វៀតណាមលើកកំពស់គុណភាពប្រភពធនធានមនុស្សបំរើឲ្យឧស្សាហូបនីយកម្ម-ទំនើបភាវូបនីយកម្ម។
LE PHUONG -
(VOV) /
 |
| វៀតណាមលើកកំពស់គុណភាពប្រភពធនធានមនុស្សបំរើឲ្យឧស្សាហូបនីយកម្ម-ទំនើបភាវូបនីយកម្ម។ (vov.vn) |
VOV-ផ្នែកឧស្សាហកម្មធ្យុងថ្មវៀតណាមត្រូវបានចាត់ទុកជាផ្នែកមុខព្រួញ
មួយក្នុងទិសដៅអភិវឌ្ឍន៍ឧស្សាហកម្មរបស់វៀតណាម។សម្ព័ន្ធក្រុមហ៊ុនធ្យុងថ្ម
ផលរ៉េវៀតណាមនាបច្ចុប្បន្នមានកម្មាភិបាលកម្មករប្រមាណ១៣៨ពាន់នាក់ ក្នុង
នោះភាគច្រើនជាកម្មករអណ្ដួងរ៉ែធ្វើការនៅខេត្ត Quang Ninh ចំនួន១១៣ពាន់
នាក់។ ជាមួយការអភិវឌ្ឍន៍យ៉ាងខ្លាំងក្លានិងតម្រូវការចែកចាយធ្យុងថ្មដ៏ធំដូច
នាបច្ចុប្បន្ន នាពេលអនាគតផ្នែកធ្យុងថ្មវៀតណាមមានផែនការបើកទូលាយតាម
ទិសផលិតកម្មអាជីវកម្មធ្យុងជាដើម។ ប្រការនេះបានដាក់ចេញសំណូមពរគឺត្រូវ
មានជួរកម្មករមានសម័ត្ថភាពខ្ពស់ជាងដើម្បីទទួលបច្ចេកវិជ្ជាថ្មីបំរើឲ្យសំណុមពរ
អភិវឌ្ឍន៍ផ្នែក។ បណ្ឌិត Le Thanh Ha អនុប្រធានវិទ្យាស្ថានពលករ-សហជីព
សហព័ន្ធសហជីពទូទៅវៀតណាមបានចាត់ទុកថា៖
“បើចង់កសាងបានជួរកម្មករអណ្ដួងរ៉ែឆ្លើយតបនឹងតម្រូវការអភិវឌ្ឍន៍របស់
ផ្នែកនោះការទាមទាដើមដំបូងគឺត្រូវលើកកំពស់គុណភាពសាលាបណ្ដុះបណ្ដាល
វិជ្ជាជិវៈរបស់សម្ព័ន្ធក្រុមហ៊ុនធ្យុងថ្មផលរ៉ែនិយាយដោយឡែកក៏ដូចជារបស់ផ្នែក
ធ្យុងថ្មផលរ៉ែនិយាយរួម។ ម៉ាស៊ីនថ្មីពលានុភាពខ្ពស់ទំនើបជាងត្រូវមានចំណេះ
ដឹងនិងសម័ត្ថភាពបញ្ជាបណ្ដាម៉ាស៊ីនថ្មីនោះ។ ដូច្នេះតួនាទីរបស់ពលករ
បច្ចេកទេសខ្ពស់គឺសំខាន់និងនេះជាទិសដៅដែលផ្នែកធ្យុងថ្មនិយាយដោយឡែក
និងសាលាបណ្ដុះបណ្ដាលពលករបច្ចេទេសនិយាយរួមត្រូវឆ្ពោះទៅ។”
 |
| លោកស្រី Pham Thi Hai Chuyen រដ្ឋមន្ត្រីក្រសួងការងារយុទ្ធជនពិការនិងសង្គមកិច្ច (vov.vn) |
សំណូមពរមួយក្នុងចំណោមសំណូមពរសំខាន់ក្នុងដំណើរការនាំវៀតណាមសមាហរណកម្មជាមួយការអភិវឌ្ឍន៍រួមរបស់ពិភពលោកគឺកសាងជំនាន់ពលករ
វ័យក្មេងមានចំណេះដឹងឯកទេសនិងសម័ត្ថភាពវិជ្ជាជិវៈខ្ពស់។ នាបច្ចុប្បន្ន
វិទ្យាសាស្ត្របច្ចេកវិជ្ជាកំពុងអភិវឌ្ឍន៍យ៉ាងខ្លាំងក្លាទាមទាជួរធនធានមនុស្ស
សម័ត្ថភាពខ្ពស់ ពិសេសគឺក្នុងវិស័យវិទ្យាសាស្ត្រ-បច្ចេកទេសនិងបច្ចេកវិជ្ជា
ព័ត៌មាន។នៅវៀតណាមក្នុងប៉ុន្មានឆ្នាំកន្លងមកក្រុមផ្នែកនេះទទួលបានការ
វិនិយោគជាច្រើនពីរដ្ឋនិងរដ្ឋាភិបាល។ ក្នុងនោះត្រូវនិយាយដល់ការបង្កើត
មហាវិទ្យាល័យ FPT តាមសេចក្តីសំរេចចិត្តរបស់នាយករដ្ឋមន្ត្រីរដ្ឋាភិបាល។ គិតតាំងពីពេលបង្កើតមក មហាវិទ្យាល័យ FPT បានបណ្ដុះបណ្ដាលឲ្យទីផ្សារពលករនូវប្រភពធនធានមនុស្សមានសម័ត្ថភាពខ្ពស់មួយ។ នាយករងនៃ
មហាវិទ្យាល័យ FPT មហាបរិញ្ញា Nguyen Xuan Phong បានឲ្យដឹងថា៖
“ការខុសប្លែករបស់មហាវិទ្យាល័យ FPT ជាមួយបណ្ដាមហាវិទ្យាល័យផ្សេងៗ
គឺបណ្ដុះបណ្ដាលវិស្វករឧស្សាហកម្ម គឺបណ្ដុះបណ្ដាលតាមរបៀបចងសម្ព័ន្ធជិត
ស្និទ្ធជាមួយអង្គភាពអាជីវកម្មបច្ចេកវិជ្ជាព័ត៌មានផ្សាភ្ជាប់ការបណ្ដុះបណ្ដាលជា
មួយស្ថានភាពជាក់ស្ដែងជាមួយការស្រាវជ្រាវ អនុវត្តនិងបណ្ដាបច្ចេកវិជ្ជាទំនើប
បំផុត។”
គោលដៅទូទៅក្នុងយុទ្ធសាស្ត្រអភិវឌ្ឍន៍បណ្ដុះបណ្ដាលវិជ្ជាជិវៈដំណាក់
កាល២០១១-២០២០ ស្ថិតក្នុងយុទ្ធសាស្ត្រអភិវឌ្ឍន៍សេដ្ឋកិច្ចសង្គមត្រូវបាន
នាយករដ្ឋមន្ត្រីរដ្ឋាភិបាល Nguyen Tan Dung អនុម័តនាឆ្នាំ២០១២បានលើកច្បាស់
ថាដល់ឆ្នាំ២០២០ការបណ្ដុះបណ្ដាលវិជ្ជាជីវៈឆ្លើយតបបានតម្រូវការរបស់ទីផ្សារ
ពលករអំពីបរិមាណគុណភាពរចនាសម្ព័ន្ធវិជ្ជាជីវៈនិងសម័ត្ថភាពបណ្ដុះបណ្ដាល
គុណភាពបណ្ដុះបណ្ដាលរបស់មុខរបរមួយចំនួនទទួលបានកំរិតសម័ត្ថភាពបណ្ដា
ប្រទេសអភិវឌ្ឍន៍ក្នុងដំបន់អាស៊ាននិងលើពិភពលោកបង្កើតជួរពលករពូកែ រួម
ចំណែកលើកកំពស់សម័ត្ថភាពប្រគួតប្រជែងជាតិ។ លោកស្រី Pham Thi Hai
Chuyen រដ្ឋមន្ត្រីក្រសួងការងារយុទ្ធជនពិការនិងសង្គមកិច្ចបានឲ្យដឹងថា៖
“វៀតណាមមានបរិមាណពលករវ័យក្មេងច្រើន ប៉ុន្តែពលករមានសម័ត្ថភាព
ខ្ពស់មិនទាន់ច្រើនឡើយ។ ដូច្នេះរដ្ឋាភិបាលបានមានយុទ្ធសាស្ត្រអំពីបណ្ដុះ
បណ្ដាលវិជ្ជាជិវៈនិងក្នុងនោះយកចិត្តទុកដាក់ដល់ការបណ្ដុះបណ្ដាលវិជ្ជាជិវៈ
សំរាប់យុវជនដើម្បីបង្កលក្ខណៈឲ្យយុវជនងាយរកការងារធ្វើនិងរកការងារធ្វើ
មានគុណភាពខ្ពស់ឆ្លើយតបបានតម្រូវការរបស់បណ្ដាអង្គភាពអាជីវកម្មអភិវឌ្ឍន៍
ក្នុងដំណាក់កាលនាបច្ចុប្បន្ន។ ក្នុងដំណើរការបណ្ដុះបណ្ដាលនេះមានការរួមផ្សំ
រវាងអង្គភាពអាជីវកម្មនិងកន្លែងបណ្ដុះបណ្ដាល។”
កំលាំងពលករវៀតណាមនាបច្ចុប្បន្នត្រូវបានអ្នកជំនាញការអន្តរជាតិនិង
តំបន់វាយតំលៃគឺសកម្មរៀនសូត្រលឿនមានសមត្ថភាពដេញទាន់កំរិតចំណេះ
ដឹងពិភពលោកនៅវិស័យវិជ្ជាជិវៈមួយចំនួន។ នេះជាលក្ខណៈងាយស្រួលក៏ជា
ចំណុចខ្លាំងដែលជួរពលករវៀតណាមដំណាក់កាលថ្មីនឹងបន្តរក្សានិងពង្រីក
ដើម្បីធានាសំណូមពរអភិវឌ្ឍន៍របស់ប្រទេសជាតិ៕
LE PHUONG
-VOV