(VOV)_Dong Ha ជាឃុំព្រៃភ្នំមួយនៅស្រុក Quang Ba ខេត្ត Ha Giang ( ភាគ
ខាងជើងវៀតណាម) ពីឃុំក្រីក្រមួយ មានការលំបាកអំពីការអភិវឌ្ឍន៍សេដ្ឋកិច្ច
សង្គម គមនាគន៍ក្តី ប៉ុន្តែក្រោយរយៈពេល៤ឆ្នាំកសាងជនបទថ្មីមក នាបច្ចុប្បន្ន
Dong Ha បានសម្រេចគ្រប់បទដ្ឋាន ហើយក្លាយទៅជាឃុំជនបទថ្មីដើមដំបូង
នៅខេត្ត Ha Giang ទៀតផង ។
 |
| DONG HA – ឃុំជនបទថ្មីដើមដំបូងរបស់ខេត្ត HA GIANG |
ក្នុងប៉ុន្មានថ្ងៃនេះ ប្រជាជននៅឃុំ Dong Ha បានចាប់ផ្តើមប្រមូលស្រូវ។តាមផ្លូវ
ចាកប៉េតុងពីភូមិទៅដល់វាលស្រែ រថយន្ត រទះសេះកំពុងប្រញាប់ប្រញាល់ដឹកស្រូវ
ទៅផ្ទះ។ ឆ្នាំនេះ បងប្អូនប្រជាកសិករទទួលផលបានច្រើន បានជាអ្នកណាក៏
សប្បាយរីករាយដែរ។ លោក Duong Duc Thang ភូមិ Na Sai អោយដឹងថា៖ ក្នុង
ប៉ុន្មានឆ្នាំថ្មីៗនេះ ដោយបានផ្ទេរប្តូរពូជដំណាំ រដ្ឋវិនិយោគអំពីជី ពូជដំណាំ និង
ផ្តល់ទឹកគ្រប់គ្រាន់ បានជា ឆ្នាំណាក៏ទទួលផលបានច្រើនដូច្នេះ។
“ ចាប់ពីថ្ងៃសម្រេចការកសាងជនបទថ្មីមក ជីវភាពរស់នៅរបស់ប្រជាជន
ត្រូវបានលើកស្ទួយច្រើន។ បើប្រៀបនឹងមុននេះ ផ្លូវទៅវិញទៅមកងាយស្រួលជាង
រថយន្តអាចទៅដល់វាលស្រែ ប្រជាជនមានអគារវប្បធម៌ដើម្បីជួបជុំគ្នា។ សេដ្ឋកិច្ច
គ្រួសារត្រូវបានលើកស្ទួយជាជំហានៗ។ មុនពេលកសាងជនបទថ្មី ភូមិទាំងមូល
មានគ្រួសារក្រីក្រចំនួន៣០គ្រួ ហើយដល់ឥឡូវនេះ សល់តែ៦គ្រួតែប៉ុណ្ណោះ។”
ឃុំ Dong Ha មានភូមិចំនួន៤ និងគ្រួសារចំនួនជាង៦២០គ្រួ។ ដោយចាប់ផ្តើម
ឡើងពីឃុំក្រីក្រ១ ពោពេញទៅដោយការលំបាកទាំងខាងសេដ្ឋកិច្ច សង្គម និងគមនា
គមន៍នេះ ក្រោយរយៈពេល៤ឆ្នាំកសាងជនបទថ្មីមក Dong Ha បានផ្លាស់ប្តូរថ្មីជា
ច្រើន ជីវភាពរស់នៅខាងសម្ភារះ និងស្មារតីត្រូវបានលើកស្ទួយពីមួយថ្ងៃទៅមួយ
ថ្ងៃ។ លោក Nguyen Huu Nghiep ប្រធានគណៈកម្មាធិការប្រជាជនឃុំ Dong Ha
បានអោយដឹងថា៖ នាថ្ងៃទី៤ កក្កដា កន្លងទៅ ឃុំបានទទួលស្គាល់ជាឃុំជនបទថ្មី។
លោកបានអោយដឹងថែមទៀតថា៖
“ ចាប់ពីពេលកសាងជនបទថ្មីមក ឃុំបង្កើតបានគណៈកម្មាធិការបញ្ជាណែ
នាំពីឃុំ ទៅដល់ភូមិ ផ្សព្វផ្សាយរាល់ខ្លឹមសារ កម្មវិធីទៅដល់ប្រជាជនគ្រប់រូប។ ពី
នោះ ទទួលបានការគាំទ្រពីប្រជាជនក្នុងការបរិច្ចាកដីធ្វើគមនាគមន៍ ប្រព័ន្ធធារា
សាស្ត្រ។”
 |
| DONG HA – ឃុំជនបទថ្មីដើមដំបូងរបស់ខេត្ត HA GIANG |
ក្រោយរយៈពេល៤ឆ្នាំកសាងជនបទថ្មីមក ក្រៅពីប្រភពថវិការដ្ឋវិនិយោគចំនួន ៨ពាន់លានដុង ប្រជាជន Dong Ha បានបរិច្ចាកដីចំនួន៩៥០០ម៉ែត្រក្រឡា ថ្ងៃពល
កម្មចំនួនជាង៩ពាន់ថ្ងៃ។ ទន្ទឹមនឹងនោះ ឃុំ Dong Ha ក៏បានប្រមូលផ្តុំទឹកប្រាក់ចំនួន ២៧០លានដុងពីបណ្ដាអង្គការ អង្គភាពអាជីវកម្ម និងបុគ្គលដើម្បីកសាងជន
បទថ្មីផងដែរ។
ទទួលបានជោគជ័យនេះ ត្រូវនិយាយដល់ការខំប្រឹងប្រែងរបស់កម្មាភិបាល
និងប្រជាជនឃុំ Dong Ha។ ពិសេស ឃុំ បានធ្វើ ល្អការងារឃោសនា ចលនា ដើម្បី
ប្រជាជនយល់ដឹងច្បាស់អំពីការកសាងជនបទថ្មីនេះ។ លោក Nguyen Huu Nghiep
ចែករំលែកថា៖
“ ត្រូវអះអាងថា៖ ការស្រុះចិត្តគំនិត ការគាំទ្រពីប្រជាជន ក៏ដូចជាការចូលរួម
របស់កម្មាភិបាលឃុំ ភូមិ បានជួយអោយ Dong Ha សម្រេចកម្មវិធីគោលដៅជាតិអំ
ពីការកសាងជនបទថ្មី។ បន្ទាប់ពីពិធីទទួលស្គាល់សម្រេចការកសាងជនបទថ្មីនេះ
យើងខ្ញុំបានកសាងកម្មវិធីធ្វើសកម្មភាពដើម្បីរក្សាបទដ្ឋានទាំង១៩នេះ ក៏ដូចជាអភិ
វឌ្ឍន៍សេដ្ឋកិច្ច សង្គម បង្កើនចំណូលសំរាប់ប្រជាជន។”
ដោយមានឧត្តមភាពខាងភូមិសាស្ត្រ ស្ថិតនៅក្នុងតំបន់សួនឧទ្យានភូគព្ភសា
ស្ត្រសកល-តំបន់ខ្ពង់រាបថ្មី Dong Van បានជា ក្នុងយុទ្ធសាស្ត្រអភិវឌ្ឍន៍សេដ្ឋកិច្ច
សង្គម នាពេលខាងមុខនេះ ឃុំ Dong Ha នឹងឆ្ពោះទៅការអភិវឌ្ឍន៍ទេសចរណ៍។
រួមជាមួយការអភិវឌ្ឍន៍កសិកម្ម ចិញ្ចឹមសត្វ ផ្នែកទេសចរណ៍នឹងនាំមកនូវផលចំ
ណេញខ្ពស់ ដើម្បីប្រជាជនអភិវឌ្ឍន៍សេដ្ឋកិច្ចលើកស្ទួយជីវភាពរស់នៅ កសាង
ជនបទថ្មីប្រកបដោយនិរន្តរភាព៕