(vovworld) - ວັນທີ 30/10, ກອງປະຊຸມສະຫຼຸບ 5 ປີແຫ່ງການຜັນຂະຫຍາຍ 3 ເອກະສານນິຕິກຳກ່ຽວກັບຊາຍແດນທາງບົກຫວຽດນາມ-ຈີນ ໄລຍະ 2010-2015. ເຊິ່ງລວມມີສົນທິສັນຍາຂີດເສັ້ນຊາຍແດນ, ປັກຫຼັກໝາຍຊາຍແດນ; ສັນຍາກ່ຽວກັບຂໍ້ກຳນົດຄຸ້ມຄອງຊາຍແດນ ແລະ ສັນຍາກ່ຽວກັບດ່ານຊາຍແດນ ແລະ ຂໍ້ກຳນົດຄຸ້ມຄອງດ່ານຊາຍແດນ ໄດ້ດຳເນີນຢູ່ຮ່າໂນ້ຍ. ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ, ຫົວໜ້າຄະນະກຳມະການຊາຍແດນແຫ່ງຊາດ ໂຫ່ຊວນເຊີນ ໄດ້ເປັນປະທານກອງປະຊຸມ.
ໃນ 5 ປີຜ່ານມາ, ບັນດາກະຊວງ, ຂະແໜງການ ແລະ ທ້ອງຖີ່ນຕິດກັບຊາຍແດນ ໄດ້ສົມທົບກັນຢ່າງແໜ້ນແຟ້ນກັບກະຊວງການຕ່າງປະເທດໃນການຊີ້ນຳ, ບໍລິຫານ ແລະ ເປັນເສນາທິການໃຫ້ລັດຖະບານ, ນາຍົກລັດຖະມົນຕີແກ້ໄຂບັນດາບັນຫາເກີດຂຶ້ນໃນວຽກງານຄຸ້ມຄອງ, ປົກປັກຮັກສາຊາຍແດນ, ຮັກສາສະຖຽນລະພາບຢູ່ເຂດຊາຍແດນ, ຊຸກຍູ້ການພັດທະນາເສດຖະກິດ - ສັງຄົມທ້ອງຖີ່ນ ແລະ ຍົກສູງຊີວິດທາງດ້ານວັດຖຸ ແລະ ຈິດໃຈຂອງປະຊາຊົນໃນເຂດຊາຍແດນ.
ກ່າວຄວາມເຫັນປິດກອງປະຊຸມ, ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ ໂຫ່ຊວນເຊີນ ເນັ້ນໜັກວ່າ, ບັນດາອົງການມີບົດບາດໜ້າທີ່ຄຸ້ມຄອງຊາຍແດນ ຄວນສືບຕໍ່ຖືເປັນສຳຄັນວຽກງານປົກປັກຮັກສາ, ຄຸ້ມຄອງຊາຍແດນ, ປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຢ່າງໝັ້ນຄົງ, ປັບປຸງການປ້ອງກັນຊາດ, ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍຢູ່ເຂດຊາຍແດນ, ຊຸກຍູ້ການຮ່ວມມືລະຫວ່າງອຳນາດການປົກຄອງ ແລະ ປະຊາຊົນທ້ອງຖີ່ນຕິດກັບຊາຍແດນສອງປະເທດ, ປະກອບສ່ວນປັບປຸງ ແລະ ພັດທະນາການພົວພັນຮ່ວມມືຍຸດທະສາດຮອບດ້ານຫວຽດນາມ - ຈີນ.