(VOV)_ដោយមានកក្តាងាយស្រួលជាច្រើន ដូចជារយៈពេលរីកលូតលាស់ខ្លី
ប្រាក់ចំណាយលើការដាំដុះតិច និងឆ្លៀតយកអនុផលពីដើមស្រូវ គ្រួសារកសិករជា
ច្រើននៅខេត្ត Soc Trang បានផលិតផ្សិតចំបើងដើម្បីនាំមកនូវប្រាក់ចំណូលខ្ពស់។
ពីនោះ ប្រជាកសិករទទួលបានប្រាក់ចំណូលបន្ថែម រួមចំណែកអនុវត្តសម្រេចបទ
ដ្ឋាននានាស្ដីអំពីការកសាងជនបទថ្មីនៅក្នុងតំបន់។
 |
| រូបសណ្ឋានផលិតកម្មផ្សិតចំបើងនាំមកនូវប្រាក់ចំណូលខ្ពស់សំរាប់ប្រជាកសិករ Soc Trang |
ក្នុងរយៈពេលប៉ុន្មានខែ ប្រជាកសិករទំនេរពីការធ្វើស្រែ គ្រួសារលោក Nguyen
Van Lam នៅសង្កាត់ទី២ ទីរួមខេត្ត Nga Nam ខេត្ត Soc Trang បានឆ្លៀតយកបណ្ដា
អនុផលពីដើមស្រូវពីរដូវមុន ដើម្បីផលិតផ្សិតចំបើង។ ដោយមានពូជចំនួន៤០០ដប
ក្រោយរយៈពេល២០ថ្ងៃ គ្រួសារលោក Nguyen Van Lam អាចទទួលបានជិត១០០
គីឡូក្រាម/ថ្ងៃ ទទួលបានប្រាក់ចំណូលសំរាប់គ្រួសារជិត១៥លានដុងក្នុងមួយខែ
(ស្មើនឹងជាងប្រាំពីររយដុល្លារអាមេរិក)។ លោក Nguyen Van Lam បានអោយដឹងថា៖
“ ក្រោយពីពេលប្រមូលផលស្រូវមក គ្រួសារខ្ញុំបានប្រមូលផ្តុំចំបើងដើម្បីដាំ
ផ្សិតចំបើង។ ដាំផ្សិតចំបើងងាយស្រួលជាងដាំស្រូវ ពីព្រោះរយៈពេលប្រមូលផលខ្លី
ហើយទទួលបានចំណូលខ្ពស់។”
ប្រសិទ្ធិភាពសេដ្ឋកិច្ចខ្ពស់ ពីរូបសណ្ឋាននេះបានជំរុញគ្រួសារជាច្រើននៅទី
រួមខេត្ត Nga Nam ផលិតផ្សិតចំបើងពេញឆ្នាំ ដែលក្នុងនោះមានគ្រួសារលោក Dao
Van Kiet។ ក្រៅពីប្រភពចំបើងនៅក្នុងតំបន់ គ្រួសារលោកក៏បានទៅប្រមូលទិញនៅ
ខេត្តជំវិញនានាទៀតផង ដូចជា៖ Hau Giang , Bac Lieu និង Ca Mau។តាមនោះ ក្នុង
រដូវដាំផ្សិតនិមួយៗ គ្រួសារលោកផលិតពូជចំនួន៩០០ដល់មួយពាន់ដប ទទួលប្រាក់
ចំណេញចំនួន៣០លានដុង (ស្មើនឹងមួយពាន់ប្រាំរយដុល្លារអាមេរិក)។ លោក Dao
Van Kiet បានអោយដឹងថា៖
“ ចង់ដាំផ្សិតចំបើងប្រកបដោយជោគជ័យ គឺត្រូវការកក្តាចំនួន២។ ទីមួយគឺ
ជ្រើសរើសវាលស្រែ ដើម្បីជ្រើសរើសចំបើងល្អ។ ទីពីរគឺការថែទាំចំបើង និងតាមដាន
ការអភិវឌ្ឍន៍របស់ផ្សិត ដើម្បីនាំមកនូវប្រសិទ្ធិភាព ទិន្នផលខ្ពស់។”
 |
| រូបសណ្ឋានផលិតកម្មផ្សិតចំបើងនាំមកនូវប្រាក់ចំណូលខ្ពស់សំរាប់ប្រជាកសិករ Soc Trang |
នាបច្ចុប្បន្ន គ្រួសារជាច្រើននៅទីរួមខេត្ត Nga Nam កំពុងជំរុញខ្លាំងការអភិវឌ្ឍន៍
ផ្ទៃដីដាំផ្សិតចំបើង ពិសេសគឺក្នុងរយៈពេលប្រជាកសិករទំនេ។ ដាំផ្សិតចំបើងនេះនឹង
ជួយប្រជាកសិករសំអាតវាលស្រែផង និងដោះស្រាយបញ្ហាពលករផង និងទទួល
បានប្រាក់ចំណូលបន្ថែមទៀតផង។
នាបច្ចុប្បន្ន ទីរួមខេត្ត Nga Nam មានគ្រួសារចំនួន ៤៤៥គ្រួផលិតផ្សិតចំបើង
ដោយមានទិន្នផលចំនួនជិត៨០ហ្មឺនតោន។ ពីប្រសិទ្ធិភាពនៃរូបសណ្ឋាននេះនា
ពេលខាងមុខនេះ រដ្ឋអំណាច និងសមាគមកសិករទីរួមខេត្ត Nga Nam បន្តជួយ
ឧបត្ថម្ភគ្រួសារកសិករអភិវឌ្ឍន៍រូបសណ្ឋានដាំផ្សិតចំបើង។ ទន្ទឹមនឹងនោះក៏បង្កើន
ការផ្សព្វផ្សាយវិទ្យាសាស្ត្រ បច្ចេកទេស ដើម្បីប្រជាជនដាំផ្សិតចំបើងទទួលបាន
ទិន្នផលខ្ពស់ជាង ប្រសិទ្ធិភាពជាង។ ពិសេសគឺលើកទឹកចិត្តប្រជាជនបង្កើតសហ
គ្រាសផលិតផ្សិត បង្កើនបរិមាណផលិតផល បង្កលក្ខណះងាយស្រួលដើម្បីលក់
ចេញ និងបង្កើនតំលៃផលិតផល ប្រាក់ចំណេញ។ លោក Hong Minh Nhat ប្រធាន
មន្ទីរសេដ្ឋកិច្ចទីរួមខេត្ត Nga Nam ខេត្ត Soc Trang បានអោយដឹងថា៖
“ ទីរួមខេត្ត Nga Nam នឹងរួមសហការជាមួយធនាគារនានាដើម្បិអនុវត្តល្អ
សេចក្ដីសម្រេចចិត្តរបស់នាយករដ្ឋមន្ត្រីរដ្ឋាភិបាល ស្ដីពីគោលនយោបាយជួយ
ឧបត្ថម្ភម៉ាស៊ី បំរើកសិកម្មអភិវឌ្ឍន៍។ ទន្ទឹមនឹងនោះ រួមសហការជាមួយធនាគារ
គោលនយោបាយ និងប្រភពមូលនិធីជាតិ ស្វែងរកការងារធ្វើដើម្បីប្រជាកសិករ
អភិវឌ្ឍន៍មុខរបរដាំផ្សិតចំបើង អភិវឌ្ឍន៍សេដ្ឋកិច្ច។”
មិនគ្រាន់តែបណ្ដាគ្រួសារកសិករនៅទីរួមខេត្ត Nga Nam អភិវឌ្ឍន៍មុខរបរ
ដាំផ្សិតចំបើងប៉ុណ្ណោះទេ ថែមទាំង ចលនាដាំផ្សិតចំបើងនេះបានអភិវឌ្ឍន៍ទៅ
តាមស្រុកជុំវិញនានាដូចជា៖ My Tu, Chau Thanh, Thanh Tri ទៀតផង។ ដោយ
មានមូលដ្ឋានកែច្នៃជាច្រើន បានជាផលិតផលផ្សិតចំបើងមានទីផ្សារស្ថិរភាពទាំង
នៅក្នុងនិងក្រៅប្រទេស។ ប្រការនេះបានជួយប្រជាកសិករស្ថិរភាពផលិតកម្ម
និងអភិវឌ្ឍន៍មុខរបរដាំផ្សិតចំបើងនេះ៕