(ທີ່ກອງປະຊຸມ)

        ແຕ່ວັນທີ 28 ພະຈິກ ຫາວັນທີ 03 ທັນວາ, ຢູ່ນະຄອນ ດ່ານັ້ງ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ສົມທົບກັບຄະນະເລຂາຄະນະກຳມະການອາຊີບຫາປາທາງພາກກາງ ແລະ ມະຫາສະໝຸດປາຊີຟິກຕາເວັນຕົກ (WCPFC) ໄດ້ຈັດກອງປະຊຸມປະຈຳປີຄັ້ງທີ 19 ຄະນະກຳມະການອາຊີບຫາປາທາງພາກກາງ ແລະ ມະຫາສະໝຸດປາຊີຟິກຕາເວັນຕົກ. ກອງປະຊຸມມີການເຂົ້າຮ່ວມຂອງຜູ້ແທນ 550 ທ່ານທີ່ຕ່າງໜ້າໃຫ້ 26 ປະເທດສະມາຊິກທາງການ, ບັນດາອົງການບໍ່ຂຶ້ນກັບລັດຖະບານຢູ່ພາຍໃນ ແລະ ຕ່າງປະເທດ, 8 ປະເທດສະມາຊິກມີການຮ່ວມມື (ໃນນັ້ນມີ ຫວຽດນາມ) ແລະ 11 ເຂດແຄ້ວນເຂົ້າຮ່ວມການເຄື່ອນໄຫວຈຳນວນໜຶ່ງຂອງ WCPFC.

        ກອງປະຊຸມໄດ້ຕົກລົງບັນດານະໂຍບາຍ, ມາດຕະການຄຸ້ມຄອງອາຊີບຫາປາທູນາຢູ່ພາກພື້ນໃນຊຸມປີຕໍ່ໄປ. ເລື່ອງເປັນເຈົ້າພາບຈັດກອງປະຊຸມຈະສ້າງເງື່ອນໄຂເພື່ອໃຫ້ອາຊີບຫາປາທູນາຢູ່ ຫວຽດນາມ ໄດ້ເຊື່ອມໂຍງເຂົ້າກັບອາຊີບຫາປາຂອງໂລກຢ່າງເລິກເຊິ່ງ, ກວ້າງຂວາງ.