ກອງທັບປະຊາຊົນຫວຽດ ນາມໄຊະນະສັດຕຸ ຜູ້ຮຸກຮານທັງໝົດ
(ພາບປະກອບ: www.mod.gov.vn)
(vovworld)- “ກອງທັບປະຊາຊົນຫວຽດນາມໄຊະນະສັດຕຸຜູ້ຮຸກຮານທັງໝົດ“ນັ້ນແມ່ນຄຳເຫັນຂອງທ່ານ Iuri Kislisin ຮອງປະທານສະມາຄົມນັກຮົບເກົ່າຢູແກຼນ, ປະທານສະມາຄົມນັກຮົບເກົ່າຢູແກຼນ ແມ່ນຜູ້ທີ່ເຄີຍປະຕິບັດງານຢູ່ຫວຽດນາມ ໃນການຕອບສຳພາດນັກຂ່າວ VOV ປະຈຳລັດເຊຍ ເນື່ອງໃນໂອກາດສະເຫຼີມສະຫລອງວັນສ້າງຕັ້ງກອງທັບປະຊາຊົນຫວຽດນາມ (22/12/1944-22/12/2014). ທ່ານ Iuri Kislisin ເວົ້າວ່າ:
“ກອງທັບປະຊາຊົນຫວຽດນາມ ໂດຍທ່ານພົນເອກຫວໍ້ງວຽນຢາບ ກໍ່ຕັ້ງຈາກກອງທັບນ້ອຍ ປະຈຸບັນກາຍເປັນກຳລັງປ້ອງກັນຊາດທີ່ເຂັ້ມແຂງ, ກາຍເປັນກຳລັງກອງທັບເຂັ້ມແຂງໃນໂລກ ກອງທັບປະຊາຊົນຫວຽດນາມ ໄດ້ຮັບໄຊະນະສັດຕຸຜູ້ຮຸກຮານທັງໝົດ“.
ໃນຂະນະນັ້ນ, ຫວ່າງແລ້ວນີ້, ຫ້ອງການທູດທະຫານຫວຽດນາມ ປະຈຳ ບຣາຊິນ ໄດ້ຈັດພິທີສະເຫຼີມສະຫລອງວັນສ້າງຕັ້ງກອງທັບປະຊາຊົນຫວຽດນາມ ຢູ່ນະຄອນຫຼວງ ບຣາຊິນເລຍ. ກ່າວຄຳເຫັນທີ່ພິທີ, ທ່ານພັນເອກງຽມກວກຮຸຍ, ຫົວໜ້າທູດທະຫານຫວຽດນາມ ປະຈຳ ບຣາຊິນ ຢືນຢັນວ່າ: ກອງທັບປະຊາຊົນຫວຽດນາມ ໄດ້ເປີດກ້ວາງການພົວພັນມິດຕະການ, ການຮ່ວມມືກັບກອງທັບ ແລະ ປະຊາຊົນປະເທດຕ່າງໆໃນໂລກຢ່າງບໍ່ຢຸດຢັ້ງ ບົນພື້ນຖານເຄົາລົບນັບຖືເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ແລະ ຜົນປະໂຫຍດຂອງກັນ, ປະກອບສ່ວນອັນແທດຈິງເຂົ້າໃນການປັບປຸງ, ສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບ, ການພັດທະນາໃນພາກພື້ນ ແລະ ໃນໂລກ./.