VOVWORLD_នៅប្រទេសវៀតណាមនាបច្ចុប្បន្នមានពិធីបុណ្យចំនួនជាង
៨៩០០ ក្នុងនោះមានពិធីបុណ្យប្រជាប្រិយប្រពៃណីប្រមាណ៧០០០។ ពិធីបុណ្យ
ទាំងនេះបានរួមចំណែកអភិរក្សវប្បធម៌ជាតិផងហើយក៏ជាទ្រព្យសម្បតិ្តអរូបីយរបស់ជនជាតិវៀតណាមផង។ នាពេលរដូវផ្ការីកមកដល់ម្ដងៗគឺនៅគ្រប់ទិសទីក្នុងទូទាំងប្រទេសវៀតណាមប្រជាជនសប្បាយរីករាយរៀបចំនិងចូលរួមពិធីបុណ្យជាប្រពៃ
ណីនៃតំបន់ខ្លួន។

        ពិធីបុណ្យទាំងឡាយប្រមូលផ្ដុំលើប្រធានបទសំខាន់ៗដូចជា ពិធីបុណ្យ
កសិកម្មដែលតែងតែបានរៀបចំឡើងនៅតាមភូមិវប្បធម៌  ពិធីបុណ្យស្នេហាដែល
ផ្សាភ្ជាប់ជាមួយជំនឿសាសនានិងទំនាក់ទំនងអាពាហ៍ពិពាហ៍  ពិធីបុណ្យសិល្បៈ
លេងកំសាន្តតែងតែមានការសំដែងបទចំរៀងនិងរបាំប្រជាប្រិយ  ពិធីបុណ្យប្រលង
ប្រណាំងចំណេះដឹង និងពិធីបុណ្យប្រវតិ្តសាស្រ្តដែលមានសំដែងល្ខោនដើម្បីលើក
តម្កើងគុណូបការៈរបស់អ្នកតាភូមិ។ តាមលោក Vo Hong Thuat ​ជា​អ្នកស្រាវជ្រាវនៅ
សារមន្ទីរជាតិវិទ្យាវៀតណាម​បានឲ្យដឹងថា

       “ នៅក្នុងចំណោមបុណ្យទានកសិកម្មទាំងនោះមានបុណ្យ Tro Tram។​ ក្នុងពិធី
​បុណ្យនេះ អ្នកភូមិដង្ហែព្រះស្រូវក្នុងគោលបំណងសូមឲ្យរដូវស្រូវបានផលច្រើន
លើសលុប ជីវភាពរស់នៅរបស់ប្រជាពលរដ្ឋភូមិសំបូរធូរធាសុភមង្គល។ នេះជា
លក្ខណៈលេចធ្លោបំផុតនៃវប្បធម៌គោរពបូជាអ្នកតាស្រូវ”។

          ចំពោះប្រជាកសិករនៅតំបន់ដីសណ្ដទន្លេក្រហមភូមិភាគខាងជើងវៀតណាម 
ជារៀងរាល់ឆ្នាំគេមានពេលទំនេរពីការងារចំនួន២លើកដែលលើកទីមួយគឺក្រោយពី
ការព្រោះស្រូវរដូវប្រាំងនៅចន្លោះខែទី១២និងខែទីមួយ ហើយលើកទីពីរគឺបន្ទាប់ពី
ស្ទូងសំណាបរដូវវស្សានាខែទី៦និង៧។ នាគ្រានោះ ស្រូវបានស្ទូងរួចរាល់ហើយ
បន្លែនិងដំណាំដាំដុះមិនទាន់ដល់ពេលប្រមូលផល។ ក្នុងពេលទំនេរនេះភូមិឃុំទាំង
ឡាយតែងតែរៀបចំពិធីបុណ្យទានដើម្បីឆ្លើយតបនឹងតម្រូវការជំនឿសាសនានិង
លេងកំសាន្ត។ អាចនិយាយបានថា គោលដៅមុនបង្អស់នៃពិធីបុណ្យគឺសំដៅលើក
កំពស់នូវចំណេះដឹងវប្បធម៌ប្រជាប្រិយសំរាប់ប្រជាពលករព្រមទាំងក្រើនរំរលឹក
មនុស្សគ្រប់រូបឲ្យចេះផឹកទឹកនឹកដល់ប្រភពដើម គោរពនិងដឹងគុណជំនាន់មុនៗរាប់
ទាំងអ្នកតាដែលតាមជួយថែរក្សាប្រជាជនបានសុខសប្បាយ។

     ទោះជាពិធីបុណ្យប្រព្រិត្តទៅពេញមួយឆ្នាំក៏ដោយតែច្រើនបំផុតគឺនារដូវផ្ការីក។
 ជា​អ្នកស្រាវជ្រាវ លោក Vo Hong Thuat ​បានឲ្យដឹងទៀតថា

     “ ក្នុងមួយឆ្នាំមាន១២ខែ ហើយខែទីមួយជាខែខាលដែលជានិមិត្តរូបនៃកំលាំង
​ពលំ។​ ខែទីចាប់ផ្ដើមឆ្នាំថ្មីដោយហេតុនេះប្រជាជនតែងតែបើកពីធីបុណ្យទានក្នុង
អំឡុង​ពេលនេះក្នុងគោលបំណងសូមឲ្យឆ្នាំថ្មីនាំមកនូភ័ពសំណាងជូនមនុស្សគ្រប់
រូប។​តែមាន​ភូមិករខ្លះគេបែរជារៀបចំបុណ្យនាខែ២ ខែ៣ និងខែ៤ទៅវិញ”។

ក្នុងរដូវផ្ការីក នៅភាគខាងជើងវៀតណាមរៀបចំពិធីបុណ្យជាច្រើនមានលក្ខណៈប្រវត្តិសាស្រ្ត

         ក្នុងរដូវផ្ការីក នៅភាគខាងជើងវៀតណាមរៀបចំពិធីបុណ្យជាច្រើនមាន
លក្ខណៈប្រវត្តិសាស្រ្ត។ ក្នុងនោះមានបុណ្យ Tich Dien Doi Son នៅស្រុក ​Duy Tien
ខេត្ត​ Ha Nam  និងបុណ្យ Giong Phu Dong នៅ​ ស្រុកSoc Son Ha Noiដែលត្រូវបាន
អង្គការ UNESCO​ ទទួលស្គាល់ជាបេតិកភ័ណ្ឌអរូបិមនុស្សជាតិ។ ក្រៅពីនោះនៅ
មានពិធីបុណ្យ Go Dong Da រំលឹកដល់យុទ្ធជ័យដ៏ត្រចះត្រចង់នារដូវផ្ការីកឆ្នាំ
១៧៨៩របស់ស្ដេច Quang Trung ជាវីរៈស្ដេចមួយអង្គក្នុងប្រវត្តិសាស្រ្តប្រឆាំងខ្មាំង
សត្រូវឈ្លានពាននៃប្រជាជាតិ។ តាមលោក Nguyen Van Hung  ជាភ្ញៀវ ពីក្រុង
ហូជីមិញមកចូលរួមពិធីបុណ្យ Go Dong Da បានថ្លែងថា

        ‘’ ថ្ងៃទី៥ខែទិ១គីជាទិវារំលឹក យុទ្ធជ័យដ៏ត្រចះត្រចង់បំផុតរបស់ស្ដេច Quang
Trung – Nguyen Hue និងទ័ពតំបន់ Tay Son ដ៏អង់អាចក្លាហានបានវាយកំទេចសត្រូវ
Qing Chao នារដូវផ្ការីកឆ្នាំ១៧៨៩។ យើងគួររក្សានិងពង្រីកប្រពៃណីដើម្បីជំនាន់
កូន​ចៅ​យើងមកចូលរួមនិងលើកតម្កើងស្មារតីប្រឆាំងខ្មាំងសត្រូវបរទេសឈ្លាន
ពាន“៕