(VOV)_មកដល់ឃុំ Mong Son ស្រុក Yen Binh ខេត្ត Yen Bai​ (ភាគខាងជើង
វៀតណាម) ក្នុងប៉ុន្មានថ្ងៃនេះ អាចឃើញមុខមាត់ជនបទនៅទីនេះបានផ្លាស់ប្តូរថ្មី
យ៉ាងច្បាស់លាស់ ។ ប្រព័ន្ធផ្លូវ អគ្គីសនី សាលារៀន និង​គិលាន​ដ្ឋាន​ត្រូវបាននិង
កំពុងវិនិយោគជួសជុលកែលំអរ។ ក្រោយរយៈពេល៥ឆ្នាំ ​អនុវត្តកម្មវិធីកសាងជន
បទថ្មីមក ​Mong Son នឹងសម្រេចការកសាងជនបទថ្មី ​នាចុងឆ្នាំ ២០១៥នេះ។ 

MONG SON សម្រេចការកសាងជនបទថ្មីយ៉ាងឆាប់រហ័ស

          Mong Sonជាឃុំប្រកបមុខរបរកសិកម្ម មានផ្ទៃដី​ជាង៤៥០០ហិកតា​ ដែលក្នុង
នោះផ្ទៃដីត្រូវលិចទឹកគឺ២៨០០ហិកតា។ ប្រការនេះជះឥទ្ធិពលខ្លាំងចំពោះការអនុវត្ត
បទដ្ឋាននានា ក្នុងការកសាងាជនបទថ្មីជាពិសេសគឺការរៀបចំ​គំរោងផែនការ អភិ
វឌ្ឍន៍ប្រព័ន្ធគមនាគមន៍។ ប៉ុន្តែក្រោយរយៈពេល៥ឆ្នាំ ដោយមានការខំប្រឹងប្រែង
របស់ប្រព័ន្ធនយោបាយទាំងមូល រួមជាមួយការស្រុះចិត្តគំនិត រួមកម្លាំងកាយចិត្ត
របស់ប្រជាជន បណ្ដាខ្សែផ្លូវតភ្ជាប់ឃុំ ភូមិ ដូចជា៖ ផ្លូវភូមិ Can ផ្លូវ Giang Son ផ្លូវ
 Trung Son សុទ្ធតែបានក្រាលកៅស៊ូ ប៉េតុង​។​ បងស្រី Nguyen Thi Thuy នៅភូមិ 
Trung Son ជាគ្រួសារមួយក្នុងចំណោម​គ្រួសារ​ ដែលបានបរិច្ចាកដីកសាងផ្លូវ បាន
អោយដឹងថា៖ 

          “ ខ្ញុំឃើញថា៖កម្មវិធីកសាងជនបទថ្មីនេះសមស្រប បានជាគ្រួសារនាងខ្ញុំ
បាន​ស្ម័គ្រចិត្តបរិច្ចាកដី។ ធ្វើបានផ្លូវនេះ ប្រជាជនធ្វើដំណើរទៅវិញទៅមកងាយ
ស្រួលជាង។”

MONG SON សម្រេចការកសាងជនបទថ្មីយ៉ាងឆាប់រហ័ស

          ជួយជ្រោមជ្រែងចលនាអភិវឌ្ឍន៍សេដ្ឋកិច្ចដោយឃុំបំផុសឡើងនេះ ប្រជា​ជន
Mong Son បានសកម្មផ្លាស់ប្តូររចនាសម្ព័ន្ធដាំដុះ នឹងចិញ្ចឹមសត្វ។​ នាបច្ចុប្បន្ន ​ឃុំ
បានមានសហគ្រាសកែច្នៃឈើព្រៃដាំដុះ​ចំនួន៣ ​សហគ្រាសកែច្នៃម្សៅ​ដំឡូងមី
ចំនួន១ ​សហគ្រាសចំនួន២ធ្វើសេវាកម្មនាវាទូក រួមជាមួយរូបសណ្ឋានដាំដុះ​ដំណាំ
 ​ចិញ្ចឹមសត្វប្រកបដោយប្រសិទ្ធិភាព។ គ្រួសារលោក Nguyen Van Manh នៅភូមិ
 Lang Can ជាគំរូមួយ។​ លោក Nguyen Van Manh បានអោយដឹងថា៖

          “ មុននេះ ប្រកបមុខរបរនេសាទត្រីបានជាជីវភាពរស់នៅជួបការលំបាកជា​
ច្រើន។ ចាប់ពីពេលដាំដុះដំណាំ ជីវភាពរស់នៅរបស់គ្រួសារបានធូធារគ្រាន់បើរ
ជាងមុនជាច្រើនហើយ។”

          ក្រោយរយៈពេល៥ឆ្នាំអនុវត្តកម្មវិធីកសាងជនបទថ្មីមក ឃុំ Mong Son បាន
​ប្រមូលផ្តុំទឹកប្រាក់ចំនួន ១៧៦ពាន់លានដុងសំរាប់កសាងជនបទថ្មី ក្នុងនោះ ​ថវិ
កាពីមជ្ឈឹមនិងតំបន់គឺ១៥% ហើយជាង៨៥%ពីបណ្ដាអង្គភាពអាជីវកម្ម ​និង​ប្រជា
ជន។ ពីប្រភពថវិកានេះ ប្រជាជនឃុំបានកសាងផ្លូវថ្មីចំនួន២០គីឡូម៉ែត្រ​ អាគារ​
វប្បធម៌ចំនួន៨ និងប្រព័ន្ធធារាសាស្ត្រយ៉ាងល្អប្រសើរ។ នាបច្ចុប្បន្ន Mong Son បាន
សម្រេច​បទដ្ឋានចំនួន១៧/១៩ អំពីការកសាងជនបទថ្មី។ លោក Nguyen Van Dong
 ប្រធានគណៈកម្មាធិការប្រជាជនឃុំ Mong Son បានអោយដឹងថា៖

          “ យើងខ្ញុំនឹងបន្តប្រមូលផ្តុំបញ្ជាណែនាំគ្រប់ស្ថាប័ន តំបន់ និងសាលារៀន​
នានា ខំប្រឹងប្រែងសម្រេចបទដ្ឋានជាបន្ទាប់ស្ដីពី​វប្បធម៌និង​អប់រំ។ ​ហើយ​យើង
ខ្ញុំ​នឹង​កសាងបន្ថែមអាគារវប្បធម៌ថ្មីចំនួន២ខ្នងទៀតក្នុងឆ្នាំនេះ។”

          ដោយមានការចូលរួមរបស់សហគមន៍ទាំងមូល និងការប្តេជ្ញាចិត្តរបស់រដ្ឋ
អំ​ណាចតំបន់ តាមគំរោង ដល់ចុងឆ្នាំ២០១៥នេះ Mong Son នឹងសម្រេចជាស្ថាព
រ​បទដ្ឋាន​ទាំង១៩ អំពីការកសាងជនបទថ្មី និងជាឃុំ​ដំបូងបង្អស់របស់ស្រុក Yen
 Binh ខេត្ត Yen Bai ឈាន​មុខគេក្នុងការកសាងជនបទថ្មី៕