(VOV)_លោកអ្នកនាងជាទីមេត្រី នាថ្ងៃទី ១៧ មិថុនា សម័យប្រជុំលើកទី ៥ រដ្ឋ
សភាវៀតណាមនីតិកាលទី ១៣ បានលៃទុករយះពេល១ថ្ងៃ ដើម្បីពិភាក្សា​លើកចុង ក្រោយ អំពីច្បាប់ដីធ្លីធ្វើវិសោធនកម្ម មុនពេលជូនរដ្ឋសភាអនុម័ត។ ​ពង្រាងច្បាប់នេះ មានខ្លឹមសារជាច្រើនត្រូវធ្វើវិសោធនកម្ម ដើម្បីធានាការសមស្រប​របស់ផលប្រ
យោជន៍រវាង រដ្ឋ និងប្រជាជន។ ​

សម័យប្រជុំលើកទី ៥ រដ្ឋសភាវៀតណាមនីតិកាលទី ១៣ (giaoduc.net.vn)

ការវាយតំលៃទូទៅបានសរអោយឃើញថា÷​ ពង្រាងច្បាប់ដីធ្លីធ្វើ​វិសោធ​ន​កម្ម​ លើកនេះ បានបំពេញបន្ថែម​នូវការកំណត់នានា ដើម្បីជំនះពុះពារលើរាល់​កំហិត ក្នុងច្បាប់ដីធ្លីនាបច្ចុប្បន្ន។ ពង្រាងច្បាប់ដីធ្លីធ្វើវិសោធនកម្មលើកនេះត្រូវ បានផ្លាស់ប្តូរ
តាម ទិស÷ ផលប្រយោជន៍របស់រដ្ឋនិងប្រជាជន ដែលមានដីត្រូវប្រមូលមកវិញ  ត្រូវ បានធានាអោយសមហេតុសំផល ប្រភពកម្លាំងអំពីដីធ្លីត្រូវបានពង្រីក ដើម្បី​ក្លាយ ទៅជាកម្លាំងពលំដ៏សែនសំខាន់ បំរើការអភិវឌ្ឍន៍សេដ្ឋកិច្ច សង្គម។ លោកស្រីNguyen
Thanh Thuy សមាជិកាសភាមណ្ឌល Binh Dinh បានស្រុះ​ចិត្ត​គំនិត ជាមួយពង្រាងច្បាប់
ដីធ្លី ធ្វើវិសោធនកម្ម សេចក្ដីកំណត់កំណត់អំពីបណ្ដាករណីដីត្រូវប្រមូលមកវិញ ដើម្បី ផលប្រយោជន៍ជាតិ ការពារប្រទេស សន្តិសុខ ផលប្រយោជន៍សាធារណះ និងអនុវត្ត
បណ្ដាគំរោងការណ៍អភិវឌ្ឍន៍សេដ្ឋកិច្ច សង្គម។ ប៉ុន្តែ លោកស្រីចាត់ទុកថា÷

          “ស្ដីពីបណ្ដាករណីប្រមូលដីមកវិញ ខ្ញុំស្នើថា÷​​យើងត្រូវមានការកំណត់យ៉ាង​ម៉ត់​ចត់និងច្បា់លាស់ជាងទៀត ចំពោះការប្រមូលដីមកវិញសំរាប់បណ្ដាគំរោងការណ៍​អភិ
វឌ្ឍន៍​សេដ្ឋកិច្ចសង្គម ដើម្បីបញ្ជាក់ថា÷ បណ្ដាគំរោងការណ៍នេះគឺពំរើ​ផលប្រយោជន៍
ជាតិ  សាធារណះ។ ចំពោះបណ្ដាគំរោងការណ៍ដើម្បីផលប្រយោជន៍របស់​វិនិយោគិន  គឺវិនិយោគិនត្រូវព្រមព្រៀង​ជាមួយ​អ្នកប្រើប្រាស់ដីធ្លី ដើម្បីទទួល​ការរួមទុនអោយ 
សមស្រប ទៅនឹងការកំណត់អំពីប្រើប្រាស់ដីធ្លី។ ”

ស្ដីពីសំណជួយឧបត្ថម្ភតាំងទីលំនៅថ្មី ខណះពេលដែលត្រូវរដ្ឋប្រមូលដីមកវិញ 
តាមដំណាងមួយចំនួនថា÷ នេះគឺជាចំណុចសំខាន់នៃការប្តឹងតវ៉ាដីធ្លី ដែលកើតមាន
ឡើងកាន់តែច្រើន ពីមួយថ្ងៃទៅមួយថ្ងៃ។ ដូច្នេះ ត្រូវធ្វើវិសោធនកម្ម​ច្បាប់ដីធ្លីលើកនេះ
 ចាំបាច់ ត្រូវធ្វើវិសោធនកម្មអោយបានទាំងស្រុងនៅរាល់ការកំណត់។ លោក Tran
Ngoc Vinh សមាជិកសភា មណ្ឌលទីក្រុង Hai Phong បានផ្តល់​មតិ​ថា​÷

          “ ខ្ញុំស្នើ គណះកម្មាធិការតាក់តែង ស្រាវជ្រាវអនុវត្តយន្តការតំលៃអំពីដីធ្លីនិង​
ផ្ទះ​ប្រកបដោយសមភាព។ ប្រជាជនមិនត្រូវចេញបន្ថែមទឹកប្រាក់ផង និងរដ្ឋ​ត្រូវ
ជួយឧបត្ថម្ភ បន្ថែមអំពីចំណាយ​ ដើម្បីប្រជាជនដែលមានដីត្រូវប្រមូល​មកវិញ អាច
មានស្ថេរ ភាពជីវភាពរស់នៅយ់ាងឆាប់ៗ។ ទីពីរគឺលើកកំពស់កំរិតសំណង​សំរាប់ ប្រជាកសិករដែលត្រូវប្រមូលដីមកវិញ ទន្ទឹមនឹងនោះ រដ្ឋត្រូវបណ្ដុះបណ្ដាលវិជ្ជាជី
វះសំរាប់ប្រជាកសិករដែលត្រូវប្រមូលដីមកវិញផងដែរ។ ទី៣គឺ ត្រូវកសាងយន្តការ
ទិញសិទ្ធិ ប្រើប្រាស់ដីធ្លីនិងយន្តការព្រមព្រៀងអំពីដីធ្លី រវាងអង្គភាពអាជីវកម្មជាមួយ អ្នកមានដីត្រូវប្រមូលមកវិញ។”

          ស្ដីពីការរៀបចំគំរោង ផែនការប្រើប្រាស់ដីធ្លី ដំណាងជាច្រើនបានស្រុះចិត្ត​គំ និតជាមួយការកំណត់នានាក្នុងសេចក្ដីព្រាងផែនការ គំរោងការណ៍ប្រើប្រាស់ដីធ្លី 
មាន៣ថ្នាក់÷ ថ្នាក់ជាតិ ថ្នាក់ខេត្ត និងថ្នាក់ស្រុក។ ប៉ុន្តែក៏មានមតិមួយចំនួនបានផ្តល់
មតិថា÷​ចង់រក្សាការកំណត់ផែនការប្រើប្រាស់ដីធ្លីជា​៤ថ្នាក់ ​គឺ÷ ថ្នាក់ជាតិ ​ថ្នាក់​ខេត្ត  ថ្នាក់ស្រុកនិងថ្នាក់ឃុំ។ លោក Bui Van Phuong សមាជិកសភា​មណ្ឌល​ខេត្ត Ninh
Binh បានស្នើថា÷

          “ ខ្ញុំស្នើ÷ត្រូវរក្សារការកំណត់គំរោងការ  ផែនការប្រើប្រាស់ដីធ្លីនៅថ្នាក់ឃុំ​ ដូច​ច្បាប់ធរមាន ដោយសារបណ្ដាមូលហេតុ ដូចជា÷ ​ទី១គឺចាប់ផ្តើមពីគោល​ការណ៍ បង្កើតការកំណត់គំរោងការណ៍ ​ផែនការប្រើប្រាស់ដីធ្លី ត្រូវធានាការ​សមស្រប​ជា មួយផែនការអភិវឌ្ឍន៍សេដ្ឋកិច្ចសង្គម ការពារប្រទេស ​សន្តិសុខ​ក្នុងតំបន់។ ទីពីរ  ក៏បានចាប់ផ្តើមពីគោលការណ៍ បង្កើតការកំណត់គំរោងការណ៍ ​ផែនការប្រើប្រាស់ ដីធ្លី តាមទិសពីបញ្ហាទូទៅដល់បញ្ហាម៉ត់ចត់។ ដូច្នេះ ផ្អែកទៅលើមូលដ្ឋាន​គំរោងផែន ការមេរបស់ស្រុក បណ្ដាឃុំនឹងកសាងគំរោងផែនការ​របស់​ខ្លួន ដើម្បីធានាការតភ្ជាប់
 និងមិន ត្រួតគ្នារវាង​ឃុំនិមួយៗ។” 

          ច្បាប់ដីធ្លី គឺជាច្បាប់ដ៏សែនសំខាន់ ទាក់ទិនផ្ទាល់ជាមួយផលប្រយោជន៍​របស់
ប្រជាជន។ការពិផាក្សាអំពីពង្រាងច្បាប់ដីធ្លីធ្វើវិសោធនកម្មលើកនេះ នឹង​ចំនះពុះពារ
លើរាល់ កំហិតក្នុងច្បាប់ដីធ្លីនាបច្ចុប្បន្ន រួមចំណែកដ៏សែនសំខាន់ ​ក្នុងការងារធ្វើអាជីវ
កម្ម និងប្រើ ប្រាស់ប្រភពដីធ្លីប្រកបដោយប្រសិទ្ធិភាព ធានាការសមស្របផលប្រយោជន៍ រវាងរដ្ឋនិងប្រជាជន៕