ទិដ្ឋភាពនៃពិធីប្រារព្ធមហោស្រពគង ឃ្មោះ Tay Nguyen ឆ្នាំ ២០១៨ (រូបថតៈ Chinhphu.vn)

មកទស្សនានៅភូមិស្រុករបស់ជនជាតិ Ba Na ជនជាតិ Jarai នៅខេត្ត Gia Lai ក្នុងប៉ុន្មានថ្ងៃនេះ ទើបបានឃើញនូវបរិយាកាសសប្បាយរីករាយរបស់បងប្អូនជនជាតិ ជាពិសេសគឺយុវជនដែលត្រៀមរៀនចំឲ្យមហោ ស្រពដ៏អស្ចារ្យធំបំផុតរបស់ភូមិស្រុក Tay Nguyen។  សម្រាប់យុវជនដែលនៅក្នុងក្រុមវាយគង ឃ្មោះរបស់ភូមិ Pleiku Roh ទីក្រុង Pleiku គឺប៉ុន្មានថ្ងៃនេះជាថ្ងៃបុណ្យធំមួយដែរ។ ក្នុងនាមជាក្រុមវាយគងឃ្មោះ  តំណាងឱ្យទីក្រុង Pleiku ដើម្បីចូលរួមក្នុងមហោស្រព គងឃ្មោះ ឆ្នាំ ២០១៨ សមាជិកនៃក្រុមនេះមានមោទនភាពយ៉ាងខ្លាំងហើយព្យាយាមហាត់សមចាំចូលរួមមហោស្រពផងដែរ។

ទោះបីជាអាយុចាប់ពី ១៥ ដល់ ៣០ ឆ្នាំក៏ដោយ ក៏ប៉ុន្តែសមាជិកនៃក្រុម គង ឃ្មោះ ភូមិ Pleiku Roh បានរកឃើញនូវចំណង់ចំណូលចិត្តចំពោះឧបករណ៍ភ្លេង និងរបាំប្រពៃណីនៃប្រទេស។ ក្រោមការដឹកនាំរបស់លោក Siu-Thum សមាជិកក្រុមជាង ៣០ នាក់ ដែលអ្នកចូលមុនបង្រៀនឲ្យអ្នកចូលក្រោយ ឥឡូវនេះ ពួគគេបានស្ទាត់ជំនាញការវាយគង ឃ្មោះ ដោយស៊ីចង្វាក់ជាមួយរបាំប្រពៃណី។ ប្អូន Rơcom H’Huyen សមាជិកក្មេងបំផុតនៃក្រុមនេះបានចែករំលែកថា៖ "ប្អូនទើបចូលរួមក្នុងក្រុមនាពេលថ្មីៗនេះដែរ។ ហើយនេះក៏ជាលើកទីមួយដែលខ្ញុំប្អូនបានចូលរួមក្នុងមហោស្រពដ៏អស្ចារ្យមួយរបស់ខេត្ត Gia Lai ដូច្នេះប្អូនមានកិត្តិយសផងនិងសប្បាយរីករាយណាស់ផង។ សមាជិកក្នុងក្រុមបានព្យាយាមហាត់សមណាស់ ដោយគោលបំណងនាំមកនូវការសម្តែងពិសេស ដើម្បីលើកតម្កើងសិល្បៈប្រពៃណីសម្រាប់មនុស្សគ្រប់រូប”។

ថ្នាក់បង្រៀនវាយគង ឃ្មោះ នៅភូមិ Pu Huê ឃុំ Ea Ktur  ស្រុក Cư Kuin

សំដៅរួមចំណែកអភិរក្សនិងពង្រីកនូវបរិយាកាសគង ឃ្មោះ Tay Nguyen មន្ទីរវប្បធម៌ កីឡានិងទេសចរណ៍ខេត្ត Dak Lak បានបើកថ្នាក់បង្រៀនការវាយគង ឃ្មោះ នៅស្រុក Cư Kuin។ នៅក្នុងថ្នាក់នេះ ប្អូនៗនឹងបានសិប្បករ បង្រៀននូវចំណេះដឹងមូលដ្ឋានអំពីគងឃ្មោះ និងការសម្តែងផងដែរ។

យោងតាមលោក Dang Gia Duan នាយករងមន្ទីរវប្បធម៌ កីឡានិងទេសចរណ៍ ខេត្ត Dak Lak ថា ការរៀបចំថ្នាក់បង្រៀនសិល្បៈវាយគងឃ្មោះ សម្រាប់ជំនាន់វ័យក្មេង ជាវិធានការល្អបំផុតក្នុងការអភិរក្សនិងពង្រីកនូវតម្លៃវប្បធម៌ដ៏វិសេសវិសាលរបស់បរិយាកាសវប្បធម៌គងឃ្មោះ Tay Nguyen ជាបេតិកភណ្ឌវប្បធម៌អរូបីតំណាងមនុស្សជាតិ។ លោក Dang Gia Duan បានឲ្យដឹងថា៖ “ស្ថានភាពជាក់ស្តែងបានបញ្ជាក់ឲ្យឃើញថា ចំនួនអ្នកចេះប្រើប្រាស់គងឃ្មោះនៅ Dak Lak កាន់តែតិចទៅៗ។ ហេតុដូច្នេះ យើងខ្ញុំក៏បានខិតខំបើកថ្នាក់រៀនដោយមានការចូលរួមរបស់សិប្បករជើងចាស់នៅក្នុងតំបន់ ដើម្បីអាចបំប៉នឲ្យជំនាន់វ័យក្មេងអាចប្រើប្រាស់ល្អគងសំរឹទ្ធនិងឃ្មោះប្ញស្សីនៅក្នុងតំបន់តែម្តង”។

មហោស្រពគង ឃ្មោះ Tay Nguyen ត្រូវបានរៀបចំឡើងជារៀងរាល់ឆ្នាំ តាមខេត្ត ក្រុងជាច្រើនទូទាំងប្រទេស ហើយជាឱកាសដើម្បីវៀតណាមផ្សព្វផ្សាយអំពីរូបភាព បរិយាកាសគង ឃ្មោះ Tay Nguyen ដែលបានអង្គការ UNESCO ទទួលស្គាល់ជាបេតិកភណ្ឌតមាត់និងបរូបីរបស់មនុស្សជាតិ៕