ທ່ານນາຍົກລັດຖະມົນຕີຫງວຽນເຕິນຢຸງແລກປ່ຽນກັບຜູ້ແທນ
(ພາບ: VGP/Nhật Bắc)
(vovworld)- ທີ່ກອງປະຊຸມຜັນຂະຫຍາຍໜ້າທີ່ປີ 2014 ຂອງຂະແໜງອຸດສາຫະກຳການຄ້າຫວຽດນາມ ຈັດຂຶ້ນໃນຕອນເຊົ້າວັນທີ 10/1, ທ່ານນາຍົກລັດ ຖະມົນຕີ ຫງວຽນເຕິນຢຸງ ຮຽກຮ້ອງວ່າ: ຂະແໜງອຸດສາຫະກຳການຄ້າຫວຽດນາມ ຕ້ອງເປັນເຈົ້າການ, ຕັ້ງໜ້າເຈລະຈາບັນດາສັນຍາການຄ້າເສລີ. ທ່ານຖືວ່າ: ຂະແໜງອຸດສາຫະກຳການຄ້າຫວຽດນາມ ຕ້ອງຍູ້ແຮງການໂຄສະນາ, ເຜີຍແຜ່ກ່ຽວກັບບັນດາສັນຍາຊື່ງຫວຽດນາມ ໄດ້ເຊັນ, ເຂົ້າຮ່ວມ ຫລືພວມຢູ່ໃນວິວັດການເຈລະຈາເພື່ອໃຫ້ບັນດາອົງການ, ທ້ອງຖິ່ນ, ວິສາຫະກິດ, ປຊຊ ເປັນເຈົ້າການຂຸດຄົ້ນຢ່າງມີປະສິດທິຜົນ. ທ່ານນາຍົກລັດຖະມົນຕີ ຫງວຽນເຕິນຢຸງ ຊີ້ແຈ້ງວ່າ:
“ກະຊວງອຸດສາຫະກຳການຄ້າເປັນເຈົ້າພາບຂຸດຄົ້ນເປັນຢ່າງດີທີ່ສຸດບັນດາສັນຍາການຄ້າເສລີສອງຝ່າຍ ແລະ ຫຼາຍຝ່າຍທີ່ຫວຽດນາມ ໄດ້ເຊັນແລ້ວ, ລວມມີ 8 ສະບັບ ເພື່ອຍູ້ແຮງການສົ່ງອອກ. ໄປຄຽງຄູ່ກັນນັ້ນແມ່ນສຸມໃສ່ເຈລະຈາສັນຍາການຄ້າອື່ນອີກ 6 ສະບັບ“.
ຄຽງຄູ່ກັນນັ້ນ, ປີ 2014, ຂະແໜງອຸດສາຫະກຳການຄ້າຫວຽດນາມ ຈະສຸມໃສ່ສ້າງນະໂຍບາຍສົ່ງເສີມ, ໜູນຊ່ວຍການພັດທະນາເຄື່ອງໝາຍການຄ້າ, ສົ່ງເສີມວິສາຫະກິດເຂົ້າຮ່ວມການພັດທະນາອຸດສາຫະກຳສຳຮອງ./.