(VOV)_Thuan Loi ជាឃុំ១នៅតំបន់ឆ្ងាយដាច់ស្រយាល នៅភាគខាង​ជើង​ 
ស្រុក Dong Phu ខេត្ត Binh Phuoc ដោយមាន​ប្រជាជនជាង៥០% ជាជនជាតិភាគ
តិច។  ក្នុងសង្គ្រាម នេះគឺជាតំបន់ដីដែលត្រូវ​បំផ្លាញ់យ់ាងធ្ងន់ធ្ងរ។ នាសព្វថ្ងៃ 
ក្នុងចលនា កសាងជនបទថ្មី ជនរួមជាតិបណ្ដាជនជាតិភាគ តិចនៅទីនេះបាន
សាមគ្គី​ រួមគ្នាកសាងស្រុកកំណើត​កាន់តែ​សម្បូរធូធារ ពី១ថ្ងៃទៅ១ថ្ងៃ។ ​

ការផ្លាស់ប្តូរនៅលើស្រុកកំណើតជនរួមជាតិ​នៃបណ្ដាជនជាតិនៅខេត្ត Binh Phuoc(baodientu.chinhphu.vn)

          វិលត្រឡប់មកឃុំ Thuan Loi វិញ ក្នុងថ្ងៃ១ នាចុងខែមេសា យើងខ្ញុំសង្កេត
ឃើញ​ច្បាស់​នូវការអភិវឌ្ឍន៍ពី១ថ្ងៃទៅ១ថ្ងៃនៃតំបន់ដីថ្មីនេះ។ បណ្ដាព្រៃ​កៅ​ស៊ូ​ដល់រដូវប្រមូលផល បណ្ដាផ្លូវ​ចាក់បេតុង ​សាលារៀនថ្មី​ បណ្ដាផ្ទះក្បឿងក្រហម
ដុះឡើងជាបន្ត​បន្ទាប់ បានផ្លាស់ប្តូរមុខ​មាត់​របស់តំប​ន់ក្រីក្រមុននេះជាច្រើន។ 
នាំយើងខ្ញុំចុះទៅភូមិ ​Thuan Tan ស្ថិតចំងាយពី​ទីស្នាកការ​​គណះកម្មាធិការ​ប្រជា ជនឃុំជាង១០គីឡូម៉ែត្រ នៅ​លើផ្លូវដីក្រហម ដែលទើប​នឹងបានបើកទូលាយ 
លោក Vo Trong Khang ប្រធានគណះកម្មាធិការប្រជាជន​ឃុំ បានអោយដឹងថា÷ ក្នុងរយះពេលប៉ុន្មាន ឆ្នាំកន្លងទៅ កៅស៊ូមានតំលៃខ្ពស់ និងប្រជាជនបានម្ចាស់
ការផ្ទេរប្តូររចនា​សម្ព័ន្ធដំណាំដាំដុះ សត្វចិញ្ជឹម បានជាជីវភាពរស់​នៅរបស់​ជនរួមជាតិជាជនជាតិ÷ Stieng, Tay, Nung និងខ្មែរ​គឺសម្បូរ​ធូធារ។ ​លោក Vo
Trong Khang បានថ្លែងថា÷

          “ រ​ហូតមកដល់ពេលនេះ យើងត្រូវនិយាយថា÷ ជីវភាពរស់នៅរបស់​ជនរួម​ជាតិជាបណ្ដាជនជាតិត្រូវបានលើកស្ទួយជាច្រើន។ តាំងពីផ្ទះស្លឹកដល់នាបច្ចុប្បន្ន  ប្រជាជនបានមានផ្ទះដ៏ស្អាត មធ្យោបាយប្រើប្រាស់មានតំលៃជាច្រើន។ រីឯ ជន
រួម ជាតិជាបណ្ដាជនជាតិភាគតិចបានម្ចាស់ការអនុវត្តវិទ្យាសាស្ត្រ បច្ចេកទេស ចូលក្នុងការអភិវឌ្ឍន៍​សេដ្ឋកិច្ច ផ្ទេរប្តូររចនាសម្ព័ន្ធដើមឈើ ​សត្វ​ចិញ្ជឹម​ បានជា 
ជីវភាពរស់​នៅ​របស់​ប្រជាជនត្រូវបានលើកស្ទួយយ៉ាងច្បាស់លាស់។”

          ឃុំ Thuan Loi ជាភូមិសាស្ត្រមានជនជាតិចំនួន១៥​រស់នៅ ជាមួយ​គ្រួសារ​
ចំនួន ជាង២ ៤០០០គ្រួ។ ​អាស្រ័យ ដោយ​ខំប្រឹងប្រែងធ្វើពលកម្មរបស់ប្រជាជន
នៅទីនេះ ​បណ្ដាវាល​ស្មៅដុះពោសពេញមុននេះ បានក្លាយទៅជាសួនចំការដើម
ឈើយ៉ាងខៀវស្រងាត់។ កម្មា​ភិបាលកសិកម្មស្រុក Dong Phuនិងសមាគមកសិករ​ឃុំ បានចលនាប្រជាជនអនុវត្ត​ការ​ចំរើនជឿនលឿនខាង​វិទ្យាសាស្ត្រ ​បច្ចេកទេស  ចូលក្នុងការដាំដុះ ចិញ្ជឹមសត្វ។ បណ្ដា​គ្រួសារក្នុងឃុំក៏បានជួយឧបត្ថម្ភគ្នាទៅវិញ ទៅមកអំពីពូជ ទុន និងបច្ចេកទេស​ផលិតកម្ម ដើម្បីរួមគ្នាអភិវឌ្ឍន៍ រួចផុតពីភាព
ក្រីក្រ។ អាស្រ័យហេតុនេះ ក្នុងឆ្នាំ២០១២​ក្នុងឃុំទាំងមូលបានមានគ្រួសារចំនួន
៥០ គ្រួបានរួចផុតពីភាពក្រីក្រ និងមានគ្រួសារ​ចំនួនជាង២០០គ្រួមានចំណូលពី
៣០០-៤០០ លានដុងក្នុង១ឆ្នាំ។ លោក Le Duy Tien ប្រធានសមាគម​កសិករឃុំ 
Thuan Loi បានអោយដឹងថា÷

          “ ក្នុងរយះពេលប៉ុន្មានឆ្នាំកន្លងទៅ សមាគមកសិករជានិច្ចកាលក្តាប់​ជាប់ ​បញ្ហាប្រជាកសិករ រួមផ្សុំជាមួយគ្រប់ស្ថាប័នទាក់ទិន ​បណ្ដាអ្នកវិទ្យ​សាស្ត្រ ​ដើម្បី ហ្វឹកហ្វើន ផ្ទេរប្តូរវិទ្យាសាស្ត្រ បច្ចេកវិទ្យា សំរាប់ប្រជាជនក្នុងឃុំ។ ​ពីនោះ បង ប្អូន
មានចំ ណេះដឹងអនុវត្តក្នុងផលិតកម្ម និង​អភិវឌ្ឍន៍សេដ្ឋកិច្ច​គ្រួសារ​។”

          តាំងពីពេល មានកម្មវិធីគោលដៅជាតិអំពីការកសាងជនបទថ្មីមក អ្នក​ឃុំ 
Thuan Loi បានជួយជ្រោមជ្រែងយ៉ាងសកម្ម បរិច្ចាកដីរាប់ពាន់​ម៉ែត្រ​ក្រឡា​ដើម្បី​
ធ្វើ​ផ្លូវគមនាគមជនបទ។ បងស្រី Nong Thi Ranh ជនជាតិ​Nung នៅភូមិ Thuan
 Tan ឃុំ Thuan Loi ស្រុក Dong Phu បានអោយដឹង​ថា​÷

“ គ្រួសារខ្ញុំបានបរិច្ចាកដីចំនួនជិត១០០០ម៉ែត្រក្រឡា ដើម្បីធ្វើផ្លូវ និង​បរិច្ចាក​ដីជាង៣៦០ម៉ែត្រក្រឡា ដើម្បីធ្វើផ្ទះកុសលទានសំរាប់គ្រួសារផ្សេងៗ។ គ្រួសារ ខ្ញុំក៏បានអោយគ្រួសារផ្សេងៗខ្ចីប្រាក់ចំនួនជាង ១៣៥លានដុង ​ដើម្បីរួមចំណែក
កាត់​បន្ថយភាពក្រីក្រនៅក្នុងតំបន់ផងដែរ។”

រហូតមកដល់ពេលនេះ រូបសណ្ឋានផលិតកម្មជាច្រើនដែល​នាំ​មក​ប្រសិទ្ធិ
ភាព សេដ្ឋកិច្ចខ្ពស់របស់អ្នកឃុំ Thuan Loi កំពុង​បាន​ស្រុក Dong Phu ពង្រីកទៅ​តំបន់ផ្សេងៗ ដូចជារូបសណ្ឋានចិញ្ជឹមសត្វ​ក្រពើ រូបសណ្ឋាន​ចិញ្ជឹមពស់ …។ល។ ការដែលអង្គភាពអាជីវកម្មជាង១០អង្គ​ភាព កែច្នៃជ័រកៅស៊ូ ​កែច្នៃ​គ្រាប់ស្វ័យច័ន្ទី​វិនិយោគអភិវឌ្ឍន៍ផលិតកម្មនៅឃុំ Thuan Loi បានបង្កើត​ការងារ​​ធ្វើស្ថិរភាពសំរាប់
ពលកររាប់​រយនាក់​ក្នុងតំបន់។ ជាមួយស្មារតីសាមគ្គី​ភាព ​និង​ការ​ខំប្រឹងប្រែង ធ្វើ ពលកម្ម របស់ជនរួមជាតិជាជនជាតិភាគតិចនៅទីនេះ ​បាន​បង្កើតកម្លាំងរស់ថ្មី នៅ លើតំបន់ដីបដិវត្តន៍នេះ រួមចំណែកកសាងស្រុក​កំណើត Binh Phuoc កាន់តែស្រស់​ស្អាត សម្បូរធូធារ ពី១ថ្ងៃទៅ១ថ្ងៃ៕ ​​