THUY HUONG - រូបសណ្ឋានសហករណ៍ថ្មី
TO TUAN -
(VOV 5) /
(VOV)_កម្មវិធីកសាងជនបទថ្មីកំពុងបានលាតត្រដាងអនុវត្តលេចឡើងមុខមាត់
ថ្មីជាជំហានដំបូងនៅតំបន់ជនបទវៀតណាម។ សហករណ៍ផ្កា ដើមឈើលំអរជាអាទ៍
របស់ឃុំ THUY HUONG ស្រុក Chuong My ជាយទីក្រុងហាណូយ ជារូបសណ្ឋានថ្មី១
ដែលទទួលបានជោគជ័យជាជំហានដំបូងក្នុងការ រួមចំណែកសកម្មចូលក្នុងកម្មវិធីក
សាង ជនបទថ្មីនៅក្នុងតំបន់។
 |
| សហករណ៍ផ្កា ដើមឈើលំអរជាអាទ៍ របស់ឃុំ THUY HUONG (dangcongsan.vn ) |
បទដ្ឋានមួយក្នុងបទដ្ឋានចំនួន១៩នៃកម្មវិធីកសាងជនបតថ្មី គឺត្រូវកសាងរូប
សណ្ឋាន ថ្មីសហករណ៍ធ្វើផលិតកម្ម អាជីវកម្មប្រកបដោយមានប្រសិទ្ធិភាព។ ឃុំ
THUY HUONG ស្រុក Chuong My ជាយទីក្រុងហាណូយ ជារូបសណ្ឋាន១ក្នុងចំណោមរូបសណ្ឋានចំនួន១១ ដែលត្រូវបានគណះកម្មាធិការបញ្ជាណែនាំកសាងជន
បទថ្មីមជ្ឈឹមជ្រើសរើសជាកន្លែងធ្វើពិសោធន៦អំពីការកសាងជនបទថ្មីលើទូទាំង
ប្រទេស។ ក្រោយរយះពេល៣ឆ្នាំបានអនុវត្ត ឃុំ THUY HUONG ទទួលបានបទដ្ឋាន
ទាំង១៩អំពីការកសាងជនបទថ្មី។ ជាពិសេស រូបសណ្ឋានសហករណ៍ផ្កា និងដើម
ឈើលំអរ THUY HUONG ត្រូវបានចាត់ទុកជារូបសណ្ឋានទទួលបានជោគជ័យក្នុង
ការផ្លាស់ប្តូររូបសណ្ឋានសហករណ៍ថ្មី។ ដោយបានបង្កើតពីឆ្នាំ២០១០មកសហ
ករណ៍ផ្កា ដើមឈើលំអរឃុំ THUY HUONG បានកសាងតំបន់ជំនាញដាំផ្កា មាន
គុណភាពខ្ពស់។ តាមរយះរូបសណ្ឋានសហការ រវាង៖ រដ្ឋ អ្នកវិទ្យាសាស្ត្រ អាជីវករ
និងកសិករ។ក្នុងរដូវផ្កាឆ្នាំ២០១២កន្លងទៅ ដោយសារការវិនិយោគកសាងប្រព័ន្ធ
ផ្ទះសំណាញ់ ប្រព័ន្ធធារាសាស្ត្រ ពូជផ្កា សហករណ៍ THUY HUONG បានផ្គត់ផ្គង់
ដើមផ្ការាប់ពាន់ដើម មានប្រាក់ចំណូលជាង៣ពាន់លានដុង។ លោក Nguyen
Huu Thang ប្រធានសហករណ៍បានអោយដឹងថា៖
“ សហករណ៍បានគៀងគរទុនរបស់ប្រជាជនដើម្បីផលិតកម្ម។ គោលដៅរបស់សហករណ៍គឺផលិតកម្ម អាជីវកម្មគឺត្រូវមានចំណេញ និងត្រូវធ្វើយ៉ាងម៉េចដើម្បីផលិតកម្មមានផលចំណេញ ពេលនោះទើបធានាបានជីវភាពរស់នៅសំរាប់សមាជិកសហករណ៍។”
ចំណុចជាសារវ័ន្តនៃរូបសណ្ឋានសហករណ៍ថ្មីនៅ THUY HUONG នោះ
គឺបណ្ដាសមាជិកសហករណ៍រួមទុនដោយសា្មរតីស្ម័គ្រចិត្តនិងកសាងវាលស្រែធំ។ បើប្រៀបនឹងមុននេះ ប្រជាកសិករជាអ្នកម្ចាស់មានភាគហ៊ុននិងបានទទួលផល
ចំណេញចំនួន៤០% ពីការធ្វើអាជីវកម្ម។ នេះគឺជាកម្លាំងចលករ ដើម្បីប្រជាកសិ
ករផ្លាស់ប្តូរការគិតគូរចូលក្នុងការរៀនសូត្រអំពីរបៀបផលិតកម្មថ្មី ក្ដាប់ជាប់ព័ត៍
មានទីផ្សារ…។ល។ បង Nguyen Duy Nhat សមាជិកសហករណ៍រនាក់បានអោយ
ដឹងថា៖
“ នៅក្នុងសហករណ៍នេះ ខ្ញុំទទួលបានចំណេះដឹងវិទ្យាសាស្ត្រ បច្ចេកវិទ្យាថ្មីជាច្រើន ដូច្នេះហើយការធ្វើផលិតកម្មស្ថិរភាពជាង។ សមាជិកសហករណ៍មានការទទួលខុសត្រូវយ៉ាងខ្ពស់ក្នុងការងារធ្វើ ពីព្រោះគេកំពុងធ្វើសំរាប់ខ្លួនឯង។”
សកម្មភាពរបស់សហករណ៍ បានរួមចំណែកយ់ាងសកម្មចូលក្នុងការផ្លាស់ប្តូរថ្មីរចនាសម្ព័ន្ធកសិកម្ម ក្នុងការកសាងជនបទថ្មីនៅឃុំ THUY PHUONG និយាយ
ដោយឡែក និងស្រុក CHUONG MY និយាយរួម។ វាយតំលៃអំពីប្រសិទ្ធិភាពស
កម្មភាពនៃសហករណ៍ផ្កា ដើមឈើលំអរ THUY HUONG លោក Nguyen Van
Doanh អនុប្រធានគណះកម្មាធិការប្រជាជនស្រុក CHUONG MY បានអោយ
ដឹងថា៖
“ តាមរយះការធ្វើពិសោធន៍នៅឃុំ THUY HUONG យើងខ្ញុំមានការផ្តួចផ្តើមគំនិតនឹងបើកទូលាយអនុវត្តក្នុងស្រុកទាំងមូល ថែមទាំងដើម្បីដល់ឆ្នាំ
២០២០ ឃុំចំនួន១០០%ក្នុងស្រុក សម្រេចគោលដៅអំពីការកសាងជនបទថ្មី។”
ដំណើការកសាងជនបទថ្មីនៅឃុំ THUY HUONG បានសរអោយឃើញថា៖ ការកសាងរូបសណ្ឋានសហករណ៍ថ្មីគឺចាំបាច់ណាស់ សំដៅនាំជនបទអភិវឌ្ឍន៍
តាមទិសចីរភាព។ ការបង្កើតបណ្ដារូបសណ្ឋានសហករណ៍ថ្មីនេះ នឹងរួមចំណែក
ជួយតំបន់ផ្សេងៗសម្រេចរាល់គោលដៅអំពីការផ្លាស់ប្តូរថ្មីផលិតកម្ម កសិកម្ម
ទំនិញក្នុងបទដ្ឋានជាតិអំពីការកសាងជនបទថ្មី៕
TO TUAN
-VOV 5