សិល្បៈករវៀតណាមសម្ដែងនៅកម្មវិធីតន្ត្រី "ពួកយើងតែមួយ"។

ពិធីបុណ្យរួមមានព្រឹត្តិការណ៍៖ កម្មវិធីតន្ត្រី "ពួកយើងតែមួយ"; ការប្រកួតទេពកោសល្យសម្រាប់ពលរដ្ឋវៀតណាមនៅកូរ៉េខាងត្បូង ការប្រកួតរាំ V.KPOP និងល្បែងកម្សាន្តដ៏សប្បាយ។ ចូលរួមក្នុងកម្មវិធីតន្ត្រី "ពួកយើងតែមួយ" រួមមានតារាចម្រៀង និងសិល្បករល្បីៗមកពីប្រទេសវៀតណាម និងកូរ៉េខាងត្បូង ជាមួយនឹងការសម្តែងដ៏គួរឱ្យចាប់អារម្មណ៍ តាមរយៈបទភ្លេង និងបទចម្រៀងដែលលើកសរសើរពីសេចក្ដីស្នេហារបស់គូស្នេហ៍ សេចក្ដីស្នេហាមាតុភូមិនិងស្រុកកំណើត... ឬសម្តែងរបាំដ៏រស់រវើកផងដែរ។ មកទស្សនាកម្មវិធីនេះ យុវជនវៀតណាម និងកូរ៉េខាងត្បូងជាច្រើនបានសម្ដែងថា៖

“កម្មវិធីតន្ត្រីនេះត្រូវបានបណ្តាក់ទុនយ៉ាងល្អិតល្អន់ និងអញ្ជើញសិល្បករប្រកបដោយគុណភាព។ អ្នកចម្រៀង Ly Ly ដែលបច្ចុប្បន្នគឺល្បីល្បាញនៅលើ Tik Tok ត្រូវបានយុវជនជាច្រើននិយមចូលចិត្ត។ ខ្ញុំឃើញថា ពេលក្រុមអ្នកចម្រៀងកូរ៉េខាងត្បូងឡើងលើឆាកសម្តែង ទស្សនិកជនយ៉ាងច្រើនបានក្រោកឈរគាំទ្រយ៉ាងក្រៃលែង”។

“ខ្ញុំសប្បាយចិត្តណាស់ដែលបានទស្សនាអ្នកចម្រៀងដែលខ្ញុំស្រឡាញ់។ នៅកូរ៉េខាងត្បូង ខ្ញុំមិននឹកស្មានថានឹងអាចទស្សនាអ្នកចម្រៀងនិងសិល្បករទាំងនេះទេ។ ខ្ញុំសង្ឃឹមថាពិធីបុណ្យបែបនេះនឹងត្រូវបានរៀបចំឡើងកាន់តែញឹកញាប់ក្នុងទ្រង់ទ្រាយធំ ដើម្បីអោយប្រជាជនវៀតណាមនៅកូរ៉េខាងត្បូងដែលនៅឆ្ងាយពីស្រុកកំណើត បានរីករាយជាមួយបទចម្រៀងពិរោះៗអំពីស្រុកកំណើត”។

វប្បធម៍វៀតណាមត្រូវបានបង្ហាញក្នុងការប្រកួតទេពកោសល្យសម្រាប់ពលរដ្ឋវៀតណាមនៅកូរ៉េខាងត្បូង។ អ្នកចូលរួមបានរាំ ច្រៀង លេងចាប៉ី ឬលេងឧបករណ៍ភ្លេងប្រពៃណី។ ចូលរួមក្នុងការប្រកួតនេះ កញ្ញា Phuong Nghi បានឲ្យដឹងថា៖

“ខ្ញុំបានចូលរួមក្នុងការប្រកួតទេពកោសល្យចំនួនពីរ។ នោះគឺការប្រកួតរាំទោល និងការប្រកួតរាំជាក្រុម។ ក្រុមរបស់ខ្ញុំមានគ្នា ៤ នាក់។ គណៈរៀបចំមិនកំណត់ខ្លឹមសារនិងប្រភេទតន្ត្រីទេ ត្រឹមតែកំណត់ពេលវេលាប្រកួត ៥ នាទីប៉ុណ្ណោះ។ អ្នកចូលរួម ជ្រើសរើសបទភ្លេងនិងរបាំដោយខ្លួនឯង។ កម្មវិធីនេះបានបង្កើតទីលានលេងដ៏មានប្រយោជន៍ ខ្ញុំបានជួបជុំនិងស្គាល់មនុស្សជាច្រើន”។

សិល្បៈករកូរ៉េខាងត្បូងសម្ដែងនៅកម្មវិធី។

ការប្រកួតរាំ V.KPOP សម្រាប់មនុស្សទាំងអស់ បានទាក់ទាញយុវជនយ៉ាងច្រើនកុះករ។ V.KPOP ជាប្រភេទតន្ត្រីបែបយុវវ័យ ដែលលាយបញ្ចូលគ្នារវាងតន្ត្រីវៀតណាម និងកូរ៉េខាងត្បូង ជាមួយនឹងរបាំដ៏សប្បាយរីករាយដែលច្នៃប្រឌិតដោយចៃដន្យ។ ចូលរួមក្នុងការប្រកួតនេះ កញ្ញា Bui Thi Thuong ជនជាតិវៀតណាមដែលកំពុងរស់នៅទីក្រុង Busan បានសម្តែងថា៖

“ខ្ញុំបានចូលរួមក្នុងការប្រកួតរាំចៃដន្យ។ ចូលរួមកាន់តែច្រើន ឱកាសឈ្នះរង្វាន់កាន់តែច្រើនដែរ។ បទភ្លេងដែលត្រូវបានគេបានជ្រើសរើស ច្រើនតែជាបទដ៏ពេញនិយម និងមានប្រជាប្រិយភាពនាពេលបច្ចុប្បន្ននេះ។ ដូច្នេះ ពេលយើងស្គាល់បទភ្លេង ខ្ញុំឡើងលើឆាក ហើយរាំតាម។ អ្នកចម្រៀងវៀតណាមដែលមានវត្តមានក្នុងពិធីបុណ្យនេះក៏ជាមធ្យោបាយមួយដើម្បីផ្សព្វផ្សាយវប្បធម៌វៀតណាមដល់មិត្តភក្តិកូរ៉េខាងត្បូងផងដែរ។ ខ្ញុំឃើញថា ការផ្លាស់ប្តូរវប្បធម៌រវាងវៀតណាមនិងកូរ៉េខាងត្បូងបានប្រព្រឹត្តទៅកាន់តែញឹកញាប់។

សកម្មភាពនៅពិធីបុណ្យ “ពួកយើងតែមួយ” បានបន្សល់ទុកនូវការចាប់អារម្មណ៍អំពីវប្បធម៌វៀតណាមចំពោះយុវជនកូរ៉េខាងត្បូង។ កញ្ញា Park Min Hee រស់នៅទីក្រុង Busan បានសម្តែងថា៖

“ខ្ញុំសប្បាយរីករាយណាស់ដែលបានមកចូលរួមពិធីបុណ្យនេះ ហើយគាំទ្រមិត្តភក្តិដែលចូលរួមការប្រកួតទេពកោសល្យសម្រាប់ពលរដ្ឋវៀតណាមនៅកូរ៉េខាងត្បូង។ ពិធីបុណ្យ “ពួកយើងតែមួយ” រួមចំណែកផ្សព្វផ្សាយវប្បធម៌វៀតណាមនៅកូរ៉េខាងត្បូង និងការផ្លាស់ប្តូរវប្បធម៌រវាងប្រទេសទាំងពីរ។ ខ្ញុំសង្ឃឹមថា ពិធីបុណ្យនេះនឹងត្រូវបានរៀបចំឡើងកាន់តែញឹកញាប់និងក្នុងទ្រង់ទ្រាយធំជាងនេះ។ តាមនោះ បង្កើតកន្លែងកម្សាន្តដ៏មានប្រយោជន៍សម្រាប់ជនវៀតណាមនៅកូរ៉េខាងត្បូង”។

ពិធីបុណ្យ "ពួកយើងតែមួយ" លើកទី៦ ឆ្នាំ២០២៤ បានប្រព្រឹត្តទៅដោយជោគជ័យ ដែលបន្សល់ទុកនូវការចាប់អារម្មណ៍ល្អប្រសើរដល់ប្រជាជនវៀតណាមនិងកូរ៉េខាងត្បូង។ ពិធីបុណ្យបានផ្សព្វផ្សាយនិងរីកសាយភាយវប្បធម៌វៀតណាមនៅកូរ៉េខាងត្បូង រួមចំណែកជំរុញការផ្លាស់ប្ដូរវប្បធម៌រវាងប្រទេសទាំងពីរ៕