អគ្គលេខាបក្សកុម្មុយនីស្តវៀតណាមលោក Nguyen Phu Trong (vov.vn)

        VOV- សេចក្តីសំរេចចិត្តសន្និបាតមជ្ឈឹមលើកទី៤នីតិកាលទី១១រួមមាន
ខ្លឹមសារ​មានចរិតលក្ខណៈតស៊ូ ឆ្លើយតបនឹងបំណងប្រាថ្នារបស់ប្រជាជនទាំង
មូល បក្សទាំង​មូលជាមួយដំណោះស្រាយជាក់ស្ដែង។ ដំណើរការអនុវត្ត សេចក្តី
សំរេចចិត្ត​សន្និបាត​មជ្ឈឹមលើកទី៤បានក្លាយទៅជាវគ្គជីវភាពនយោបាយស៊ី
ជម្រៅ រួមចំណែក​ពង្រឹង​នឹងបង្កើតឯកភាពខាងសតិអារម្មណ៍ បង្កើនសាមគ្គីភាព
ក្នុងបក្ស។ ថ្លែងមតិនៅ​សន្និបាត​មជ្ឈឹមបក្សលើកទី៧នីតិកាលទី១១នាខែឧសភា
ឆ្នាំ២០១៣អំពីការបន្ត​លាត​ត្រដាងអនុវត្ត សេចក្តីសំរេចចិត្តសន្និបាតមជ្ឈឹមលើក
ទី៤ក្នុងបក្ស អគ្គលេខា​បក្សកុម្មុយនីស្តវៀតណាមលោក Nguyen Phu Trong បាន
វាយតំលៃថា៖

         “គណៈកម្មាធិការបក្សអង្គការបក្សគ្រប់ជាន់ថ្នាក់និងជួរកម្មាភិបាលបក្ខជន
បានយល់ដឹងយ៉ាងពេញលេញជាងអំពីសារសំខាន់របស់ការងារកសាងបក្សក្នុង
ស្ថានភាពថ្មី។ ក្នុងកាលៈទេសៈមានការលំបាកសាកល្បងជាច្រើន ការលាត
ត្រដាងអនុវត្ត សេចក្តីសំរេចចិត្តសន្និបាតមជ្ឈឹមលើកទី៤បានរួមចំណែកជំរុញ
ភារកិច្ចអភិវឌ្ឍន៍សេដ្ឋកិច្ច-សង្គមកិច្ចឆ្នាំ២០១២​សំរេចជាសារវន្តរាល់គោលដៅ ភារកិច្ចដែលបានដាក់​ចេញ រក្សារឹងមាំស្ថិរភាពម៉ាក្រូសេដ្ឋកិច្ចទប់ស្កាត់អតិផរណា ធានាសុខុមាលភាព​សង្គម។”

        ស្ដីអំពីលទ្ធផលជាក់ស្ដែង អាចឃើញច្បាស់ថា​ សេចក្តីសំរេចចិត្តសន្និបាត​មជ្ឈឹមលើកទី៤ទប់ស្កាត់ស្ថានភាពឪនភាពអំពីសតិអារម្មណ៍នយោបាយសិលធម៍
របៀបរស់នៅក្នុងបក្សជាជំហានដំបូងព្រមទាំងជំនះពុះពារលើកំហិតក្នុងការងារ
កិច្ចការ​ចាត់តាំងកម្មាភិបាលនិងក្នុងការអនុវត្តគោលការណ៍រៀបចំជីវភាពបក្ស។
តាមរយៈ​ការទិតៀននឹងស្វ័យទិតៀន ផ្ទៀងស្ដាប់មតិរួមចំណែករបស់កម្មាភិបាល
បក្ខជន​ប្រជាជន ការិយាល័យនយោបាយគណៈលេខាគណៈកម្មាធិការបក្ស
អង្គការបក្ស​គ្រប់​ជាន់ថ្នាក់និងកម្មាភិបាលបក្ខជនម្នាក់ៗ បានយល់យ៉ាងជ្រាល
ជ្រៅជាងអំពី​ចំណុចខ្លាំងចំណុចខ្សោយនិងមានវិធានការកែប្រែជំនះពុះពារ។
ដូច្នេះ​កិត្យានុភាព​របស់បក្ខជនម្នាក់ៗនិងបក្សទាំងមូលត្រូវបានលើកកំពស់យ៉ាង
ច្បាស់លាស់។ លោក Ksor Phuoc សមាជិកមជ្ឈឹមបក្សនិងជាប្រធានក្រុមប្រឹក្សា
ជនជាតិរបស់​រដ្ឋសភាបានវាយតំលៃថា៖

        “តាមរយៈការងារនេះ ខ្ញុំបានឃើញថា​បក្សហ៊ានប្រឈមមុខនឹងគុណវិបត្តិ
និង​ប្តេជ្ញាចិត្តកែប្រែរាល់គុណវិបត្តិរបស់ខ្លួន។ និងដើម្បីកែប្រែការខ្វះខាតនោះ
ក្នុង​បក្សត្រូវបង្កើនពង្រីកប្រជាធិបតេយ្យបង្កើនការទិតៀននិងស្វ័យទិតៀន។ ​
ជា​​ពិសេសបក្សត្រូវផ្សាភ្ជាប់ជាមួយប្រជាជនផ្ទៀងស្ដាប់មតិរបស់ប្រជាជននិង
ផ្អែកទៅលើប្រជាជនដើម្បីកសាងបក្សល្អជាងទៀត។”

        បញ្ហាត្រូវបានយកចិត្តទុកដាក់ក្នុងការអនុវត្តសេចក្តីសំរេចចិត្តសន្និបាត
មជ្ឈឹមលើកទី៤នាពេលខាងមុខគឺផ្ដោតសំខាន់ដល់ការរៀបចំលាតត្រដាង​អនុវត្តសេចក្តីសំរេចចិត្តដ៏សែនសំខាន់នេះ។ តាមនោះការកសាងបក្សជាការ​ទទួលខុសត្រូវរបស់បក្ខជនម្នាក់ៗ ប៉ុន្តែការទទួលខុសត្រូវរបស់កម្មាភិបាលស្នូល​នាំមុខបណ្ដាថ្នាក់អង្គភាពគឺសំខាន់ជាងគេ។ ទន្ទឹមនឹងការងារនេះ ត្រូវបង្កបាន
ការ​ប្រែប្រួលរបត់ក្នុងការងារកម្មាភិបាល ជាខ្លឹមសារសំខាន់មួយក្នុងការ​កសាង
បក្សតាមស្មារតីសេចក្តីសំរេចចិត្តសន្និបាតមជ្ឈឹមលើកទី៤។ លោក Phan Dien អតីតសមាជិកការិយាល័យនយោបាយនិងជាអតីតអចិន្ត្រៃយ៍គណៈលេខា​បានសង្កត់ធ្ងន់ទៅលើការសុក្រិដ្ឋបែបបទចំពោះការងារចាត់តាំងកម្មាភិបាល។

        “យើងត្រូវពិនិត្យ វាយតំលៃឡើងវិញមូលហេតុអំពីរបបកម្មាភិបាល ឧទាហរណ៍​របបអំពីការងារចាត់តាំងកម្មាភិបាល ការជ្រើសរើស ការជ្រើសតាំងកម្មាភិបាល គ្រប់គ្រងកម្មាភិបាល និងការឃ្លាំមើលកម្មាភិបាលយ៉ាងម៉េច។ ក្នុងពេលដែលរក
​ឃើញ​ការខុសឆ្គង កម្មាភិបាលមិនសក្តិសមនោះ យើងត្រូវមានវិធានការនានា
ដើម្បីដោះស្រាយ​ទាន់ពេលវេលា។”

        កសាងបក្សសាមគ្គីភាពស្អាតស្អំរឹងមាំ ជាងពេលណាទាំងអស់គឺជាសំណូមពរ​បរានុម័តរបស់បុព្វហេតុបដិវត្តប្រជាជនទាំងមូល ជាបញ្ហាស្លាប់រស់របស់បក្ស របស់
​របប របស់ប្រទេសជាតិ។ សេចក្តីសំរេចចិត្តនៃសន្និបាតមជ្ឈឹមបក្សលើកទី៤បាន​លើកច្បាស់រាល់សំណូមពរនិងដំណោះស្រាយដ៏ត្រឹមត្រូវ។ បូកសរុបដកពិសោធន៍​ក្នុងការអនុវត្តសេចក្តីសំរេចចិត្តនៃសន្និបាតមជ្ឈឹមបក្សលើកទី៤ក្នុងឆ្នាំកន្លងមក
ដាក់​ចេញវិធានការអនុវត្តយ៉ាងខ្លាំងក្លា​ ជាប្រការដែលបក្សទាំងមូល​ប្រជាជន
ទាំងមូលចង់ឲ្យក្នុងបុព្វហេតុកសាងនិងការពារមាតុប្រទេសនាបច្ចុប្បន្ន៕