ກອງປະຊຸມສຳມະນາວິທະຍາສາດສາກົນທີ່ມີຫົວຂໍ້ “ການປະຕິວັດອຸດສາຫະກຳຄັ້ງທີ4 ແລະ ບັນດາບັນຫາວາງອອກສຳລັບການພັດທະນາເສດຖະກິດສັງຄົມຂອງ ຫວຽດນາມ”
(ພາບ: sggp.org.vn)
|
(vovworld) – ວັນທີ 25/11, ຢູ່ຮ່າໂນ້ຍ, ຄະນະເສດຖະກິດສູນກາງໄດ້ສົມທົບກັບສະພາມະຫາບັນດິດວິທະຍາສາດສັງຄົມ ຫວຽດນາມ ແລະ ອົງການ ສປຊ ປະຈຳ ຫວຽດນາມ ໄດ້ຈັດຕັ້ງກອງປະຊຸມສຳມະນາວິທະຍາສາດສາກົນທີ່ມີຫົວຂໍ້ “ການປະຕິວັດອຸດສາຫະກຳຄັ້ງທີ4 ແລະ ບັນດາບັນຫາວາງອອກສຳລັບການພັດທະນາເສດຖະກິດສັງຄົມຂອງ ຫວຽດນາມ”. ກ່າວຄຳເຫັນໄຂກອງປະຊຸມສຳມະນາ, ທ່ານ ຫງວຽນວັນບີ່ງ, ຫົວໜ້າຄະນະເສດຖະກິດສູນກາງ, ຢັ້ງຢືນວ່າພັກ, ລັດ ຫວຽດນາມມີຄວາມເອົາໃຈໃສ່ເຖິງທ່າອ່ຽງພັດທະນາຂອງອຸດສາຫະກຳໃນປະຈຸບັນ. ທ່ານ ຫງວຽນວັນບີ່ງ, ຫົວໜ້າຄະນະເສດຖະກິດສູນກາງ ໄດ້ຢັ້ງຢືນວ່າ:
“ບັນດານັກວິທະຍາສາດ, ບັນດານັກຊ່ຽວຊານ, ບັນດານັກຄຸ້ມຄອງປຶກສາຫາລືສຸມໃສ່ເຮັດແຈ້ງ, ຮັບຮູ້ບັນດາກາລະໂອກາດ ແລະ ສິ່ງທ້າທາຍ, ຄວາມສະດວກ ແລະ ຫຍຸ້ງຍາກສຳລັບ ຫວຽດນາມ ຕໍ່ໜ້າຜົນກະທົບຂອງການປະຕິວັດອຸດສາຫະກຳຄັ້ງທີ 4. ນຳສະເໜີບັນດາການກຳນົດທິດ, ນະໂຍບາຍສຳລັບແຕ່ລະຂະແໜງ, ແຕ່ລະຂົງເຂດຂອງ ຫວຽດນາມ ເພື່ອຍາດແຍ່ງກາລະໂອກາດ ແລະ ຜ່ານຜ່າບັນດາສິ່ງທ້າທາຍຂອງການປະຕິບັດອຸດສາຫະກຳຄັ້ງທີ 4, ຊ່ວຍໃຫ້ ຫວຽດນາມ ຮັດແຄບຊ່ອງຫວ່າງພັດທະນາກັບບັນດາປະເທດກ້າວໜ້າ, ປະຕິບັດຈຸດໝາຍກາຍເປັນປະເທດອຸດສາຫະກຳຕາມທິດທັນສະໄໝໂດຍໄວ.”