“ການບຸກໂຈມຕີ” ກໍ່ແນໃສ່ຊອກຫາຜູ້ຖືກຂະບວນການ Hamas ຈັບຕົວ (ພາບ: Anadolu Agency)

        ວັນທີ 23 ຕຸລາ, ກອງທັບ ອິດສະຣາແອັນ ໃຫ້ຮູ້ວ່າ, ກຳລັງນີ້ໄດ້ນຳໃຊ້ລົດຫຸ້ມເກາະບຸກໂຈມຕີຮອບດ້ານໃສ່ເຂດ ກາຊາ ກ່ອນນັ້ນ 1 ວັນ. ໂຄສົກຂອງກຳລັງປ້ອງກັນອິດສະຣາແອັນ (IDF), ທ່ານວາທີພົນເຮືອເອກ Daniel Hagari ໄດ້ຢັ້ງຢືນວ່າ ບັນດາການບຸກໂຈມຕີຂອງລົດຫຸ້ມເກາະ ແລະ ທະຫານບົກໄດ້ຜັນຂະຫຍາຍ ເພື່ອແນໃສ່ກະກຽມໃຫ້ແກ່ໄລຍະຕໍ່ໄປຂອງການປະທະກັນ. ທ່ານໃຫ້ຮູ້ວ່າ, ບັນດາ “ການບຸກໂຈມຕີ” ກໍ່ແນໃສ່ຊອກຫາຜູ້ຖືກຂະບວນການ Hamas ຈັບຕົວ ນັບແຕ່ເມື່ອການປະທະກັນເກີດຂຶ້ນໃນວັນທີ 07 ຕຸລາ, ກ່ອນທີ່ຈະກ້າວເຂົ້າສູ່ໄລຍະຕໍ່ໄປ.

        ຕາມອົງການສາທາລະນະສຸກເຂດ ກາຊາ ແລ້ວ, ບັນດາເຫດບຸກໂຈມຕີທາງອາກາດຂອງ ອິດສະຣາແອັນ ໄດ້ເຮັດໃຫ້ກວ່າ 5.000 ຄົນເສຍຊີວິດ. ໃນນັ້ນ, ຝ່າຍ ອິດສະຣາແອັນ ກໍ່ມີຜູ້ເສຍຊີວິດຢ່າງໜ້ອຍສຸດ 1.500 ຄົນ.