តំលៃប្រេងបានធ្លាក់ចុះពាក់កណ្ដាលដោយឥទ្ធិពលនៃបទដាក់ទណ្ឌកម្មរបស់លោកខាងលិចទៅលើរុស្ស៊ី (VOV)

        Vovworld-មុនឆ្នាំ២០១៤ ខឿនសេដ្ឋកិច្ចរុស្ស៊ីគ្មានសញ្ញាព្រមាន​អន់ភាព​ឡើយ
ហើយផ្ទុយទៅវិញលើគ្រប់សន្ទស្សន៍សុទ្ធតែបង្ហាញថា ជាខឿនសេដ្ឋកិច្ច​រឹងមាំ។
ឆ្លងចូលឆ្នាំ២០១៤ ចាប់ពីខែមិថុនា ខណៈដែលតំលៃប្រេងបានធ្លាក់ចុះ​ពាក់កណ្ដាល
ដោយឥទ្ធិពលនៃបទដាក់ទណ្ឌកម្មរបស់លោកខាងលិចទៅលើ​រុស្ស៊ីដែលទាក់ទិន
ដល់សង្គ្រាមនៅអ៊ុយក្រែននិងដោយសារអង្គការបណ្ដា​ប្រទេសនាំចេញប្រេងរ៉ែ
(OPEC) បានបដិសេធន៍កាត់បន្ថយទិន្នផលនោះ ខឿន​សេដ្ឋកិច្ចរុស្ស៊ីបានជួបការ
លំបាកកំរិតអតិផរណាឆ្នាំ២០១៤របស់រុស្ស៊ីជិត១០%​និងព្យាករណ៍បានកើនឡើង
ក្នុងឆ្នាំ២០១៥។

ឥទ្ធិពលបញ្ច្រាសគ្នាបទដាក់ទណ្ឌកម្ម

        ជាច្បាស់ណាស់ថា បទដាក់ទណ្ឌកម្មហិរញ្ញវត្ថុរបស់លោកខាងលិចកំពុង​ជះ​
ឥទ្ធិពលអសកម្មទៅលើខឿនសេដ្ឋកិច្ចរុស្ស៊ី។ ប៉ុន្តែរុស្ស៊ីមិនមែនជាប្រទេសតែ​មួយ
គត់ត្រូវប្រឈមមុខនឹងការលំបាកសេដ្ឋកិច្ចឡើយ។ មុនបង្អស់គឺវិបត្តិសេដ្ឋកិច្ច​រុស្ស៊ី
បានបណ្ដាលឥទ្ធិពលរីករាលដាលដល់ទីផ្សាររូបីយវត្ថុអាស៊ីកណ្ដាលនិង​អឺរ៉ុបខាង
កើត។ ប្រព័ន្ធធនាគារក្នុងសហភាពអឺរ៉ុប (EU) បានផ្សាយសញ្ញាព្រួយ​បារម្ភ ដោយ
សារធនាគារជាច្រើននៅប្រទេសសមាជិកមានបញ្ជីឈ្មោះកម្ចីគួរឲ្យ​កត់សម្គាល់
នៅរុស្ស៊ី។ បេឡារុសនិងកាហ្សាក់ស្ថានជាប្រទេសចំនួន២រងផល​ប៉ះពាល់ដ៏ធំធេង
ដោយមានទំនាក់ទំនងសេដ្ឋកិច្ចនយោបាយជាមួយរុស្ស៊ី។ ប្រទេសទាំងបីបានចុះ
ហត្ថលេខាលើកិច្ចព្រមព្រៀងបង្កើតសម្ព័ន្ធភាពសេដ្ឋកិច្ចអាស៊ី-អឺរ៉ុបនាដើមឆ្នាំ២០១៤។

ខឿនសេដ្ឋកិច្ចតូចតាចមួយចំនួនទៀតនៅអាស៊ីកណ្ដាលក៏ត្រូវរងផលប៉ះពាល់ដោយ
ផ្ទាល់ដែរ។ នោះគឺជាបណ្ដាប្រទេសដែលមានប្រភពចំណូលរូបីយប័ណ្ណចំណុះ​ទៅ
​លើបរិមាណរូបីយប័ណ្ណពីពលករដែលធ្វើការនៅរុស្ស៊ី។ ប្រទេសផ្សេងៗដូចជា
Armenia, Uzbekistan, Gruzia, Moldova ក៏ស្ថិតក្នុងស្ថានភាពប្រហាក់ប្រហែល​គ្នានេះ
ដែរ។

        បណ្ដាខឿនសេដ្ឋកិច្ច EU ក៏ដូច្នេះដែរ ដោយសារ EU ជាដៃគូពាណិជ្ជកម្ម ប្រភព
ផ្គត់ផ្គងទុនវិនិយោគបរទេសធំបំផុតរបស់រុស្ស៊ី។ គិតត្រឹមតែ១ខែបន្ទាប់ពី​បទ​ដាក់
ទណ្ឌកម្មមានសុពលភាពនោះ ការនាំចេញពី EU ទៅរុស្ស៊ីបានថយចុះ​១៩%ស្មើរនឹង
២ពាន់លានដុល្លារអាមេរិក។

ឥទ្ធិពលដល់សណ្ដាប់ធ្នាប់ធុរកិច្ចសកល

ចំណុចលេចធ្លោមួយក្នុងចំណោមចំណុចលេចធ្លោក្នុងសណ្ដាប់ធ្នាប់សកលបន្ទាប់ពី
សង្គ្រាមលោកលើកទី២គឺការបង្កើតក្រុមប្រឹក្សាសន្តិសុខអង្គការសហប្រជាជាតិនិង
មូលនិធិរូបីយវត្ថុអន្តរជាតិ (IMF) សំដៅជួយស្ថិរភាពនយោបាយ​និង​ហិរញ្ញវត្ថុរូបីវត្ថុ
សកល។ ក្នុងប៉ុន្មានឆ្នាំទស្សវត្សទី៩០ រុស្ស៊ីបានចូលរួម IMF និង​មាន​អាសនៈក្នុង
គណៈនាយក។ រុស្ស៊ីក៏ជាប្រទេសមួយក្នុងចំណោមប្រទេស​អចិន្ត្រៃយ៍ចំនួន៥នៃក្រុម
ប្រឹក្សាសន្តិសុខ ទន្ទឹមនឹងនោះក៏ជាសមាជិកក្រុម G8 (រួម​​មានប្រទេសឧស្សាហកម្ម
អភិវឌ្ឍន៍ចំនួន៧និងរុស្ស៊ី)។ ប៉ុន្តែ G8 បាន​បណ្ដេញ​រុស្ស៊ីចេញ។ សណ្ដាប់ធ្នាប់ពិភព
លោកកំពុងផ្លាស់ប្តូរនិងរុស្ស៊ីកំពុងបាត់បង់​តួនាទី។​នោះគឺជាផលវិបាកពីបទដាក់
ទណ្ឌកម្មទៅលើរុស្ស៊ីដែលទាក់ទិនដល់​វិបត្តិ​នៅអ៊ុយក្រែន។

មូលហេតុសំខាន់ដោយភាពតានតឹងនាបច្ចុប្បន្នគឺវិបត្តិអ៊ុយក្រែននៅតែមិនទាន់បាន
ដោះស្រាយ ខណៈដែលបទដាក់ទណ្ឌកម្មដោយបណ្ដាភាគីមិនត្រឹមតែ​បណ្ដាលការ
ខូចខាតទៅលើខឿនសេដ្ឋកិច្ចរុស្ស៊ីប៉ុណ្ណោះទេ ថែមទាំងមាន​ឥទ្ធិពល​ដល់បណ្ដា
ប្រទេសសហភាពអឺរ៉ុបនិងខឿនសេដ្ឋកិច្ចពិភពលោកទៀត​ផង។ ស្ថានភាពជាក់ស្ដែង
បានសឲ្យឃើញថា បទដាក់ទណ្ឌកម្មបាននាំមក​ផលនូវ​វិបាកអាក្រក់ អាចរុញថយ
ក្រោយការខំប្រឹងប្រែងស្ដារសេដ្ឋកិច្ចសកល​ឡើង​វិញ៕