ກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຫວຽດນາມຊຸດທີ 13 ຈະຖືກໄຂຂຶ້ນໃນໄວໆນີ້
![ກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຫວຽດນາມຊຸດທີ 13 ຈະຖືກໄຂຂຶ້ນໃນໄວໆນີ້ - ảnh 1](https://image.vovworld.vn/w730/uploaded/vovworld/bcgmbuiq/2016_03_18/qh.jpg)
(ພາບປະກອບ) |
(vovworld)- ຕອນບ່າຍວັນທີ 18/3, ຢູ່ຮ່າໂນ້ຍ, ຫ້ອງວ່າການສະພາແຫ່ງຊາດຫວຽດນາມໄດ້ຈັດການປະຊຸມຂ່າວປະກາດຮ່າງໂຄງການດຳເນີນງານ ແລະ ເນື້ອໃນຂອງກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຫວຽດນາມຊຸດທີ 13 ຊຶ່ງຈະໄຂຂຶ້ນໃນວັນທີ 21/3ນີ້ຢູ່ຮ່າໂນ້ຍ ແລະ ຈະດຳເນີນເປັນເວລາ 19 ວັນ. ທ່ານ ເລມິນທົງ ຮອງເລຂາທິການໃຫຍ່ສະພາແຫ່ງຊາດຫວຽດນາມ ໃຫ້ຮູ້ວ່າ : (ເທບ) : “ ກົມການເມືອງໄດ້ພິຈາລະນາກ່ຽວກັບພື້ນຖານດ້ານກົດໝາຍ ແລະ ພື້ນຖານທິດສະດີພຶດຕິກຳຕົວຈິງຂອງວຽກງານບູລະນະບັນດາຕຳແໜ່ງການນຳບັນດາອົງການສຳນັກງານແຫ່ງລັດພາຍຫຼັງກອງປະຊຸມໃຫຍ່ທົ່ວປະເທດຂອງພັກສິ້ນສຸດລົງ ແລະ ເປັນເອກະພາບກັນວ່າ ຄວນບູລະນະ, ຊັບຊ້ອນຄືນບັນດາຕຳແໜ່ງການນຳບັນດາອົງການສຳນັກງານແຫ່ງລັດຢ່າງຄົບຊຸດ ເພື່ອຕອບສະໜອງຄວາມຮຽກຮ້ອງຕ້ອງການຜັນຂະຫຍາຍການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ 12 ຂອງພັກ. ກົມການເມືອງສະເໜີສູນກາງພັກ ໃຫ້ປະຕິບັດການບູລະນະບັນດາຕຳແໜ່ງການນຳບັນດາອົງການສຳນັກງານແຫ່ງລັດໃນກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຫວຽດນາມຊຸດທີ 13 ຕາມລະບຽບການຂອງພັກ ແລະ ກົດໝາຍຂອງລັດ ”