ກອງປະຊຸມສຳມະນາສົ່ງເສີມການຄ້າ
(VOVWORLD) - ວັນທີ 30 ພຶດສະພາ, ທີ່ນະຄອນ Tel Aviv, ອິດສະລາແອັນ, ສະຖານທູດ ແລະ ຫ້ອງການການຄ້າ ຫວຽດນາມ ປະຈຳ ອິດສະລາແອັນ ໄດ້ສົມທົບກັບສະຫະພັນບັນດາຫ້ອງການການຄ້າ ອິດສະລາແອັນ ຈັດຕັ້ງກອງປະຊຸມສຳມະນາສົ່ງເສີມການຄ້າ “ກາລະໂອກາດດຳເນີນທຸລະກິດຢູ່ ຫວຽດນາມ ໃຫ້ແກ່ບັນດານັກນຳເຂົ້າ ອິດສະລາແອັນ”.
ກອງປະຊຸມສຳມະນາໄດ້ດຶງດູດການເຂົ້າຮ່ວມຂອງຜູ້ຕາງໜ້າການນຳສະຫະພັນບັນດາຫ້ອງການການຄ້າ ອິດສະລາແອັນ, ຫ້ອງການການຄ້າ ອິດສະລາແອັນ - ອາຊີ ແລະ ວິສາຫະກິດ ອິດສະລາແອັນ ນຳເຂົ້າ, ດຳເນີນທຸລະກິດສັງລວມ 30 ແຫ່ງ ກ່ຽວກັບບັນດາປະເພດສິນຄ້າຄືສະບຽງອາຫານ, ທັນຍາຫານ, ຜະລິດຕະພັນກະເສດ, ສິນໃນນ້ຳສິນທະເລ, ເຄື່ອງໃຊ້ສອຍ, ເຄື່ອງຕ່ຳແຜ່ນຕັດຫຍິບ, ເຄື່ອງເອເລັກໂຕນິກ, ເຄື່ອງເຟີນີເຈີ ແລະ ວັດສະດຸການກໍ່ສ້າງ.
 ກອງປະຊຸມສຳມະນາສົ່ງເສີມການຄ້າ (ພາບ: TTXVN) |
ກອງປະຊຸມສຳມະນາສົ່ງເສີມການຄ້າ, ພົບປະແລກປ່ຽນການຄ້າແມ່ນກາລະໂອກາດທີ່ດີ ເພື່ອໃຫ້ບັນດາວິສາຫະກິດ ອິດສະລາແອັນ ແລະ ຝ່າຍ ຫວຽດນາມ ຊອກຮູ້, ແລກປ່ຽນ, ພົບເຫັນບັນດາຄວາມຕ້ອງການຮ່ວມມືລະອຽດຂອງກັນ. ກອງປະຊຸມສຳມະນາແມ່ນເຫດການເຄື່ອນໄຫວທີ່ມີເນື້ອໃນແທດຈິງ ແລະ ໄດ້ຮັບການຕີລາຄາສູງຈາກບັນດາວິສາຫະກິດ ອິດສະລາແອັນ.