ທ່ານປະທານປະເທດ ເຈືອງເຕີນຊາງ
ພາບ:internet
|
(vovworld)- ວັນທີ 1/4, ຢູ່ຮ່າໂນ້ຍ, ທ່ານປະທານປະເທດ ຫວຽດນາມ ເຈືອງເຕີນຊາງ ໄດ້ເຮັດວຽກກັບ ກະຊວງປອ້ງກັນປະເທດ ກ່ຽວກັບສະພາບການຢູ່ເຂດຊາຍແດນ ແລະ ວຽກງານປ້ອງກັນຊາຍແດນ. ກ່າວຄຳເຫັນທີ່ການເຮັດວຽກ, ທ່ານປະທານປະເທດ ເຈືອງເຕີນຊາງ ໄດ້ເນັ້ນຫນັກວ່າ: ໃນສະພາບການໃຫມ່, ການເພີ່ມທະວີກຳລັງແຮງ ປ້ອງກັນຊາດ, ປ້ອງກັນຄວາມສະຫງົບແຫ່ງຊາດ ແມ່ນຫນ້າທີ່ຈຸດສຸມເປັນປະຈຳຂອງພັກ, ລັດ ແລະ ທົ່ວປວງຊົນ, ໃນນັ້ນ ບັນດາກຳລັງປະກອບອາວຸດເປັນຫລັກແຫລ່ງ. ພັກ ແລະ ລັດ ໄດ້ ແລະ ພວມເພີ່ມທະວີການຮ່ວມມືສາກົນໃນການແກ້ໄຂບັນຫາຊາຍແດນ, ເຂດທະເລໝູ່ເກາະ, ສ້າງສະຖຽນລະພາບ, ກໍ່ສ້າງຊາຍແດນສັນຕິພາບ, ມິດຕະພາບກັບບັນດາປະເທດບ້ານໃກ້ເຮືອນຄຽງ, ຍູ້ແຮງການພົວພັນຮ່ວມມືປ້ອງກັນຊາຍແດນກັບບັນດາປະເທດໃນໂລກ. ທີ່ການເຮັດວຽກ, ບັນດາຜູ້ແທນຢັນຢັນວ່າ ໃນໄລຍະຜ່ານມາ, ວຽກງານປົກປັກຮັກສາອະທິປະໄຕ, ຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ບັນດາເສັ້ນຊາຍແດນ, ເຂດທະເລໝູ່ເກາະ; ການພົວພັນລະຫວ່າງຫວຽດນາມ ກັບບັນດາປະເທດມີຊາຍແດນຮ່ວມ ນັບມື້ນັບພັດທະນາ ແລະ ເປີດກວ້າງ.