VOVWORLD_រដូវផ្ការីកថ្មីបានគ្របដណ្ដប់លើទូទាំងប្រទេសវៀតណាមពីតំបន់
ព្រៃភ្នំរហូតដល់ឯនាយកោះសមុទ្រឆ្ងាយដាច់ស្រយាល។ នៅប្រជុំកោះ Truong Sa
បរិយាកាសទទួលឆ្នាំថ្មី( តេត)ឆ្នាំវកអដ្ឋស័កបានរីករាលដាលដល់គ្រប់កោះធំកោះ
តូចចំណុះប្រជុំកោះនេះ។ សេចក្ដីសប្បាយរីករាយបានបង្ហាញច្បាស់ដោយទឹកមុខ
ញញឹមរបស់កម្មាភិបាលយុទ្ធជននិងប្រជាជននៅស្រុកកោះ Truong Sa។ នៅទីរួម
ស្រុក Truong Sa ដែលបានចាត់ទុកជារដ្ឋធានីនៃស្រុក Truong Sa ខេត្ត Khanh Hoa
នេះកម្មាភិបាលយុទ្ធជននិងប្រជាជនកំពុងរៀបចំសកម្មភាពវប្បធម៌សិល្បៈ
ស្វាគមន៍ឆ្នាំថ្មីឆ្នាំវកអដ្ឋស័កនិងបុណ្យតេតជាប្រពៃណីជាតិ។
តេតនៅស្រុកកោះ Truong Sa និងទីរួមស្រុក Truong Sa តែងតែចាប់ផ្ដើមនៅ
ពេលក្បួននាវាពីដីគោកដឹកទំនិញនិងស្បៀងអាហារបំរើបុណ្យតេតមកកាន់កោះទាំង
ឡាយ។ ពេលនាវាចូលចតនៅកំពង់ផែ គឺកម្មាភិបាលយុទ្ធជននិងប្រជាជនចាប់ផ្ដើម
មមាញឹកត្រៀមរៀបចំការងារចាំបាច់នានាដូចជាហាត់ច្រៀងរាំ វេចនំអន្សម លាបថ្នាំ
ផ្ទះ ជាដើម។ អ្នកស្រី Vo Thi Thu Sang នៅទីរួមស្រុក Truong Sa បានសំណេះ
សំណាលថា
“ យើងខ្ញុំត្រៀមរៀបចំបុណ្យតេតចាប់តាំងពីថ្ងៃទី២៥ខែទី១២តាមចន្ទគតិ។
ទោះបីជាមិនបានទទួលតេតជាមួយក្រុមគ្រួសារក្ដីតែមនោសញ្ចេតនារបស់បងប្អូន
នៅលើកោះគឺកក់ក្ដៅណាស់។ មនុស្សគ្រប់រូបជូនពរគ្នាដូចបងប្អូនក្នុងគ្រួសារដែរ។
បុណ្យតេតឆ្នាំនេះឃើញមានរបស់របរសំបូរជាងឆ្នាំមុនៗ”។
ឥឡូវនេះតេតនៅឯកោះសមុទ្រដាច់ស្រយាលលែងខ្វះទំនិញទៀតហើយតែ
មានឥវែឥវ៉ាន់គ្រប់គ្រាន់ដូចនៅលើដីគោកទៅវិញ។ ទន្ទឹមនឹងទំនិញនាំយកមកពីដី
គោកទីរួមស្រុក Truong Sa ក៏ត្រៀមរៀបចំយ៉ាងល្អនូវស្បៀងអាហារដែរដោយមាន
សាច់ជ្រូកមាន់ទា ត្រីស្រស់និងបន្លែផ្លែឈើគ្រប់មុខ។ តាមអ្នកស្រី Le Thi Truc Ha
ជាប្រជាពលរដ្ឋមួយនាក់នៅទីរួមស្រុក Truong Sa បានឲ្យដឹងថា
“ ដោយមានការយកចិត្តទុកដាក់ពីដីគោកនិងរបស់រដ្ឋអំណាចតំបន់បានជា
យើងខ្ញុំមានគ្រប់នំអន្សម សាច់ជ្រូក មាន់ទា និងបន្លែ។ ក្រៅពីនេះយើងខ្ញុំក៏ធ្វើ
ដំណាប់ផងដែរ។ បុណ្យតេតនៅលើកោះមានភាពកក់ក្ដៅនិងមនោសញ្ចេតនាដ៏
ល្អប្រសើរ”។
 |
| ល។ នៅប្រជុំកោះ Truong Sa បរិយាកាសទទួលឆ្នាំថ្មី( តេត)ឆ្នាំវកអដ្ឋស័កបានរីករាលដាលដល់គ្រប់កោះធំកោះតូចចំណុះប្រជុំកោះនេះ |
ក្នុងឱកាសបុណ្យតេតឆ្នាំនេះកោះ Truong Sa ត្រូវបានទទួលក្រុមភ្ញៀវជា
សមាជិកសម្ព័ន្ធយុវជនកម្មុនីស្តហូជីមិញដែលនាំយកមកតាមនំអន្សមចំនួន២០១៦
មកជូនប្រជជាននៅលើកោះ។អ្នកស្រី Bui Thi Hong Duyen ជនជាតិ Muong មកពី
ស្រុកLac Son ខេត្តHoa Binh ភាកខាងជើងវៀតនាមបានចែករំលែកថា
“ នេះជាពិធីបុណ្យតេតពិសេសនិងមានអត្ថន័យដ៏ធំធេងចំពោះខ្ញុំ។ ព្រោះនៅទី
នេះខ្ញុំបានចែករំលែកមនោសញ្ចេតនាជាមួយយុទ្ធជននិងប្រជាជននៅលើកោះ។ខ្ញុំ
រំជួលចិត្តខ្លាំងណាស់”។
នារាត្រីឆ្នាំចាស់រំលង ឆ្នាំថ្មីឈានចូលមកដល់ប្រជាជននៅទីរួមស្រុក Truong Sa
ចាប់ផ្ដើមសកម្មភាពសំដែងសិល្បៈស្វាគមន៍ឆ្នាំថ្មី។
ពិធីគោរពទង់ជាតិនាថ្ងៃដើមដំបូងនៃឆ្នាំថ្មីមានលក្ខណៈពិសិដ្ឋជាពិសេស។
កម្មាភិបាលយុទ្ធជននិងប្រជាជនឈរជាជួរគោរពទង់ជាតិពណ៌ក្រហមផ្កាយមាស
ក្នុងពន្លឺព្រះអាទិត្យនិងសំលេងចំរៀងជាតិលាយឡំជាមួយស្នូររលកសមុទ្រ។នេះក៏
ជាការសំដែងនូវស្មារតីប្ដេជ្ញាចិត្តការពារសន្តិភាពនៅតំបន់កោះសមុទ្ររបស់ប្រជាជន
វៀតណាមផងដែរ។ វរៈសេនីយ៍ទោ Nguyen Van Tuan ស្នងការនយោបាយកោះ
Truong Sa បានថ្លែងថា
” ពិធីគោរពទង់ជាតិនាឆ្នាំថ្មីមានអត្ថន័យដ៏សំខាន់ចំពោះប្រជាជនវៀតណាមជា
ពិសេសនាពេលបានរៀបចំឡើងនៅលើប្រជុំកោះ Truong Sa ដ៏ពិសិដ្ឋរបស់មាតុ
ប្រទេសជាតិនេះ។ខ្ញុំសូមប្រសិទិ្ធពរជូនកម្មាភិបាលយុទ្ធជននិងប្រជាជនលើកោះ
មានសុខភាពល្អសាមគ្គីគ្នាដើម្បីសំរេចបានគ្រប់ភារកិច្ចប្រកបដោយជោគជ័យក្នុង
ឆ្នាំថ្មី” ។
ក្រោយពិធីគោរពទង់ជាតិកម្មាភិបាលយុទ្ធជននិងប្រជាជននៅទីរួមស្រុកទៅ
វត្តធ្វើពិធីបួងសួងសូមឲ្យទេវតាឆ្នាំថ្មីតាមជួយថែរក្សានិងផ្ដល់សេចក្ដីសុខសេចក្ដី
ចំរើនសុភមង្គល។ បន្ទាប់មកគេទាំងអស់គ្នាទៅអុជធូបធ្វើបុណ្យនៅអគារ
អនុស្សាវរីយ៍លោកប្រធានហូជីមិញនិងវិមានគោរពវិញ្ញាណក្ខន្ធយុទ្ធជនពលី។
ទោះបីរស់នៅឆ្ងាយពីដីគោកហើយជួបការលំបាកជាច្រើនក៏ដោយតែកងទ័ព
និងប្រជាជនលើប្រជុំកោះ Truong Sa ជានិច្ចកាលថែរក្សាការពារអធិបតេយ្យរបស់
មាតុប្រទេស សក្តិសមនឹងការជឿទុកចិត្តរបស់ប្រជាជនទាំងមូល៕