នាំទំនាក់ទំនងដៃគូយុទ្ធសាស្ត្រវៀតណាម-ថៃអភិវឌ្ឍន៍ស៊ីជម្រៅ (cafef.vn)

        Vovworld-ក្នុងរយៈពេលបំពេញទស្សនកិច្ចនៅថៃនាថ្ងៃទី២៣កក្កដា ក្រៅពី​កិច្ច
ប្រជុំគណៈរដ្ឋមន្ត្រីរួមនោះ នាយករដ្ឋមន្ត្រី Nguyen Tan Dung ក៏មានការជួប​សន្ទនា
ជាមួយប្រធានក្រុមប្រឹក្សានិតិបញ្ញតិជាតិថៃ ជួបសន្ទនាព្រះរាជាបូត្រីថៃ​ចូលរួមការ
សន្ទនាអង្គភាពអាជីវកម្មនៃប្រទេសទាំងពីរនិងជួបសំណេះសំណាលសហគមន៍ជន
វៀតណាមនៅថៃ។

កិច្ចសហប្រតិបត្តិការសេដ្ឋកិច្ចជាចំណុចភ្លឺ

        លើគ្រឹះស្ថានទំនាក់ទំនងនយោបាយល្អប្រសើរ សកម្មភាពសហប្រតិបត្តិការ​លើ
វិស័យទាំងអស់រវាងវៀតណាមនិងថៃកំពុងអភិវឌ្ឍន៍យ៉ាងលឿន ជាពិសេស​កិច្ច
សហប្រតិបត្តិការសេដ្ឋកិច្ចកំពុងជាចំណុចភ្លឺនិងជាកំលាំងចលករអភិវឌ្ឍន៍​ទំនាក់ទំនង
រវាងប្រទេសទាំងពីរ។ តំលៃប្រាក់ពាណិជ្ជកម្មសរុបរវាងវៀតណាម​និងថៃបានកើនឡើង
ជាបន្តបន្ទាប់ក្នុងប៉ុន្មានឆ្នាំកន្លងទៅ។ ការលក់ដូរទ្វេភាគី​នា​ឆ្នាំ២០១៤ទទួលបាន១០,៦
ពាន់លានដុល្លារអាមេរិក(កើនឡើង១២,៥%បើប្រៀបនឹងឆ្នាំ២០១៣)។ គិតមកដល់ខែ
មិថុនាឆ្នាំ២០១៥ ថៃជាវិនិយោគិនឈរលំដាប់​ថ្នាក់​ទី​១០ក្នុងចំណោមប្រទេសនិងដំបន់
ដែនដីចំនួន១០១វិនិយោគចូលមកវៀត​ណាមដោយមានចំនួនទុនចុះបញ្ជីជិត៦,៨ពាន់
លានដុល្លារអាមេរិក។ វៀតណាម​កំពុងមានគំរោងការណ៍ចំនួន៧វិនិយោគនៅថៃដោយ
មានចំនួនទុនវិនិយោគ​ទទួលបាន១១,៣៥លានដុល្លារអាមេរិក។ ភាគីទាំងពីរដាក់
គោលដៅដល់ឆ្នាំ​២០២០​តំលៃប្រាក់ពាណិជ្ជកម្មបានកើនឡើង២ម៉ឺនលានដុល្លារ
អាមេរិក។ ឯកអគ្គរាជទូត​ថៃប្រចាំនៅវៀតណាម Panyarak Poolthup បានអះអាងថា៖

        “វិនិយោគិនថៃកំពុងយកចិត្តទុកដាក់វិនិយោគបើកទូលាយគំរោងការណ៍​អាជីវកម្មនៅវៀតណាម។​នាឆ្នាំទៅមិញ ថៃបាននាំចេញហួសកំរិតទៅវៀតណាម​និងមានក្រុម
ហ៊ុនជាច្រើនមកវិនិយោគរក្ស៊ីនៅវៀតណាម។ វៀតណាមមាន​ឧត្តមភាព​គឺប្រភពធនធាន
មនុស្សដ៏សម្បូរ ចំណេះដឹងខ្ពស់ ហេតុនេះហើយ​អង្គភាព​អាជីវកម្មថៃវិនិយោគចូលមក
វៀតណាមមានភាពងាយស្រួលជាច្រើន។”

ក្នុងវិស័យសហប្រតិបត្តិការអប់រំវប្បធម៍កីឡានិងទេសចរណ៍ក្រសួងអប់រំនៃប្រទេស
ទាំងពីរបានចុះហត្ថលេខាលើអនុស្សារណៈយោគយល់គ្នាស្ដីពីកិច្ច​សហប្រតិបត្តិការ
អប់រំ។ ថៃបានជួយឧបត្ថម្ភបង្កើនសមត្ថភាពបណ្ដុះបណ្ដាល​និង​បង្រៀនភាសាថៃនៅមហាវិទ្យាល័យមួយចំនួនរបស់វៀតណាម។​ ក្នុងវិស័យ​សន្តិសុខការពារជាតិ
វៀតណាមនិងថៃបានផ្លាស់ប្តូរគណៈប្រតិភូជាន់ខ្ពស់ជា​ប្រចាំ​និងផ្លាស់ប្តូរបទពិសោធន៍
លើវិស័យបង្កាប្រឆាំងបទល្មើសឆ្លងដែនបទល្មើស​​​គ្រឿងញានជាដើម។

ជំរុញសមាហរណកម្មក្នុងអាស៊ាន

        ជាសមាជិកអាស៊ានដូចគ្នា ទំនាក់ទំនងរវាងវៀតណាមនិងថៃនាពេលកន្លង​ទៅ
បានអភិវឌ្ឍន៍យ៉ាងល្អប្រសើរ។ ការដែលវៀតណាមក្លាយទៅជាដៃគូ​យុទ្ធសាស្ត្រ​ដំបូង
របស់ថៃក្នុងអាស៊ានបានបង្ហាញការគោរពទំនាក់ទំនងជាមួយ​វៀតណាមនៃព្រះ
រាជាណាចក្រនេះ ពិសេសគឺក្នុងក្របខ័ណ្ឌអាស៊ាន កិច្ច​សហប្រតិបត្តិ​ការអនុដំបន់និង
អង្គការសហប្រជាជាតិ។ ភាគីទាំងពីរបានបង្ហាញ​នូវតួនាទីសកម្មក្នុងអាស៊ានរួមជា
មួយសមាជិកផ្សេងៗប្តេជ្ញាអនុវត្តប្រកបដោយ​ប្រសិទ្ធិភាពគោលមាគ៌ាកសាងសហគមន៍
អាស៊ាននាឆ្នាំ២០១៥។ ទន្ទឹមនឹងនោះ​វៀតណាមនិងថៃបានសកម្មអភិវឌ្ឍន៍និង
អាជីវកម្មរបៀងសេដ្ឋកិច្ចកើត-លិច អភិវឌ្ឍន៍ជើងហោះហើររវាងប្រទេសទាំងពីរជា
ដើម។ ឯកអគ្គរដ្ឋទូតថៃប្រចាំ​នៅ​វៀតណាម Panyarak Poolthup បានចាត់ទុកថា៖

        “ការតភ្ជាប់រវាងប្រទេសទាំងពីរជាប្រការសំខាន់នឹងជួយទទួលបានការ​បង្កើត
សហគមន៍រួមអាស៊ាន។ ដើម្បីទទួលបានគោលដៅនេះ​ប្រការសំខាន់គឺត្រូវ​អភិវឌ្ឍន៍
គមនាគមផ្លូវគោកនិងផ្លូវទឹកពិព្រោះវៀតណាមនិងថៃមានខ្សែព្រំដែនរួមលើសមុទ្រ
និងការធ្វើដំណើរឆ្លងព្រំដែនរវាងបណ្ដាខេត្តនៅភាគខាងកើតថៃជា​មួយខេត្តនៅភាគ
ខាងត្បូងវៀតណាមមានសក្ដានុភាបដើម្បីអភិវឌ្ឍន៍ក៏ដូចជាបើកទូលាយការអភិវឌ្ឍន៍
សេដ្ឋកិច្ច។”

        ក្នុងទំនាក់ទំនងដៃគូយុទ្ធសាស្ត្រវៀតណាម-ថៃ កិច្ចប្រជុំគណៈរដ្ឋមន្ត្រីរួម​ជា​
យន្តការសហប្រតិបត្តិការទ្វេភាគីសំខាន់បំផុតដោយនាយករដ្ឋមន្ត្រីនៃប្រទេស​ទាំង
ពីរធ្វើសហអធិបតីភាព។ ក្នុងកាលៈទេសៈទំនាក់ទំនងរវាងប្រទេសទាំងពីរ​កំពុង
អភិវឌ្ឍន៍យ៉ាងល្អប្រសើរនោះ ដំណើរទស្សនកិច្ចជាផ្លូវការនៅថៃរបស់​នាយករដ្ឋមន្ត្រី
Nguyen Tan Dung និងការដែលនាយករដ្ឋមន្ត្រីទាំងពីររូបធ្វើ​សហអធិបតីកិច្ចប្រជុំគណៈ
រដ្ឋមន្ត្រីរួមលើកទី៣មិនត្រឹមតែដាក់ចេញទិសដៅធំៗក្នុងទំនាក់ទំនងមិត្តភាព
សហប្រតិបត្តិការរវាងប្រទេសទាំងពីរនាពេលខាងមុខ​ប៉ុណ្ណោះទេ ថែមទាំងរួម
ចំណែកធ្វើឲ្យស៊ីជម្រៅថែមទៀតទំនាក់ទំនងដៃគូ​យុទ្ធសាស្ត្រ​វៀតណាម-ថៃទៀតផង៕