![ກອງປະຊຸມວົງແຄບບໍ່ເປັນທາງການຂອງເຈົ້າຫນ້າທີ່ຂັ້ນສູງ ອາຊຽນ - ຈີນ - ảnh 1](https://image.vovworld.vn/w730/uploaded/vovworld/bcgmbuiq/2012_10_29/bien dong.jpeg)
ບັນຫາທະເລຕະເວັນອອກແມ່ນ ເນື້ອໃນທີ່ໄດ້ຮັບການ ປຶກສາຫາລື
ໃນກອງປະຊຸມ
ພາບ: TTXVN
|
(vovworld) - ກອງປະຊຸມວົງແຄບບໍ່ເປັນທາງການຂອງເຈົ້າຫນ້າທີ່ຂັ້ນສູງ (SOM) ອາຊຽນ - ຈີນ ດຳເນີນໃນວັນທີ 28 -29/10 ຢູ່ ພັດທະຍາປະເທດໄທ. ທ່ານ Pham Quang Vinh, ລັດຖະມົນຕີຊ່ວຍວ່າການກະຊວງການຕ່າງປະເທດ ຫວຽດນາມ, ຫົວຫນ້າ SOM ອາຊຽນ ນຳຫນ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມ. ໃນສອງວັນທີ່ດຳເນີນກອງປະຊຸມ, ສອງຝ່າຍໄດ້ປືກສາຫາລືບັນດາມາດຕະການເພື່ອແນໃສ່ເພີ່ມທະວີການພົວພັນລະຫວ່າງ ອາຊຽນ - ຈີນ ແລະ ແລກປ່ຽນກ່ຽວກັບວຽກງານກະກຽມໃຫ້ແກ່ກອງປະຊຸມຂັ້ນສູງ ອາຊຽນ - ຈີນ ຊຶ່ງຈະຈັດຕັ້ງຢູ່ ກຳປູເຈຍ ໃນທ້າຍເດືອນ 11/2012. ທີ່ກອງປະຊຸມ, ບັນດາປະເທດ ອາຊຽນ ແລະ ຈີນ ກໍໄດ້ຢັ້ງຢືນບົດບາດຄວາມສຳຄັນຂອງການປະຕິບັດຖະແຫລງການການປະພຶດຂອງບັນດາຝ່າຍຢູ່ທະເລຕາເວັນອອກ ຫລື DOC ຢ່າງເຂັ້ມງວດ ແລະ ຄົບຖ້ວນ. ແລະ ພ້ອມກັນປະສານງານສູ້ຊົນເພື່ອເລີ່ມຕົ້ນການປຶກສາຫາລືກ່ຽວກັບວິວັດທະນາການສ້າງຂໍ້ກຳນົດການປະພຶດຂອງບັນດາຝ່າຍຢູ່ທະເລຕາເວັນອອກ ຫລື COC.
ກ່າວຄຳເຫັນທີ່ກອງປະຊຸມ, ທ່ານ Pham Quang Vinh ໄດ້ຢືນຢັນຄວາມສຳຄັນຂອງການພົວພັນຄູ່ຮ່ວມມືຍຸດທະສາດເພື່ອສັນຕິພາບ ແລະ ຄວາມວັດທະນາຖາວອນ ລະຫວ່າງ ອາຊຽນ ແລະ ຈີນ, ພ້ອມກັນນັ້ນ ກໍຊີ້ແຈງປະຕິບັດບັນດາການເຄື່ອນໄຫວຮ່ວມມືໃນຂອບເຂດແຜນການດຳເນີນງານ ອາຊຽນ - ຈີນ ແຕ່ປີ 2011 -2015 ຢ່າງມີປະສິດທິຜົນ.