វៀតណាមសកម្មកាត់បន្ថយឧស្ម័នបញ្ចេញចោលបណ្ដាលបាតុភូតផ្ទះកញ្ចក់។

        VOV-វៀតណាមជាប្រទេសមានសក្ដានុភាពអភិវឌ្ឍន៍ប្រភពថាមពលកកើត
​ឡើងវិញដែលជួយ បន្ថយការជះឥទ្ធិពល​ដល់បរិស្ថាន។ ប្រការនេះបានបង្ហាញ ច្បាស់តាមរយៈរបាយការណ៍នាពេលថ្មីៗ​នេះ​របស់ធនាគារពិភពលោក (WB) ដែលបានឲ្យដឹងថាវៀតណាមជាប្រទេស​មួយក្នុងចំណោមប្រទេសចំនួន១៤ នាំមុខអំពីសក្ដានុភាពវារីអគ្គិសនី។ ក្រៅពីនោះ​វៀតណាមនៅមានសក្ដានុភាព ជាច្រើនអំពីថាមពលខ្យល់និងថាមពលព្រះអាទិត្យទៀតផង។ នេះជាប្រភព វត្ថុធាតុដើមដ៏សម្បូរសំរាប់ការអនុវត្តយន្តការអភិវឌ្ឋន៍​ស្អាត (CDM) របៀបទន់ភ្លន់ មួយបង្កភាពងាយស្រួលឲ្យការអនុវត្តពិធីសារ Kyoto។ លើកស្រី Dang Thi Hong
Hanh នាយិការងក្រុមហ៊ុនភាគហ៊ុនពិគ្រោះយោបល់អំពីថាមពល​និង​បរិស្ថាន
(VNEEC) បានវាយតំលៃថា៖

        “វិស័យថាមពលកកើតឡើងវិញជាវិស័យមានសក្ដានុភាពខ្ពស់បំផុតរបស់
វៀតណាម។ ក្រៅពីវារីអគ្គិសនីយើងនៅមានវិស័យសក្ដានុភាពមួយទៀតគឺ
អគ្គិសនីខ្យល់ទៀតផង។ នាបច្ចុប្បន្ន VNEEC កំពុង​អភិវឌ្ឍន៍​គំរោងការអគ្គិសនី ខ្យល់ធំបំផុតវៀតណាមនៅខេត្ត Bac Lieu។”

គំរោងការអគ្គិសនីខ្យល់ធំបំផុតវៀតណាមនៅខេត្ត Bac Lieu

        រួមជាមួយការឆ្លៀតប្រើប្រាស់ប្រភពថាមពលធម្មជាតិនោះ គំរោងការជា
ច្រើន​របស់វៀតណាមបាននងកំពុងអនុវត្តដំណើរការអភិវឌ្ឍន៍ស្អាតផង។
តាមរបាយការណ៍ថ្មី​បំផុត​របស់ក្រសួងធនធាននិងបរិស្ថានថា​ក្រោយរយៈពេល
ជាង១០ឆ្នាំអនុវត្ត​យន្តការ​អភិវឌ្ឍន៍ស្អាត វៀតណាមបានកាត់បន្ថយឧស្ម័ន CO2
ប្រមាណ​៣០​លាន​តោននិង ជាប្រទេសមួយក្នុងចំណោមប្រទេសចំនួន១០ដែល សកម្មកាត់បន្ថយឧស្ម័ន CO2 លើពិភពលោក។ ក្រៅពីនោះវៀតណាមនាបច្ចុប្បន្ន មានគំរោងការជាង៣០០​គំរោងអនុវត្តយន្តការអភិវឌ្ឍន៍ស្អាតកំពុងរងចាំអង្គការ សហប្រជាជាតិអនុម័តនិងមានគំរោងការចំនួន១៦០គំរោងត្រូវបានចុះឈ្មោះ ។
​លោក Nguyen Khac Hieu អនុប្រធានគណៈកម្មាធិការបញ្ជាអនុវត្តអនុសញ្ញារបស់
អង្គការ​សហប្រជាជាតិ​ស្ដីពី​ការប្រែប្រួលអាកាសធាតុនិងពិធីសារ​ Kyoto នៃក្រសួង ធនធាននិងបរិស្ថានបាន​ឲ្យដឹងថា៖

         “នាបច្ចុប្បន្នប្រសិនបើនិយាយអំពីវិស័យអនុវត្តយន្តការអភិវឌ្ឍន៍ស្អាតនោះ
យើងបានមានការស្រាវជ្រាវនិងការវាយតំលៃសក្ដានុភាពរបស់វៀតណាម។​ ត្រូវ​និយាយថាបើចលនាឲ្យអស់សក្ដានុភាពយើងអាចកាត់បន្ថយឧស្ម័ន CO2 ជាង២៥០លានតោននិងនាពេលខាងមុខតយលេខនេះអាចបង្កើនជាងទៀត។”

         ទោះបីទើបនឹងអនុវត្តយន្តការអភិវឌ្ឍន៍ស្អាតបានជាង១០ឆ្នាំនិងការប្រើប្រាស់
ថាមពលកកើតឡើងវិញនៅមានកំរិតក្តី ប៉ុន្តែវៀតណាមបានរួមចំណែកសំខាន់លើ​ដំណើរប្រតិបត្តិតាមអនុសញ្ញាក្របខ័ណ្ឌរបស់អង្គការសហប្រជាជាតិអំពីប្រែប្រួល​
អាកាសធាតុ ពិធីសារ​Kyoto ក៏ដូចជារួមចំណែកអនុវត្តគោលដៅជាតិទប់ទល់នឹង​
ការ​ប្រែប្រួលអាកាសធាតុ៕