ឥណ្ឌាបង្កើនយុទ្ធសាស្ត្រការទូតពហុទិសដៅ (AFP)

        Vovworld-នេះជាលើកដំបូងហើយដែលប្រធានាធិបតីឥណ្ឌាលោក Pranab
Mukherjee ទៅបំពេញ​ទស្សនកិច្ច​នៅប្រទេសនិងដំបន់ដែនដីចំនួន៣នេះ។ បន្ទាប់​
ពីរាល់សកម្មភាពកទូតជាបន្តបន្ទាប់របស់ New Delhi តាំងពីដើមឆ្នាំមក ដោយ
ប្រមូលផ្ដុំភាគច្រើននៅដំបន់ទ្វីបអាស៊ី ដំណើរទស្សនកិច្ចនៅប្រទេសអាស៊ី​ខាង
លិចចំនួន៣លើកនេះបន្តបង្ហាញនូវគោលនយោបាយពហុទិសដៅរបស់​ឥណ្ឌា។
ដោយមិនត្រឹមតែរួមចំណែកជំរុញទំនាក់ទំនងរវាងឥណ្ឌាជាមួយប្រទេស​ទាំង​៣
ពោលខាងលើប៉ុណ្ណោះទេ ថែមទាំងសំដៅសហប្រតិបត្តិការប្រឆាំង​ភេរវកម្ម ទន្ទឹម
នឹងនោះបង្ហាញតួនាទីរបស់ឥណ្ឌាក្នុងការស្វែងរកដំណោះស្រាយ​រដ្ឋ​២រវាង
ប៉ាឡេស្ទីននិងអ៊ីស្រាអែលទៀតផង។

ជំរុញទំនាក់ទំនងលើវិស័យទាំងអស់

        ជាទូទៅ ប្រទេសអាស៊ីខាងលិចទាំង៣នេះមានតម្រូវការនាំចូលទំនិញ​ដ៏​ធំធេង។
បណ្ដាផ្នែកឧស្សាហកម្មផលិតកម្មទំនិញប្រើប្រាស់និងកសិកម្មនៃ​ប្រទេស​ទាំងបីនេះ
មិនទាន់អភិវឌ្ឍន៍នៅឡើយ ហេតុនេះហើយការប្រើប្រាស់​ក្នុង​ប្រទេសចំណុះទៅលើ
ការនាំចូល។ ហេតុនេះហើយឱកាសដើម្បីឥណ្ឌាបើក​ទូលាយការនាំចេញទៅទីផ្សារ
នេះគឺធំធេងណាស់ ពិសេសគឺវិស័យកសិផល​សេវ៉ាកម្មឧស្សាហកម្ម solfware។

នៅហ៊្យកដានី ជាកន្លែងបង្អង់ដំណើរដំបូងក្នុងដំណើរទស្សនកិច្ចក្នុង​រយៈ​ពេល៥
ថ្ងៃលើកនេះ ប្រធានាធិបតី Mukherjee បានចូលគាល់ព្រះមហាក្សត្រ Abdullah 2។ ថ្នាក់
ដឹកនាំទាំងពីររូបបានពិភាគ្សាលើបញ្ហាជាច្រើនសំដៅកែលំអរទំនាក់​ទំនង​និងជំរុញ
កិច្ចសហប្រតិបត្តិការពាណិជ្ជកម្មទ្វេភាគី។ ឥណ្ឌាបានសន្យា​លៃទុក​ឲ្យហ៊្យកដានីខ្ទង់
ឥណទានមានតំលៃ១០០លានដុល្លារអាមេរិក។

        ក្នុងដំណើរទស្សនកិច្ចនៅប៉ាឡេស្ទីនក្នុងរយៈពេល២ថ្ងៃ គឺថ្ងៃទី១២និង​១៣​តុលា
ប្រធានាធិបតី Mukherjee បានជួបចរចារជាមួយសមភាគីប្រទេសម្ចាស់ផ្ទះ Mahmoud
Abbas  ជួបសន្ទនាជាមួយនាយករដ្ឋមន្ត្រី Rami Hamdallah។ ក្នុង​បណ្ដាជំនួបសន្ទនា
ទាំងនោះ ថ្នាក់ដឹកនាំ New Delhi សុទ្ធតែអះអាងថា ឥណ្ឌា​គាំទ្រ​ប៉ាឡេស្ទីនបង្កើតរដ្ឋ
ដោយឡែក។ ឥណ្ឌាចង់ឃើញប៉ាឡេស្ទីនគង់វង្ស​ដោយ​សន្តិភាពនៅក្បែរអ៊ីស្រាអែល
តាមគោលមាគ៌ារបស់ក្រុមចតុភាគីមជ្ឈឹមបូព៌ានិង​តាមសេចក្តីសំរេចចិត្តរបស់ក្រុម
ប្រឹក្សាសន្តិសុខអង្គការសហប្រជាជាតិ។

បង្កើនសក្ដានុភាពការពារជាតិ

        ចាកចេញពីប៉ាឡេស្ទីនប្រធានាធិបតី Mukherjee បានទៅកាន់អ៊ីស្រាអែល ជា
កន្លែងបង្អង់ដំណើរចុងក្រោយក្នុងដំណើរទស្សនកិច្ចនៅអាស៊ីខាងលិច។ នៅ​ទី​នេះ
តាមការគ្រោងទុកជាមុន ប្រធានាធិបតី Mukherjee បានចូលរួមប្រជុំជាមួយថ្នាក់​ដឹក
នាំ​ជួរមុខនៃប្រទេសម្ចាស់ផ្ទះសំដៅជំរុញទំនាក់ទំនងទ្វេភាគីលើវិស័យទាំង​អស់
ពិសេសគឺកិច្ចសហប្រតិបត្តិការក្នុងវិស័យការពារជាតិនិងយុទ្ធសាស្ត្រ។

        តាំងពីមុនមក ឥណ្ឌានិងអ៊ីស្រាអែលមានទំនាក់ទំនងយោធានិងយុទ្ធសាស្ត្រ​ដ៏
ខ្លាំងក្លា។ អ្នកវិភាគមួយចំនួនបានហៅសម្ព័ន្ធភាពរវាងឥណ្ឌានិងអ៊ីស្រាអែលជា​
ទិសដៅថ្មីក្នុងសង្គ្រាមប្រឆាំងភេរវកម្ម។ ក្រៅពីជាដៃគូសេដ្ឋកិច្ចឈរលំដាប់ថ្នាក់​ទី
២របស់អ៊ីស្រាអែលនៅទ្វីបអាស៊ីនោះ ឥណ្ឌាក៏ជាអតិថិជនធំបំផុតទិញនិង​ប្រើ​ប្រាស់
អាវុធគ្រប់ប្រភេទរបស់អ៊ីស្រាអែលផងដែរ។ មុននឹងដំណើរទស្សនកិច្ច​លើក​នេះ
ឥណ្ឌាបានបញ្ជាក់ជាផ្លូវការថា បណ្ដាកំលាំងចំណាននៃកងទ័ពប្រទេស​នេះនឹងចូល
រួមការធ្វើសមយុទ្ធរួមជាមួយកងទ័ពអ៊ីស្រាអែល។​ នេះជាសញ្ញាសឲ្យ​ឃើញថា ទំនាក់
ទំនងយុទ្ធសាស្ត្រនិងការពារជាតិរវាងប្រទេសទាំងពីរកំពុងបាន​លើកកំរិត។

        នាខែមុន រដ្ឋាភិបាលឥណ្ឌាបានអនុម័តលើសំណើរទិញយន្តហោះគ្មានអ្នក​បើកបរ
Heron TP ចំនួន១០គ្រឿងនៃសម្ព័ន្ធក្រុមហ៊ុនឧស្សាហកម្មអ៊ីស្រាអែល។ តាមគំរោងកិច្ច
ព្រមព្រៀងមានតំលៃ៤០០លានដុល្លារអាមេរិកនេះនឹងបានចុះហត្ថលេខាក្នុងដំណើរ
ទស្សនកិច្ចទៅកាន់អ៊ីស្រាអែលលើកនេះ របស់ប្រធានាធិបតី Mukherjee និងអាវុធ
យុទ្ធភ័ណ្ឌទាំងនោះនឹងបានបញ្ជូនឲ្យឥណ្ឌានាចុងឆ្នាំ២០១៦។

        ដំណើរទស្សនកិច្ចរបស់ប្រធានាធិបតី Mukherjee ទៅកាន់ប្រទេសអាស៊ី​ខាង​លិច
ចំនួន៣លើកនេះបានប្រព្រឹត្តទៅក្នុងកាលៈទេសៈកិច្ចការកែទម្រង់នៅ​ឥណ្ឌាបន្តបាន
ដំណើរការស៊ីជម្រៅ ទំនាក់ទំនងកិច្ចការបរទេសបានជំរុញដែល​លើកកំពស់តួនាទី
របស់ឥណ្ឌានៅដំបន់និងពិភពលោក។ ការបើកទូលាយកិច្ច​សហប្រតិបត្តិការជាមួយ
ដំបន់អាស៊ីខាងលិចបានសឲ្យឃើញនូវការប្តេជ្ញា​យុទ្ធសាស្ត្ររបស់ New Delhi បង្កើន
តួនាទីចំពោះដំបន់ដែលប្រមូលផ្ដុំការប្រកួត​ប្រជែងរវាងមហាអំណាចនានាក្នុង
សតវត្សទី២១៕