២០ឆ្នាំទំនាក់ទំនងការទូតវៀតណាម-អាមេរិក៖បង្រួញគំលាតដើម្បីសហប្រតិបត្តិការយូរអង្វែង (tuoitreonline)

        Vovworld-នាថ្ងៃទី១១កក្កដាឆ្នាំ១៩៩៥ ប្រធានាធិបតីអាមេរិកលោក Bill Clinton
បានប្រកាសប្រក្រតីភាពទំនាក់ទំនងជាមួយវៀតណាម។ សេចក្តី​ថ្លែងការណ៍
ប្រវត្តិសាស្ត្រនោះបានបើកចេញជំពូកថ្មីក្នុងទំនាក់ទំនងរវាងប្រទេសទាំងពីរដែល
ធ្លាប់ជាសត្រូវនឹងគ្នា។

រាល់ការលំបាកនាគ្រាដំបូង

        វិលត្រឡប់មកវៀតណាមក្នុងប៉ុន្មានថ្ងៃខែកក្កដា ក្នុងឋានៈជាភ្ញៀវអញ្ចើញ​
ពិសេសដើម្បីចូលរួមពិធីរំលឹកខួបលើកទី២០នៃទិវាប្រក្រតីភាពទំនាក់ទំនងរវាង
ប្រទេសទាំងពីរ អតីតប្រធានាធិបតីអាមេរិកលោក Bill Clinton ជាថ្មីម្ដងទៀត​បាន​
អះអាងថា ទំនាក់ទំនងវៀតណាម-អាមេរិកទទួលបានដូចនាបច្ចុប្បន្នគឺជា​ការ
​ខំប្រឹងប្រែងដ៏ធំធេងមិនដែលធ្លាប់មានរបស់ភាគីទាំងពីរ។ លោកបានចែករំលែក
​ក្នុង​ដំណាក់កាលមុននេះ២០ឆ្នាំខណៈដែលលោកផ្តោតទៅលើបញ្ហាប្រក្រតីភាព​
ទំនាក់ទំនងជាមួយវៀតណាមគ្មានអ្នកណាគិតដល់អ្វីៗដែលប្រទេសទាំងពីរ​ទទួល
បានដល់ដំណាក់កាលនេះឡើយ។ លោក Bill Clinton បានថ្លែងថា៖

        “២០ឆ្នាំមុននេះខណៈដែលនិយាយដល់ការប្រក្រតីភាពទំនាក់ទំនងវៀតណាម
-អាមេរិក ជាប្រការលំបាកមួយ ពិសេសគឺអ្នកនៅជំនាន់យើងខ្ញុំ បណ្ដាអ្នក​ដែលរង
របួសនៅសមរភូមិវៀតណាម។ អ្នកណាក៏គិតថាជាប្រការឆ្កួតលីលាប៉ុន្តែខណៈ​
ដែលមិត្តវៀតណាមយល់ព្រមជាមួយយើងខ្ញុំនិងយើងខ្ញុំយល់ព្រមជាមួយមិត្តវៀត
ណាមគឺយើងបានរំដោះខ្លួនឯងបានហើយ។ ការបង្កើតប្រក្រតីភាពទំនាក់ទំនងបាន​
ជួយ​យើងផ្សះផ្សាស្នាមរបួសសង្គ្រាមបង្កើតទំនាក់ទំនងនិងជំរុញកិច្ចសហប្រតិបត្តិការ។”

ដល់រាល់លទ្ធផលសហប្រតិបត្តិការជាក់ស្ដែង

        ពិតប្រាកដថា ក្រលែកមើលឡើងវិញកំណាត់ផ្លូវ២០ឆ្នាំកន្លងទៅ ទំនាក់ទំនង
​សហប្រតិបត្តិការរវាងវៀតណាមនិងអាមេរិកបានហួសពីក្តីសង្ឃឹម។ ពាណិជ្ជកម្ម​ទ្វេ
ភាគីពី២៥លានដុល្លារអាមេរិកបានកើនឡើង៣៥ពាន់លានដុល្លារាមេរិក។ វៀតណាម
កំពុងក្លាយទៅជាដៃគូធំបំផុតរបស់អាមេរិកក្នុងសមាគមបណ្ដា​ប្រជាជាតិអាស៊ី-អាគ្នេយ៍
(អាស៊ាន)។ នាឆ្នាំទៅមិញវៀតណាមបានហួសពីថៃ​ដើម្បី​ក្លាយទៅជាដៃគូនាំចេញធំ
បំផុតរបស់អាស៊ានចូលទីផ្សារអាមេរិក។ ក្នុង​វិស័យវិនិយោគអាមេរិកកំពុងក្លាយទៅ
ជាវិនិយោគិនធំទី៧ក្នុងចំណោមប្រទេស​និងដំបន់ដែនដីវិនិយោគផ្ទាល់ចូលវៀតណាម។ វៀតណាមនិងអាមេរិកកំពុង​បន្ត​ការចរចារលើកិច្ចព្រមព្រៀងអន្តរប៉ាស៊ីហ្វិក (TPP)
គ្រោងនឹងអាចសំរេចនាចុងឆ្នាំ​នេះ។ ជាពិសេសក្នុងវិស័យអប់រំបានមានសិស្សានុស្សិស
វៀតណាមចំនួន១៧​ពាន់​នាក់ទៅរៀនសូត្រនិងធ្វើការនៅអាមេរិក ឈរលំដាប់ថ្នាក់ទី
៨ក្នុងចំណោម​ប្រទេសមាននិស្សិតនៅអាមេរិក។ ខណៈទទួលបេសកម្មការទូតនៅវៀត​
ណាម​នា​ខែធ្នូឆ្នាំទៅមិញ លោក​ Ted Ossius បានចែករំលែកថា ក្នុងប៉ុន្មានឆ្នាំ៩០ តើ
មាន​អ្នកណាគិតថាមានទំនាក់ទំនងដៃគូដូច្នេះទេ?

        “នាគ្រានោះខ្ញុំបាននៅវៀតណាម។ ទោះបីជាយើងខ្ញុំសុទ្ធតែសង្ឃឹមអំពីរាល់​ប្រការ
ល្អប្រសើរបំផុតក្តី ប៉ុន្តែយើងខ្ញុំគ្មានអ្នកណាអាចព្យាករណ៍បានថា ​ទំនាក់​ទំនងរវាង
ប្រទេសទាំងពីរអាចឈានទៅឆ្ងាយដូចនឹងបច្ចុប្បន្នឡើយ។ រដ្ឋមន្ត្រីការ​បរទេស John
Kerry បានថ្លែងដ៏ត្រឹមត្រូវខណៈដែលលោកបានទៅកាន់​វៀត​ណាម​នា​ឆ្នាំទៅមិញថា
គ្មានប្រទេសចំនួន២ណាខំប្រឹងប្រែងធ្វើបានច្រើននិង​ល្អ​ដើម្បីខំប្រឹងប្រែងខិតមកជា
មួយគ្នាផ្លាស់ប្តូរប្រវត្តិសាស្ត្រនិងផ្លាស់ប្តូរអនាគតដូចជាវៀតណាមនិងអាមេរិកឡើយ។”

បង្កើនការយល់ដឹងកសាងជំនឿជាក់

        ត្រូវនឹងឯកអគ្គរដ្ឋទូត Ted Ossius បាននិយាយអំពីទំនាក់ទំនងវៀតណាម-អាមេរិក
​ក្នុង២០ឆ្នាំកន្លងមកដូចជាដើមឈើមួយបានដាំដុះថែទាំល្អបំផុត។ ភាគី​ទាំងពីរ​បានរួម
គ្នាកសាងកិច្ចសហប្រតិបត្តិការលើវិស័យទាំងអស់ក្នុងនោះមាន​បញ្ហាដែលបាន​ចាត់
​ទុកជារស៊ើបដូចជាសិទ្ធិមនុស្សការពារជាតិដោះស្រាយបញ្ហាក្រោយសង្គ្រាមជា​ដើម។
ឆ្នាំ២០១៣ជាឆ្នាំរបត់ពិសេសក្នុងទំនាក់ទំនងវៀត​ណាម-អាមេរិកខណៈដែល​ប្រទេស​
ទាំងពីរបង្កើតទំនាក់ទំនងដៃគូលើគ្រប់វិស័យ​ដោយមានបញ្ហាអាទិភាពជា​ច្រើន។ វាយ
តំលៃអំពីទំនាក់ទំនងនេះ ឧបនាយក​រដ្ឋមន្ត្រី Pham Binh Minh បាន​ចាត់​ទុក​ថា៖

        “ដោយការត្រិះរិះឆ្ពោះទៅខាងមុខ វៀតណាមនិងអាមេរិកបានខំប្រឹងប្រែង​ជា​ច្រើន
​​ដើម្បីឆ្លងផុតពីអតីតកាលឆ្ពទៅអនាគត។ ទំនាក់ទំនងវៀតណាម-អាមេរិក​បាន​ឆ្លង​​ផុត
ពីគ្របខ័ណ្ឌទ្វេភាគី​រួមចំណែកសំខាន់ទៅក្នុងសន្តិភាព​សហប្រតិបត្តិការនិង​អភិវឌ្ឍន៍
នៅដំបន់អាស៊ី-ប៉ាស៊ីហ្វិកនិងលើពិភពលោក។”

        ២០ឆ្នាំកន្លងទៅទំនាក់ទំនងវៀតណាមនិងអាមេរិកបានបង្កើតដោយ​លទ្ធផល​
សហប្រតិបត្តិការជាក់ស្ដែងជាច្រើន។ គូសសម្គាល់ព្រឹត្តិការណ៍២០ឆ្នាំ​ប្រក្រតី​ភាព​ទំនាក់
​​​ទំនងរវាងប្រទេសទាំងពីរ អគ្គលេខាបក្សកុម្មុយនីស្តវៀត​ណាម​លោក Nguyen Phu Trong
បានអញ្ចើញទៅបំពេញទស្សនកិច្ចជាផ្លូវការនៅ​អាមេរិក។ នេះជាដំណើរ​ទស្សនកិច្ចដើម
ដំបូងរបស់អគ្គលេខាបក្សកុម្មុយនីស្តវៀត​ណាមមួយរូបទៅកាន់អាមេរិ​ក​គូស​សម្គាល់របត់ប្រវត្តិសាស្ត្រសំរាប់ជំហានជាបន្តនៃទំនាក់ទំនងរវាងប្រទេសទាំង​ពីរ៕