(VOV)_ពេលដែល ផ្ទៃដីកសិកម្មត្រូវបង្រួញពីមួយថ្ងៃមួយថ្ងៃ ទីក្រុងហូជីមិញបានជ្រើសរើសដំណោះស្រាយជំរុញខ្លាំងការអនុវត្តបច្ចេកវិទ្យាខ្ពស់ក្នុងការអភិវឌ្ឍន៍ កសិកម្ម សមដៅធានាបានអត្រាសមហេតុសមផលនៃកសិកម្មក្នុងខឿនសេដ្ឋកិច្ច
របស់ខ្លួន។ នេះគឺជារបៀប១ដើម្បីផ្នែកកសិកម្មអភិវឌ្ឍន៍ចីរភាព និងការពារបរិស្ថាន។
 |
| ទីក្រុងហូជីមិញអនុវត្តន៍វិទ្យាសាស្ត្របច្ចេកវិទ្យាចូលក្នុងកសិកម្ម |
សមាគមកសិករទីក្រុងហូជីមិញបានរួមជាមួយមន្ទីរកសិកម្ម អភិវឌ្ឍន៍ជនបទ និងមន្ទីរវិទ្យាសាស្ត្រ បច្ចេកវិទ្យាទីក្រុងបានចុះហត្ថលេខាលើកម្មវិធីរួមសហការ ដើម្បីបង្កើតការតភ្ជាប់ចាំបាច់ក្នុងការអភិវឌ្ឍន៍កសិកម្ម និងកសាងជនបទថ្មី។ តាមកម្មវិធី បណ្ដាអង្គការបានសហប្រតិបត្តិការជាមួយគ្នា ការអនុវត្តដើម្បីជំរុញវិទ្យាសាស្ត្រ បច្ចេកទេសក្នុងផលិតកម្មកសិកម្មដោយការប្រើប្រាស់បច្ចេកវិទ្យាខ្ពស់
និងជួយឧបត្ថម្ភកសិករក្នុងដំណើការផ្លាស់ប្តូរផលិតកម្ម ឆ្ពោះទៅការកកើតខឿនកសិកម្មទីក្រុង ដំណាក់កាល ២០១៤ - ២០២០។ ក្នុងដំណាក់កាលដំបូង បណ្ដាស្ថាប័នជំនាញនឹងបណ្ដុះបណ្ដាល ហ្វឹកហាត់បច្ចេកទេស សំរាប់កម្មាភិ
បាលបច្ចេកទេសចំនួន១២០នាក់ និងកសិករចំនួនមួយពាន់នាក់…។ល។ លោក
Nguyen Van Quýt ប្រធានសមាគមកសិករខ័ណ្ឌទី១២ បានអោយដឹងថា÷
“ ពេលបានផ្ទេរទៅខឿនកសិកម្មទីក្រុង ប្រជាកសិករត្រូវវិនិយោគទៅលើ
ដើមឈើ សត្វចិញ្ចឹមមានតំលៃសេដ្ឋកិច្ចខ្ពស់។ ក្នុងនោះ ការអនុវត្តវិទ្យាសាស្ត្រ
បច្ចេកទេសដើតួនាទីសំខាន់។ បន្ទាប់ពីបានហ្វឹកហាត់មុខរបរ ផ្ទេរប្តូរវិទ្យាសាស្ត្រ បច្ចេកទេស យើងខ្ញុំបានជួយឧបត្ថម្ភជាទុនតាមសេចក្ដីសម្រេចចិត្តរបស់ទីក្រុង ដើម្បីប្រជាកសិករវិនិយោគអភិវឌ្ឍន៍ផលិតកម្ម។“
 |
| ទីក្រុងហូជីមិញអនុវត្តន៍វិទ្យាសាស្ត្របច្ចេកវិទ្យាចូលក្នុងកសិកម្ម |
រហូតមកដល់ពេលនេះ បណ្ដាចំការបន្លែរ កសិដ្ឋានរបស់ទីក្រុងមានការផ្លាស់ប្តូរថ្មីជាច្រើន ជីវភាពរស់នៅរបស់ប្រជាកសិករត្រូវបានលើកស្ទួយជានិច្ច។ ពិសេសគឺគ្រួសារបង Nguyen Ngoc Long នៅភូមិ Nam Thoi ឃុំ Thoi Thon ខ័ណ្ឌទី១២កំពុងគ្រប់គ្រង់ចំការ ដើមស្រការនាគ ចំនួន៤លើផ្ទៃដីជាង៤ហ្មឺនម៉ែត្រ ក្រឡាហើយ បង្កើតការងារធ្វើសំរាប់ពលកររាប់សិបនាក់ ដោយមានប្រាក់ចំណូល ជាង៤លានដុង⁄នាក់⁄ខែ។ បង Nguyen Ngoc Long បានសំណេះសំណាលថា÷
“ ខ្ញុំត្រូវបានសមាគមកសិករឃុំបញ្ជូនទៅសិក្សារបច្ចេកវិទ្យានិងរូបសណ្ឋាន
ជាច្រើននៅខេត្តនានា ដែលអនុវត្តបច្ចេកវិទ្យាទំនើប។ ការបង្កបង្កើនផលប្រពៃណី
គ្មានលំនឹងទេ។ ភាពងាយស្រួលនិងប្រសិទ្ធិភាពជាអត្ថប្រយោជន៍នៃបច្ចេកវិទ្យា។”
រួមជាមួយការផ្ទេរប្តូរបច្ចេកវិទ្យាកសិកម្ម សំរាប់ប្រជាកសិករ ទីក្រុងហូជី
មិញកំពុងកសាងមណ្ឌលកសិកម្ម បច្ចេកវិទ្យាខ្ពស់ដើមដំបូងរបស់ខ្លួន និងរបស់ប្រទេសទាំងមូល នៅស្រុក Cu Chi លើផ្ទៃដី៨៨ហិកតា និងមជ្ឈមណ្ឌលបច្ចេកវិទ្យាជីវសាស្ត្រ ដើម្បីបំរើការស្រាវជ្រាវ …។ល។ លោក Nguyen Phuoc
Trung នាយកមន្ទីរកសិកម្ម និងអភិវឌ្ឍន៍ជនបទទីក្រុងហូជីមិញ បានអោយដឹងថា÷
“ យើងខ្ញុំបន្តកសាង បើកទូលាយមជ្ឈមណ្ឌលេបច្ចេកវិទ្យាជីវសាស្ត្រ ដើម្បីស្រាវជ្រាវ បង្កើតបច្ចេកវិទ្យាថ្មីជាច្រើនជាងទៀត មុនពេលបញ្ជូនដល់យើងខ្ញុំបន្ត
បើកកម្មវិធីបណ្ដុះបណ្ដាលជាច្រើន ដើម្បីកសិករអនុវត្តប្រកបដោយប្រសិទ្ធិភាព។ ក្រៅពីនោះ យើងខ្ញុំក៏វិនិយោគព្រមៗគ្នាហេដ្ឋារចនាសម្ព័ន្ធជនបទដើម្បីអនុវត្តប
ច្ចេកវិទ្យាខ្ពស់ចូលក្នុងផលិតកម្ម។”
ដោយពេលវេលាអនុវត្តខ្លីក៏ដោយការអនុវត្តវិទ្យាសាស្ត្របច្ចេកទេសបានធ្វើ
អោយ បរិមាណកសិផល នៅទីក្រុងហូជីមិញមានការកើនឡើងគួរអោយកត់
សម្គាល់។ សកម្មភាពទាំងនេះ មិនគ្រាន់តែធានាការអភិវឌ្ឍន៍ចីរភាពមានប្រសិទ្ធិ
ភាពនៃខឿនកសិកម្មប៉ុណ្ណោះទេ ថែមទាំងជួយឲ្យកសិករលើកកំពស់ចំណេះដឹង
ដាំដុះ រួមចំណែកយ៉ាងសកម្មក្នុងកម្មវិធីកសាងជនបទថ្មីនៅទីក្រុង៕