ຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ
ພາບ: xaluan.com
|
(vovworld)- ວັນທີ 3/3 ຢູ່ ກຳປູເຈຍ, ກອງປະຊຸມຮ່ວມມືຄັ້ງທີ 4 ລະຫວ່າງສະພາແຫ່ງຊາດ ຫວຽດນາມ, ລາວ ແລະ ກຳປູເຈຍ ກ່ຽວກັບ “ບົດບາດຂອງສະພາແຫ່ງຊາດທີ່ມີຕໍ່ງົບປະມານແຫ່ງລັດ” ດ້ວຍຫົວຂໍ້ວ່າ: ເພີ່ມທະວີບົດບາດຕິດຕາມກວດກາງົບປະມານແຫ່ງລັດຜ່ານການບໍລິຫານລັດຢ່າງມີປະສິດທິຜົນ” ໄດ້ຖືກໄຂຂຶ້ນຢູ່ ນະຄອນຫລວງ ພະນົມເປັນປະເທດ ກຳປູເຈຍ ພາຍໃຕ້ການເປັນປະທານຂອງທ່ານ Heng Samrin ປະທານສະພາແຫ່ງຊາດ ກຳປູເຈຍ. ຄະນະຜູ້ແທນ ຫວຽດນາມ ໂດຍທ່ານ ບູ່ຍດັ້ງຢູງ, ຮອງຫົວຫນ້າກຳມາທິການການເງິນ - ງົບປະມານ ຂອງສະພາແຫ່ງຊາດ ເປັນຫົວຫນ້າຄະນະ. ກ່າວຄຳປາໄສໄຂກອງປະຊຸມ, ທ່ານປະທານສະພາແຫ່ງຊາດ ກຳປູເຈຍ Heng Samrin ເນັ້ນຫນັກວ່າ: ກອງປະຊຸມຄັ້ງນີ້ ແມ່ນກາລະໂອກາດເພ່ືອໃຫ້ບັນດາຝ່າຍແລກປ່ຽນທັດສະນະຢູ່ຂັ້ນວາງແຜນນະໂຍບາຍ ແລະ ບົດຮຽນໃນການຄຸ້ມຄອງງົບປະມານແຫ່ງລັດເວົ້າລວມ, ສຸມໃສ່ເຂົ້າໃນບັນດາເນື້ອໃນຄື: ການຄຸ້ມຄອງງົບປະມານແຫ່ງລັດ, ການປະສານສົມທົບລະຫວ່າງບັນດາອົງການຂອງສະພາແຫ່ງຊາດໃນການເຄື່ອນໄຫວຕິດຕາມກວດກາງົບປະມານແຫ່ງລັດ, ບົດຮຽນການຄຸ້ມຄອງງົບປະມານຂອງບັນດາປະເທດພວມພັດທະນາ ແລະ ບັນຫາທີ່ວາງອອກຕ່າງໆໃຫ້ແກ່ທັງສາມປະເທດ. ນອກນັ້ນ ກອງປະຊຸມຍັງປຶກສາຫາລືສ້າງກົນໄກການຮ່ວມມືລະຫວ່າງບັນດາກຳມາທິການກ່ຽວຂ້ອງຂອງສະພາແຫ່ງຊາດສາມປະເທດໃນການເພີ່ມທະວີການເຄື່ອນໄຫວຕິດຕາມກວດກາດ້ານການເງິນ, ງົບປະມານແຫ່ງລັດຢ່າງແຫນ້ນແຟ້ນ ແລະ ລຽນຕິດກວ່າອີກ ເພື່ອຮັບໃຊ້ຄວາມຮຽກຮ້ອງຕ້ອງການຂອງການພັດທະນາປະເທດຊາດ.