ກອງປະຊຸມສຳມະນາ“ຮ່າໂນ້ຍ-ມົດສະກູ2015,ບັນດາແງ່ຫວັງຮ່ວມມືໃນຂົງເຂດອຸດສາຫະກຳ,ການລົງທຶນ“
ການສະແດງສີລະປະໃນພິທີໄຂ“ຊຸມວັນຮ່າໂນ້ຍ ຢູ່ມົດສະກູ“
(vovworld) - ກອງປະຊຸມສຳມະນາ“ຮ່າໂນ້ຍ - ມົດສະກູ 2015, ບັນດາແງ່ຫວັງຮ່ວມມືໃນຂົງເຂດອຸດສາຫະກຳ, ການລົງທຶນ, ການຄ້າ ແລະ ການທ່ອງທ່ຽວ“ ແມ່ນໜຶ່ງໃນບັນດາການເຄື່ອນໄຫວໃນຂອບເຂດ “ຊຸມວັນຮ່າໂນ້ຍ ຢູ່ມົດສະກູ“ ໂດຍຄະນະກຳມະການປະຊາຊົນນະຄອນຮ່າໂນ້ຍ ສົມທົບກັບສະຖານທູດຫວຽດນາມ ປະຈຳສະຫະພັນລັດເຊຍ ຈັດຕັ້ງໃນວັນທີ 22/9, ຢູ່ສູນການຄ້າ ຮ່າໂນ້ຍ - ມົດສະກູ. ກອງປະຊຸມສຳມະນາຖືກແບ່ງເປັນສອງວາລະຕົ້ນຕໍແມ່ນ: “ບັນດາບັນຫາຮີບດ່ວນໃນການພັດທະນາການຮ່ວມມືລະຫວ່າງມົດສະກູ ແລະ ຮ່າໂນ້ຍ ໃນຂົງເຂດທ່ອງທ່ຽວ“ ແລະ “ການຮ່ວມມືດ້ານອຸດສາຫະກຳ ແລະ ການລົງທຶນ, ການພັດທະນາດ້ານການຄ້າ ແລະ ຕະຫຼາດໃຊ້ສອຍ“. ບັນດາຜູ້ແທນໄດ້ສຸມໃສ່ປະກອບຄວາມເຫັນ ແລະ ປຶກສາຫາລື ກ່ຽວກັບກາລະໂອກາດ ແລະ ເງື່ອນໄຂລະອຽດຈາກສອງນະຄອນ ໃນການໜູນຊ່ວຍ, ຊຸກຍູ້ກນລົງທຶນ, ການຄ້າ ແລະ ການທ່ອງທ່ຽວສອງຝ່າຍ. ຢູ່ທີ່ກອງປະຊຸມສຳມະນາ, ມີຫຼາຍວິສາຫະກິດຂອງສອງປະເທດຫວຽດນາມ - ສະຫະພັນລັດເຊຍ ໄດ້ຊອກເຫັນຄູ່ຮ່ວມມືໃນການສົ່ງອອກ, ນຳເຂົ້າສິນຄ້າ ແລະ ຮ່ວມມືດຳເນີນທຸລະກິດ.