(VOV)_ទទួលសេចក្ដីអញ្ជើញរបស់ប្រធានាធិបតីអាល្លឺម៉ង់ លោក Joachim
Gauck នាថ្ងៃទី២៤ វិច្ឆិកា ប្រធានរដ្ឋវៀតណាម លោក TruongTan Sang និងលោកជំ
ទាវ រួមជាមួយគណៈប្រតិភូជាន់ខ្ពស់វៀតណាម បានចាកចេញពីទីក្រុងហាណូយ
អញ្ជើញទៅបំពេញទស្សនកិច្ចថ្នាក់រដ្ឋ នៅអាល្លឺម៉ង់ ចាប់ពីថ្ងៃទី២៤ ដល់ថ្ងៃទី២៦
វិច្ឆិកា។ ដំណើរទស្សនកិច្ចលើកនេះនឹងបើកចេញកិច្ចសហប្រតិបត្តិការថ្មី បង្កើត
កម្លាំងចលករថ្មីសំដៅជំរុញទំនាក់ទំនងដៃគូយុទ្ធសាស្ត្ររវាងប្រទេសទាំងពីរ។
 |
| ជំរុញទំនាក់ទំនងដៃគូយុទ្ធសាស្ត្រវៀតណាម-អាល្លឺម៉ង់ |
នេះគឺជាដំណើរទស្សនកិច្ចថ្នាក់រដ្ឋលើកដំបូងរបស់ប្រធានរដ្ឋវៀតណាម នៅអា
ល្លឺម៉ង់ ចាប់ពីឆ្នាំ ១៩៩០មក ហើយចំនឹងឱកាសរំលឹកខួបអនុស្សាវរីយ៍ លើកទី៤០ទិ
វាបង្កើតទំនាក់ទំនងការទូតរវាងប្រទេសទាំងពីរ (១៩៧៥-២០១៥)។
ទំនាក់ទំនងរវាងវៀតណាមនិងអាល្លឺម៉ង់ កំពុងអភិវឌ្ឍន៍យ៉ាងសកម្ម។ ប្រទេស
ទាំងពីរបានបង្កើតទំនាក់ទំនងដៃគូយុទ្ធសាស្ត្រពីឆ្នាំ ២០១១មក ក្នុងឱកាសអធិកាប
តីអាល្លឺម៉ង់ លោកស្រី Angela Merkel មកបំពេញទស្សនកិច្ចនៅវៀតណាម។
ទំនាក់ទំនងមិត្តភាព កិច្ចសហប្រតិបត្តិការអភិវឌ្ឍន៍លើគ្រប់ជ្រុងជ្រោយ
៤០ឆ្នាំ ចាប់ពីពេលបង្កើតទំនាក់ទំនងការទូតមក នាខែកញ្ញា ឆ្នាំ ១៩៧៥ ទំ
នាក់ទំនងមិត្តភាព និងកិច្ចសហប្រតិបត្តិការវៀតណាម-អាល្លឺម៉ង់ ត្រូវបានអភិវឌ្ឍន៍
យ៉ាងខ្លាំងក្លា និងមានប្រសិទ្ធិភាពពីមួយថ្ងៃទៅមួយថ្ងៃ។ កិច្ចសហប្រតិបត្តិការរវាង
ប្រទេសទាំងពីរ ក្នុងវិស័យនយោបាយ កិច្ចការបរទេស ត្រូវបានអនុវត្តតាមរយៈ
ការផ្លាស់ប្តូរគណៈប្រតិភូគ្រប់ជាន់ថ្នាក់ ពិសេសគឺគណៈប្រតិភូជាន់ខ្ពស់ រួមជា
មួយការបង្កើត និងអនុវត្តប្រកបដោយប្រសិទ្ធិភាពលើគ្រប់យន្តការសហប្រតិបត្តិ
ការ។ លោក Chu Tuan Cap អតីតឯកអគ្គរដ្ឋទូតវៀតណាមប្រចាំនៅអាល្លឺម៉ង់ អនុ
ប្រធានសមាគមមិត្តភាពវៀតណាម-អាល្លឺម៉ង់ បានចាត់ទុកថា៖
“ ខែតុលាឆ្នាំ ២០១១ ប្រទេសទាំងពីរមានព្រឹត្តិការណ៍ប្រវត្តិសាស្ត្រនោះគឺ
នាយករដ្ឋមន្ត្រីនៃប្រទេសទាំងពីរបានចុះហត្ថលេខាលើសេចក្ដីថ្លែងការណ៍រួម
កសាងទំនាក់ទំនងដៃគូយុទ្ធសាស្ត្រ។ ប្រការនេះបានសរអោយឃើញនូវលក្ខណះ
ពិសេស និងសារសំខាន់របស់ទំនាក់ទំនងរវាងប្រទេសទាំងពីរ។ ដោយផ្អែកទៅលើ
គ្រឹះដ្ឋាននេះ ប៉ុន្មានឆ្នាំកន្លងទៅ ទំនាក់ទំនងរវាងប្រទេសទាំងពីរត្រូវបានអភិវឌ្ឍន៍
ជានិច្ច។”
មិនត្រឹមតែសហប្រតិបត្តិការលើវិស័យនយោបាយប៉ុណ្ណោះទេ កិច្ចសហប្រតិបត្តិការ
ពាណិជ្ជកម្មរវាងប្រទេសទាំងពីរក៏ទទួលបានលទ្ធផលគួរឲ្យចាប់អារម្មណ៍ក្នុងរយៈ
ពេល ៥ ឆ្នាំកន្លងទៅដែរ។ សហព័ន្ធអាល្លឺម៉ង់គឺជាដៃគូពាណិជ្ជកម្មជួរមុខរបស់ វៀត
ណាមក្នុងសហភាពអឺរ៉ុប ស្រូបយក ២០% បិរមាណទំនិញនាំចេញរបស់ វៀតណាម
ទៅកាន់ទីផ្សារនេះ។ តំលៃប្រាក់ពាណិជ្ជកម្មទ្វេភាគីទទួលបាន ៧ ពាន់ ៨ លានដុ
ល្លាអាមេរិកនាឆ្នាំ ២០១៤។ តំលៃពាណិជ្ជកម្មទ្វេភាគីនា ៦ ខែដើមឆ្នាំ ២០១៥ កើន
ឡើង ២០% ដែលរំពឹងទុកនឹងកើនឡើង ១០% បើប្រៀបនឹងឆ្នាំទៅ មិញ។ អាល្លឺម៉ង់
ក៏ជាប្រទេសដែលដើរតួនាទីសកម្មក្នុងដំណើរការចរចារកិច្ចព្រម ព្រៀងពាណិជ្ជកម្មសេរីរវាងវៀតណាមនិងសហភាពអឺរ៉ុប (EVFTA) ហើយចាត់ ទុកវៀតណាមជាទីផ្សារពោ
ពេញទៅដោយសក្តានុភាពអភិវឌ្ឍន៍ខ្លាំងក្លានៅអាស៊ី។ គំរោងការណ៍លេចធ្លោដែល
ប្រទេសទាំងពីរកំពុងអនុវត្តយ៉ាងសកម្មគឺ៖ «ផ្ទះ អាល្លឺម៉ង់» ខ្សែផ្លូវក្រោមដីទី ២ នៅទីក្រុងហូជីមិញ។ ប្រធានតំណាងវិទ្យាស្ថាន Freidrich Erbert (FES) នៅវៀតណាម
លោក Erwin Schweisshelm បានវាយ តំលៃថា៖
«នាបច្ចុប្បន្ន សហព័ន្ធអាល្លឺម៉ង់គឺជាដៃគូពាណិជ្ជកម្មធំរបស់វៀតណាមនៅ
សហភាពអឺរ៉ុប។ ការវិនិយោគផ្ទាល់របស់អាល្លឺម៉ង់នៅវៀតណាមនៅមានសក្តានុ
ភាពជាច្រើន។ ក្នុងរយៈពេលកន្លងទៅ ភាគីទាំងពីរទទួលបានការបោះជំហានគួរ
ឲ្យកត់សម្គាល់។»
លើវិស័យសហប្រតិបត្តិការអភិវឌ្ឍន៍ អាល្លឺម៉ង់បានផ្តល់ចំនួនប្រាក់ ២ ពាន់
លានដុល្លាអាមេរិកសំរាប់គំរោងការណ៍ ODA នានានៅវៀតណាម។ អាល្លឺម៉ង់ក៏
ជាដៃគូសំខាន់មួយក្នុងចំណោមដៃគូរបស់វៀតណាមលើវិស័យអប់រំបណ្តុះ
បណ្ដាលវិជ្ជាជីវៈ។ ជាពិសេស ទំនាក់ទំនងរវាងអាល្លឺម៉ង់និងវៀតណាម នា
បច្ចុប្បន្នមានឱកាសរឹងមាំមួយនោះគឺសហគមន៍ជនវៀតណាមនៅអាល្លឺម៉ង់
ជាង១០ហ្មឺននាក់ និងបរិមាណជនវៀតណាមនិយាយភាសាអាល្លឺម៉ង់ទៀតផង។
នេះគឺជាស្ពានតភ្ជាប់សំខាន់ ដើម្បីបង្កើនការយល់ដឹង និងកិច្ចសហប្រតិបត្តិការ
រវាងប្រជាជននៃប្រទេសទាំងពីរ។
យថាទស្សន៍សហប្រតិបត្តិការ
ការដែលថ្នាក់ដឹកនាំនៃប្រទេសទាំងពីរចុះហត្ថលេខាលើសេចក្ដីថ្លែងការណ៍
រួមហាណូយ ឆ្នាំ ២០១១ ស្ដីអំពីការលើកកំពស់ទំនាក់ទំនងឡើងកំរិតដៃគូយុទ្ធ
សាស្ត្រ បានសរអោយឃើញនូវការប្តេជ្ញាចិត្ត របស់ភាគីទាំងពីរ ក្នុងការជំរុញខ្លាំង
ថែមទៀត ទំនាក់ទំនងសហប្រតិបត្តិការ សេដ្ឋកិច្ច ពាណិជ្ជកម្ម ប្រកបដោយជោគ
ជ័យក្នុងប៉ុន្មានឆ្នាំកន្លងទៅ ក៏ដូចជាក្នុងវិស័យសំខាន់ផ្សេងៗទៀត ដូចជា៖កិច្ចស
ហប្រតិបត្តិការអភិវឌ្ឍន៍និងការពារបរិស្ថាន អប់រំ និងវិទ្យាសាស្ត្រ បច្ចេកវិទ្យា។
ដោយមានទំនាក់ទំនងមិត្តភាពដ៏ល្អប្រសើរនេះ រួមជាមួយការខំប្រឹងប្រែង
និងសក្ដានុភាពធំធេង រវាងប្រទេសទាំងពីរ ដំណើរទស្សនកិច្ចរបស់ប្រធានរដ្ឋ
លោក Truong Tan Sang នៅអាល្លឺម៉ង់ លើកនេះ នឹងបើកចេញឱកាសសហប្រ
តិបត្តិការថ្មី បង្កើតកម្លាំងចលករ ជំរុញទំនាក់ទំនងដៃគូយុទ្ធសាស្ត្រ រវាងប្រទេស
ទាំងពីរកាន់តែជាក់ស្ដែងជាង រួមចំណែកសកម្មក្នុងសន្តិភាព ស្ថិរភាព អភិវឌ្ឍន៍
នៅក្នុងតំបន់ និងពិភពលោក៕