TPP បង្កើតជើងទម្រកំណើនសេដ្ឋកិច្ចសំរាប់ក្រុមហ៊ុនរបស់វៀតណាម (Image: VNA)

(VOVworld) – កិច្ចព្រមព្រៀងពាណិជ្ជកម្មសេរីឆ្លងមហាសមុទ្រប៉ាស៊ីហ្វិក (TPP)
ដែលវៀតណាមជាប្រទេសសមាជិកមួយទើបនឹងត្រូវបានសម្រេចការចរចារ
នាថ្ងៃ ទី ៥  តុលា ឆ្នាំ ២០១៥។ ការឆ្លៀតកឱកាសដែល TPP នាំមក ជំនះពុះពារ
លើការលំបាកសាកល្បងនឹងបង្កើតរបត់មួយដើម្បីខឿនសេដ្ឋកិច្ច វៀតណាម
ឈានចូលសម័យកាលកែទម្រង់និងអភិវឌ្ឍន៍ជួយបណ្ដាក្រុម ហ៊ុនរបស់
វៀតណាមក្តាប់ជាប់ជាមួយកំណើនពិភពលោក។

        វៀតណាមត្រូវបានវាយតំលៃជាប្រទេសមួយក្នុងចំណោមប្រទេសជា
សមាជិកដែលទទួលបានផលប្រយោជន៍ច្រើនជាងគេពីកិច្ចព្រមព្រៀង TPP។
 តាមនោះ TPP នឹងជួយ GDP របស់វៀតណាមកើនបន្ថែមដល់ ២៣,៥ ពាន់
លានដុល្លាអាមេរិកនាឆ្នាំ ២០២០ និង ៣៣,៥​ ពាន់លានដុល្លាអាមេរិកនាឆ្នាំ
២០២៥។ តំលៃប្រាក់នាំចេញនឹងបន្ថែម ៦៨ ពាន់លានដុល្លាអាមេរិកនាឆ្នាំ
២០២៥។ ជាពិសេសគឺបណ្ដាទីផ្សារធំៗដូចជាអាមេរិកជប៉ុននិងកាណាដានឹង
កាត់ បន្ថយពន្ធនាំចេញដល់ ០% ដែលនឹងបង្កើតកំលាំងពលំដ៏ធំធេងសំរាប់
សកម្មភាព នាំចេញរបស់វៀតណាម។ អ្នកជំនាញការសេដ្ឋកិច្ច លោក Nguyen
Chi Hieu បានចាត់ទុកថា៖

        “TPP បើកចេញឱកាសសំរាប់វៀតណាមធ្វើសកម្មភាពដ៏ធំធេងក្នុងខឿន
សេដ្ឋកិច្ចសកល។ រួមជាមួយគ្នានោះគឺការផ្លាស់ប្តូរខឿនសេដ្ឋកិច្ចវៀតណាមលើ
 គ្រប់ជ្រុងជ្រោយ។ ជាពិសេសគឺមុខទំនិញរបស់វៀតណាមដែលកំពុងមានសក្តានុ
 ភាពនិងតំលៃប្រាក់នាំចេញធំដូចជាតម្បាញកាត់ដេរកសិផលជលផលនឹងទទួល
បានផលប្រយោជន៍ច្រើនថែមទៀត។”

        បណ្ដាប្រទេសចូលរួម TPP  គឺជាដៃគូនាំចេញសំខាន់របស់វៀតណាម ក្នុងនោះ
​ តំលៃប្រាក់នាំចេញទំនិញរបស់វៀតណាមទៅទីផ្សារអាមេរិកនិងជប៉ុន ស្រូបយក
 ៤០%។ ក្នុងការចរចារ TPP តម្បាញកាត់ដេររបស់វៀតណាមត្រូវ បានចាត់ទុកជា
ផ្នែកមួយទទួលបានផលប្រយោជន៍ច្រើនជាងគេពីកិច្ចព្រមព្រៀង ពាណិជ្ជកម្មសេរី
នេះ។ ប៉ុន្តែ ដើម្បីឆ្លើយតបនឹងសំណូមពររបស់ TPP ក្រុមហ៊ុន នានារបស់វៀតណាម
គប្បីខំប្រឹងប្រែងអស់ពីកំលាំងកាយចិត្តថែមទៀត។ លោក Ngo Duc Hoa ប្រធានក្រុម
ប្រឹក្សារអភិបាលក្រុមហ៊ុនភាគហ៊ុនកាត់ដេរ Thang Loi បានឲ្យដឹងថា៖

        «នាបេច្ចុប្បន្ន ការលំបាកបំផុតរបស់អង្គភាពអាជីវកម្មវៀតណាមគឺរូបធាតុ
ដើមរបស់ទំនិញតម្បាញ់កាត់ដេរ ក្នុងពេល ប្រទេសយើងខ្ញុំមិនទាន់ឆ្លើយតបនឹង
តម្រូវការនេះនៅឡើយ។ ក្រៅពីនោះ ក្រុមហ៊ុនភាគច្រើននៅតែនាំចូលវត្ថុធាតិ
ដើមពីអាមេរិកនិងជប៉ុនដោយមានតំលៃខ្ពស់។”

        ក្នុរយៈពេលកន្លងទៅ ក្រុមហ៊ុនរបស់វៀតណាមនិយាយរួមនិងក្រុមហ៊ុន
តម្បាញកាត់ដេរនិយាយដោយឡែកបានត្រៀមរៀបចំសំរាប់ការធ្វើសមាហរណកម្ម
ជាជំហានៗ។ សម្ព័ន្ធក្រុមហ៊ុនតម្បាញ់កាត់ដេរវៀតណាមបានម្ចាស់ការសហការ
ជាមួយក្រសួងស្ថាប័ននានារួមជាមួយអង្គភាពអាជីវកម្មក្នុងតំបន់ដើម្បីបង្កើតឡើង
តំបន់ផលិតវត្ថុធាតុដើម ជំរុញការរចនាម៉ូត ផលិតនិងលក់ទំនិញ ផ្ទាល់សំរាប់
អតិថិជន។ វៀតណាមមានសក្តានុភាពខាងការស្ទាត់ជំនាញនិងបទ ពិសោធន៍
ដោយហេតុនេះ សមាហរណកម្ម TPP នឹងនាំមកនូវផលប្រយោជន៍ ជាច្រើន
សំរាប់ផ្នែកនេះ។

        នាសព្វថ្ងៃ វៀតណាមក៏ជាប្រទេសមួយក្នុងប្រទេសនាំចេញកសិផលធំបំផុត
 ចំនួន ១៥​ ទៅទីផ្សារអាមេរិកដោយមានមុខទំនិញដូចជា៖ កាហ្វេ គ្រាប់ស្វ័យចន្ទី
 ម្រេចអង្ករនិងតែ។ ការចូលរួម TPP ទាមទាឲ្យវៀតណាមត្រូវបើកចេញផ្នែកផលិត
​អំពៅស្ករនិងលុបចោលរបៀងនាំចូល ដោយហេតុនេះ ផ្នែកអំពៅស្កររបស់ វៀតណាម
នឹងជួបការលំបាកច្រើន។ ក្រៅពីនោះ ផ្នែកផលិតទឹកដោះគោ វៀតណាមនឹងត្រូវ
ប្រកួតប្រជែងខ្លាំងក្លាថែមទៀត ដោយសារ ប្រទេសចូលរួម TPP ដូចជា អូស្ត្រលីនិងនូរវែលហ្សេឡង់សុទ្ធតែជាបណ្ដាប្រទេសដែលមានផ្នែក ផលិតទឹកដោះគោ
អភិវឌ្ឍន៍។

        ឆ្លៀតយកឱកាស កាត់បន្ថយគ្រោះអាសន្នក្នុងពេលវៀតណាមចូលរួម TPP
នឹងជួយក្រុមហ៊ុនក្នុងប្រទេសអភិវឌ្ឍន៍ ក្តាប់ជាប់និន្នាការសមាហរណកម្មអន្តរជាតិ៕