វៀតណាមបុកសរុប ១ ឆ្នាំនៃការអនុវត្តច្បាប់សំរាប់អង្គភាពអាជីវកម្មនិងច្បាប់វិនិយោគ (VNA)

(VOVworld) – សហគ្រាសចំនួន ១០៦​ ពាន់ត្រូវបានបង្កើតថ្មីនិងលក្ខ័ណ្ឌ
ធ្វើអាជីវកម្មចំនួន ៣៥០០ អស់សុពលភាពគឺជាលទ្ធផលលេចធ្លោក្រោយ
រយៈ ពេល ១ ឆ្នាំអនុវត្តច្បាប់សំរាប់អង្គភាពអាជីវកម្មនិងច្បាប់វិនិយោគ
(វិសោធនកម្ម) នៅវៀតណាម។ យ៉ាងណាមិញជាមួយនឹងលទ្ធផលទទួល
បាននាគ្រាដំបូង រដ្ឋាភិបាលវៀតណាមរួមជាមួយបណ្ដាក្រសួងស្ថាប័ន
កំពុងបន្តត្រួតពិនិត្យនិងធ្វើវិសោធនកម្មដើម្បីច្បាប់ ទាំងនេះទទួល
បានប្រសិទ្ធភាពជាក់ស្តែង។

គិតតាំងពីពេលច្បាប់សំរាប់អង្គភាពអាជីវកម្មនិងច្បាប់វិនិយោគឆ្នាំ
២០១៤ ចូលជាធរមានចាប់ពីថ្ងៃទី ១ កក្កដា ឆ្នាំ ២០១៥ មក ក្រៅពី
ចំនួន សហគ្រាសត្រូវបានកើនឡើងយ៉ាងខ្លាំងនោះគឺទុនចុះបញ្ជីថ្មីក៏
មានការកើនឡើង ផងដែរ។ ពេលវេលាផ្តល់លិខិតបង្កើតសហគ្រាស
និងលិខិតផ្លាស់ប្តូរខ្លឹមសារចុះបញ្ជីរបស់សហគ្រាសត្រូវបានកាត់
បន្ថយច្រើនបើប្រៀបនឹងរយៈពេលមុន។ លោក Do Nhat Hoang
ប្រធាននាយកដ្ឋានវិនិយោគបរទេសក្រសួងផែនការនិងវិនិយោគ
បានចាត់ទុកថា៖

        «រដ្ឋ រដ្ឋាភិបាលនិងក្រសួងស្ថាប័ននានាបានកែលំអរបរិយាកាស
វិនិយោគ​ធ្វើ អាជីវកម្មយ៉ាងសកម្មធ្វើវិសោធនកម្មច្បាប់និងគោល
នយោបាយសម្រួលដល់ សកម្មភាពអាជីវកម្ម។ ទន្ទឹមនឹងនោះ ប្រឹង
ប្រែងអនុវត្តបណ្ដាច្បាប់គោលនយោបាយឲ្យកាន់តែមានភាពងាយ
ស្រួលថែមទៀតសំរាប់វិនិយោគិន។»

        ទោះបីជាទទួលបានលទ្ធផលវេជ្ជកម្មក្តី ប៉ុន្តែ ការអនុវត្តច្បាប់
សំរាប់អង្គភាព អាជីវកម្ម​និងច្បាប់វិនិយោគ (វិសោធនកម្ម) នៅ
មានបញ្ញត្តិមួយចំនួនមិនទាន់មាន ភាពស៊ីសង្កាត់។ លោក  Vu
Tien Loc ប្រធានខុទ្ទកាល័យពាណិជ្ជកម្មនិង ឧស្សាហកម្មវៀតណាម
(VCCI) បានឲ្យដឹងថា៖

        «ក្នុងដំណើរការត្រួតពិនិត្យនិងយកមតិរបស់មជ្ឈដ្ឋានអាជីវករ
យើងខ្ញុំរក ឃើញនូវចំណុចមិនសមស្របមួយចំនួនក្នុងច្បាប់សំរាប់
អង្គភាពអាជីវកម្មនិងច្បាប់វិនិយោគ ជាពិសេសគឺបញ្ជីរាយនាមមុខ
របបរមានលក្ខ័ណធ្វើអាជីវកម្ម។ ជា ការពិតជាក់ស្តែង មុខរបបរមួយ
ចំនួនមិនចាំបាច់មានលក្ខ័ណធ្វើអាជីវកម្មតាម ការកំណត់របស់រដ្ឋ
ធម្មនុញ្ញនិងច្បាប់ទេ។ ដោយហេតុនេះ យើងខ្ញុំកំពុងត្រួត ពិនិត្យឡើង
វិញដើម្បីអាចផ្តល់មតិជាមួយរដ្ឋាភិបាលហើយរដ្ឋសភានឹងចេញផ្សាយ
ច្បាប់ធ្វើវិសោធនកម្មមួយទាក់ទិនដល់អាជីវកម្ម ក្នុងនោះ មានច្បាប់
វិនិយោគនិងច្បាប់អង្គភាពអាជីវកម្មដើម្បីធានាចរិតលក្ខណៈមុនក៏
ដូចជាក្រោយនៃប្រព័ន្ធច្បាប់ធានាបរិយាកាសធ្វើអាជីវកម្មល្អបំផុត
ព្រមទាំងធានាសិទ្ធិធ្វើអាជីវកម្មដោយសេរីរបស់ប្រជាពលរដ្ឋនិងសហ
គ្រាសទៀតផង។»

        ដើម្បីលើកកំពស់ប្រសិទ្ធភាពជាក់ស្តែងនៃច្បាប់សំរាប់អង្គភាព
អាជីវកម្មនិង ច្បាប់វិនិយោគនាពេលខាងមុខ រដ្ឋមន្ត្រីក្រសួងផែន
ការនិងវិនិយោគវៀតណាម បានបញ្ជាណែនាំបណ្ដាអង្គភាពពាក់ព័ន្ធ
ប្រមូលផ្តុំទៅលើការកែលំអរក្របខ័ណ្ឌ គតិយុត្ត។ ក្នុងនោះ ផ្តោតសំខាន់
ទៅលើការបង្កើតលក្ខណៈងាយស្រួលសំរាប់ អង្គភាពអាជីវកម្មតាម
ស្មារតីនៃសេចក្តីសម្រេចចិត្តរបស់រដ្ឋាភិបាលវៀតណាមស្តីពីការកែ
លំអរបរិយាកាសអាជីវកម្មនិងលើកកំពស់​សមត្ថភាពប្រកួតប្រជែង
របស់ប្រទេសជាតិ៕