែលផ្តោតទៅលើវិស័យ អភិវឌ្ឍន៍ហេដ្ឋារចនាសម្ព័ន្ធ ធ្វើសមាហរណកម្មសេដ្ឋកិច្ច​ បច្ចេកវិទ្យាព័ត៌មាន និង
ទូរគមនាគមន៍ ។ល។ ក្រុមប្រទេសចំនួន៤ វៀតណាម​ ឡាវ ម៉ីយ៉ានម៉ានិងកម្ពុជា
នេះ បាននឹងកំពុងទទួលបានលទ្ធផលវិជ្ជមានជាច្រើនក្នុងការកាត់បន្ថយភាពក្រី
ក្រ កែលំអបរិស្ថាននិងជម្រុញទេសចរណ៍ក្នុងតំបន់។ ប៉ុន្តែ ដើម្បីមានការអភិវឌ្ឍន៍
ជឿនលឿនជាង ធ្វើសមាហរណកម្មស៊ីជម្រៅជាង ប្រទេសទាំង៤នេះ ត្រូវបង្កើន
សក្តានុពលសម្រាប់កិច្ចសហប្រតិបត្តិការក្នុងតំបន់។ ដោយមានការ ចូលរួម
របស់ប្រមុខរដ្ឋបណ្តាប្រទេសជាសមាជិក សន្និសីទកំពូល CLMV លើកនេះ ជា
ឱកាសដើម្បីថ្នាក់ដឹក នាំនានា សម្រេចបានបញ្ហាធំៗ និងព្រមព្រៀងគ្នាអំពីទិសដៅ
អភិវឌ្ឍន៍នាពេល ខាងមុខ ជាពិសេស គឺអនុម័តលើកិច្ចសហប្រត្តិបត្តិការជាក់ស្តែង
មួយចំនួន ក៏ដូច ជាលើកកំពស់និងអំពាវនាវបណ្តាប្រភពកម្លាំងពលំអន្តរជាតិចូល
រួមក្នុងដំណើរ ការសហប្រតិបត្តិការនិងអភិវឌ្ឍន៍។

នាយករដ្ឋមន្ត្រី Nguyen Tan Dung អញ្ជើញមកកាន់ម៉ីយ៉ានម៉ា

        វៀតណាមសកម្មជម្រុញកិច្ចសហប្រតិបត្តិការអនុតំបន់

        នាពេលកន្លងទៅ វៀតណាមបានម្ចាស់ការ និងចូលរួមក្នុងបណ្តាសកម្មភាព សហប្រតិបត្តិការរបស់យន្តការនេះយ៉ាងសកម្ម និងដាក់ចេញការផ្តើមគំនិតមួយ
ចំនួនផងដែរ សំដៅបង្កើននូវប្រសិទ្ធិភាពនៃកិច្ចសហប្រតិបត្តិការអនុតំបន់។

        នៅសន្និសិទលើកនេះ នាយករដ្ឋមន្ត្រី Nguyen Tan Dung រួមជាមួយថ្នាក់
ដឹកនាំដទៃ ពិនិត្យឡើងវិញដំណាក់កាលអនុវត្តយន្តការសហប្រតិបត្តិការមេគ្គង ដែលមានការគួបផ្សំនឹងដំណើរការសហប្រតិបត្តិការទ្វេភាគីរវាងបណ្តាប្រទេស សំដៅជម្រុញការអភិវឌ្ឍន៍ដ៏និរន្តភាពនៃអនុតំបន់ទន្លេមេគ្គងទាំងមូល។

        ក៏នៅប្រទេសម៉ីយ៉ានម៉ា នាយករដ្ឋមន្ត្រី Nguyen Tan Dung បានអញ្ជើញ​ចូល
រួមសន្និសីទកំពូល ACMECS ។ នេះជាក្របខ័ណ្ឌសហប្រតិបត្តិការសេដ្ឋកិច្ច នៃប្រទេសចំនួន៥រួមមាន កម្ពុជា ឡាវ ម៉ីយ៉ានម៉ា ថៃនិងវៀតណាម សំដៅបង្កើន កិច្ចសហប្រតិបត្តិការរួមនិងទ្វេភាគី ដើម្បីលើកកំពស់ការប្រគួតប្រជែង និង
បង្រួញគម្លាតអភិវឌ្ឍន៍ផងដែរ។ នៅទីនេះ នាយករដ្ឋមន្ត្រី Nguyen Tan Dung បានរួមជាមួយថ្នាក់ដឹកនាំនៃប្រទេសទាំង៥ វាយតម្លៃលើកម្មវិធីសកម្មភាពរបស់
ACMECS ដំណាក់កាល២០១៣-២០១៥ លើបណ្តាវិស័យសហប្រតិបត្តិការជាក់
ស្តែង សំដៅផ្សាភ្ជាប់ឲ្យស្អិតរមួយថែមទៀតកិច្ចសហប្រតិបត្តិការរវាង ACMECS ជាមួយដំណើរការកសាងសហគមន៍សេដ្ឋកិច្ចអាស៊ាន ២០១៥ ព្រមទាំងអនុវត្ត ផែនការមេស្តីពីការផ្សាភ្ជាប់អាស៊ានទៀតផង។

        ចូលរួមបណ្តាសន្និសីទនេះ វៀតណាមមិនត្រឹមតែសម្តែងនូវការប្តេជ្ញាអនុវត្ត បណ្តាយន្តការសហប្រតិបត្តិការដ៏សែនសំខាន់ប៉ុណ្ណោះទេ ថែមទាំងជម្រុញផ្ទាល់ កិច្ចសហប្រតិបត្តិការពាណិជ្ជកម្ម វិនិយោគ រវាងប្រទេសនានា រួមចំណែកលើក
កំពស់តួនាទី ឋានៈរបស់វៀតណាមលើឆាកអន្តរជាតិ។ ហើយថែមទាំង បន្តសម្តែង
តួនាទីឈានមុខក្នុងកិច្ចសហប្រតិបត្តិការមេគ្គង ក៏ដូចជាពង្រឹងទំនាក់ទំនង សហ
ប្រតិបត្តិការជាមួយប្រទេសក្នុងតំបន់និយាយរួម និងប្រទេសម៉ីយ៉ានម៉ានិយាយ
ដោយឡែកទៀតផង៕