(VOV)_Tra Cu ជាស្រុក១នៅខេត្ត Tra Vinh (ភាគខាងត្បូងវៀតណាម) ដោយ
មានជនរួមជាតិខ្មែរជាង៦០%នៃចំនួនប្រជាជន ស្រុកមានជនរួមជាតិខ្មែរជាច្រើន
កុះករជាងគេនៅក្នុងទូទាំងប្រទេស។ មុននោះ ប្រជាជនរស់ប្រកបមុខរបរកសិកម្ម
និងធ្វើការស៊ីឈ្នួលគេដូច្នេះ អត្រាគ្រួសារក្រីក្រនៅខ្ពស់។ ប៉ុន្តែក្នុងប៉ុន្មានឆ្នាំជិតៗ
នេះ ដោយមានការជួយឧបត្ថម្ភពីមជ្ឈឹម ជំរុញខ្លាំងការអនុវត្តវត្តវិទ្យាសាស្ត្រ បច្ចេក
វិទ្យា…លៗ ដូច្នេះ ជីវភាពរស់នៅរបស់ប្រជាជននៅក្នុងតំបន់នេះបានមានការផ្លាស់
ប្តូរថ្មីជាច្រើន។
 |
| ជនរួមជាតិខ្មែរអភិវឌ្ឍន៍សេដ្ឋកិច្ចដោយសារផ្ទេរប្តូរការដាំដុះ |
គ្មានដីដាំដុះ ជិត២០ឆ្នាំកន្លងទៅ លោកស្រី Thach Thi Nam អាយុ៥៥ឆ្នាំនៅឃុំ
Ngoc Bien ស្រុក Tra Cu ខេត្ត Tra Vinh បានទៅធ្វើការស៊ីឈ្នួលគេតាំងពីខេត្ត Ca Mau
ខេត្ត Dong Thap ទៅដល់ទីក្រុងហូជីមិញ។ ប៉ុន្តែ នាបច្ចុប្បន្ន លោកស្រីមិនចាំបាច់
ទៅណាទេ ក៏លោកស្រីអាចមានចំណូលពី៧ម៉ឺន-៨ម៉ឺន/ថ្ងៃ ដោយការងារធ្វើនៅក្នុង
ស្រុកកំណើតរបស់ខ្លួន។ លោកស្រី Nam បានចែករំលែកថា៖
“ មុននេះខ្ញុំធ្វើការស៊ីឈ្នួលគេនៅទីក្រុងហូជីមិញ ប៉ុន្តែមិនអាចទ្រាំទ្របានឡើយ
ដោយសារការលើកដាក់ទំនិញគឺធ្ងន់ពេកចំពោះខ្ញុំ។ នាបច្ចុប្បន្ន ខ្ញុំទៅធ្វើការងារ
ស្រួលជាងក្នុងភូមិឃុំ ពេលយប់បានវិលត្រឡប់មកផ្ទះវិញ។ ប្រសិនបើនៅទីក្រុង
គឺ១ខែទើបបានមកផ្ទះមួយដង់ ហើយជួលកាលយូរជាងទៀត។”
តំបន់ដី Tra Cu នេះត្រូវបានចាត់ទុកជាតំបន់លំបាក ធ្វើស្រូវបានតែ១រដូវ និង
ទិន្នផលទាប។ តាំងពីពេលអនុវត្តតាមការផ្តួចផ្តើមគំនិត ផ្ទេរប្តូរស្រូវ-ដំណាំ និងបង្កើនអគ្គីសនីភាវូបនីយកម្ម តំបន់មានការផ្លាស់ប្តូរថ្មីយ៉ាងខ្លាំងក្លាណាស់។ ប្រសិនបើ មុននេះ គ្រួសារ១ចំនួនមានផ្ទៃដីវាលស្រែចំនួនរាប់ពាន់ម៉ែត្រក្រឡាក្តីនៅតែខ្វះព្រឹក ខ្វះ
ល្ងាច ។ ប៉ុន្តែនាបច្ចុប្បន្ន គេមានប្រាក់ចំណូលរាប់រយលានដុង/ឆ្នាំ។ លោកស្រី Thach
Thi Dung មានកូន១នាក់ដែលកំពុងរៀននៅមហាវិទ្យាល័យនៅទីក្រុងហូជីមិញ បាន
អោយដឹងថា៖
“ គ្រួសារខ្ញុំដាំសណ្ដែកដី១រដូវ សណ្ដែកខៀវ១រដូវ និងស្រូវ១រដុវ។ ការដាំស
ណ្ដែកមានផលចំណេញច្រើនបើប្រៀបនឹងការដាំស្រូវ។ មុនពេលដាំសណ្ដែក គ្រួ
សារខ្ញុំជួបការលំបាកជាច្រើន។ ចាប់ពីពេលដាំសណ្ដែកមក សេដ្ឋកិច្ចរបស់គ្រួសារ
មានការផ្លាស់ប្តូរថ្មីច្រើន។”
គ្រួសារបងស្រី Kim Thi Bich Phuong នៅឃុំ Tan Son ក៏រួចផុតពីភាពក្រីក្រ
ដោយសារការប្តូរពីដាំស្រូវទៅដាំដំណាំ។ ឥឡូវនេះគ្រួសារបងស្រីមានប្រាក់ចំណូលពី៣០ដល់៤០លានដុងក្នុង១ឆ្នាំ។ បងស្រី Kim Thi Bich Phuong បានអោយ
ដឹងថា៖
“ មុននេះ គ្រួសារខ្ញុំដាំដំណាំ១រដូវ ស្រូវ២រដូវ ហើយឥឡូវនេះដាំដំណាំទាំង
៣រដូវ។ ក្នុងនោះ ដាំត្រសក់១រដូវ ម្រះ១រដូវ និងម្ទេសមួយរដូវ។ ត្រសក់លក់បាន
១០លានដុង និងម្រះលក់បាន១០លានដុង ហើយម្ទេសកំពុងប្រមូលផល។”
នៅតំបន់ដែលទិន្នផលស្រូវទាប កសិករបានផ្ទេរប្តូររចនាសម្ព័ន្ធដាំដំណាំ។
រហូតមកដល់ពេលនេះ ផ្ទៃដីដាំស្រូវជិត៤ពាន់ហិកតាមានទិន្នផលទាបត្រូវបាន
ផ្ទេរប្តូរទៅរូបសណ្ឋានចិញ្ជឹមសត្វ ជលផល ដាំដំណាំ ដើមឈើហូបផ្លែ…ជាដើម។
ទន្ទឹមនឹងនោះ តំបន់ក៏បង្កើនការផ្ទេរប្តូរវិទ្យាសាស្ត្រ បច្ចេកទេសសំរាប់កសិករ។ ពី
ដើមឆ្នាំមក បានមានថ្នាក់ហ្វឹកហ្វើនចំនួន៦០បានរៀបចំឡើង ដោយមានមនុស្ស
ចំនួន១៥០០នាក់ចូលរួម។
ក្នុងរយៈពេល៣ឆ្នាំកន្លងទៅ ដោយប្រភពថវិកាប្រាក់៤៥ពាន់លានដុងពី
មជ្ឈឹម Tra Cu បានវិនិយោគអភិវឌ្ឍន៍ហេដ្ឋារចនាសម្ព័ន្ធ កសាងផ្លូវគមនាគមន៍
ស្ពាន ។ ទន្ទឹមនឹងនោះ គ្រប់ស្ថាប័ន អង្គការនៅក្នុងតំបន់បានជំរុញខ្លាំងការឃោ
សនាអប់រំ ណែនាំ លើកទឹកចិត្តប្រជាជនរួចផុតពីភាពក្រីក្រ។ លទ្ធផលគឺអត្រា
គ្រួសារក្រីក្ររបស់តំបន់បានថយចុះពី៣០%ដល់២១%។ លោក Kim Ngoc Suong
ប្រធានការិយាល័យជនជាតិស្រុក Tra Cu បានអោយដឹងថា៖
“ អាស្រ័យដោយមានការជួយឧបត្ថម្ភពីរដ្ឋ ជាពិសេសគឺបណ្ដាគោលនយោ
បាយចំពោះជនរួមជាតិភាគតិច ជនរួមជាតិខ្មែរស្រុក Tra Cu បានមានការផ្លាស់ប្តូរ
ថ្មីជាច្រើន។ ពិសេសគឺខឿនសេដ្ឋកិច្ចគ្រួសារបានមានការផ្លាស់ប្តូរថ្មីជាច្រើន។ ”
ប្រសិទ្ធិភាពនៃផលិតកម្មកសិកម្ម បានរួមចំណែកកសាងជនបទថ្មីនៅស្រុក
Tra Cu បានពង្រឹងនិងពង្រីកពី១ថ្ងៃទៅ១ថ្ងៃ បង្កើតការផ្លាស់ប្តូរថ្មីក្នុងជីវភាពរស់នៅ
ខាងសម្ភារះ និងស្មារតី របស់ជនរួមជាតិខ្មែរនៅទីនេះ។ ប្រការនេះជាប្រភពកម្លាំង
ចលករដើម្បីជនរួមជាតិរួចផុតពីភាពក្រីក្រ៕