ກອງປະຊຸມແລກປ່ຽນວຽກງານສື່ມວນຊົນ ເນື່ອງໃນໂອກາດສະເຫຼີມສະຫຼອງ 94 ປີແຫ່ງວັນສື່ມວນຊົນປະຕິວັດຫວຽດນາມ
(VOVWORLD) -ຕອນເຊົ້າວັນທີ 18 ມີຖຸນາ, ຢູ່ຮ່າໂນ້ຍ, ຄະນະໂຄສະນາສຶກສາສູນກາງ ສົມທົບກັບກະຊວງຖະແຫຼງຂ່າວ ແລະ ສື່ສານ, ສະມາຄົມນັກຂ່າວຫວຽດນາມ ແລະ ວິທະຍຸກະຈາຍສຽງຫວຽດນາມ ຈັດກອງປະຊຸມແລກປ່ຽນວຽກງານສື່ມວນຊົນ ເນື່ອງໃນໂອກາດສະເຫຼີມສະຫຼອງ 94 ປີແຫ່ງວັນສື່ມວນຊົນປະຕິວັດຫວຽດນາມ (21 ມິຖຸນາປີ 1925 – 21ມິຖຸນາປີ 2019)
 ທ່ານຮອງນາຍົກລັດຖະມົນຕີ ວູ້ດຶກດາມຂຶ້ນກ່າວຄຳເຫັນ |
ທີ່ກອງປະຊຸມ, ທ່ານຫງວຽນເຖກີ ຜູ້ອຳນວຍການໃຫຍ່ ວິທະຍຸກະຈາຍສຽງຫວຽດນາມ ຖືວ່າ :
“ ມີຫຼາຍອົງການສື່ມວນຊົນມີຖັນແຖວພະນັກງານຫຼາຍພໍສົມຄວນ ແລະ ມີເງື່ອນໄຂທີ່ສະດວກພໍສົມຄວນ ແລະ ພວມຢືນຢູ່ຕໍ່ໜ້າຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງ. ປະຈຸບັນ, ບັນດາອົງການສື່ມວນຊົນພວມປະຕິບັດແຜນກຳນົດສື່ມວນຊົນໂດຍສູນກາງໄດ້ຮັບຮອງເອົາ ແລະ ໄດ້ຮັບການຊີ້ນຳໂດຍກົງຈາກ ຄະນະໂຄສະນາສຶກສາສູນກາງ, ກະຊວງຖະແຫຼງຂ່າວ ແລະ ສື່ສານ, ສະມາຄົມນັກຂ່າວຫວຽດນາມ. ພວກຂ້າພະເຈົ້າພວມສ້າງໂຄງສ້າງຂອງ ວິທະຍຸກະຈາຍສຽງຫວຽດນາມຄືນໃໝ່ເພື່ອໃຫ້ການເຄື່ອນໄຫວນັບມື້ນັບດີຂຶ້ນ ”
ໂດຍໄດ້ຢັ້ງຢືນບົດບາດຂອງສື່ມວນຊົນໃນການກຳນົດທິດ, ຮັບໃຊ້ວຽກງານແນວຄິດ, ທ່ານຮອງນາຍົກລັດຖະມົນຕີ ວູ້ດຶກດາມ ຖືວ່າ :
“ ບໍ່ພຽງແຕ່ມີຄວາມສະດຸ້ງໄວ, ຊັດເຈນ, ສື່ມວນຊົນຫວຽດນາມຍາມໃດກໍຕ້ອງກ້າວເດີນຢ່າງຖືກທິດ. ໃນສະພາບປະຈຸບັນ, ຂໍ້ມູນຂ່າວສານແມ່ນວ່ອງໄວທີ່ສຸດ, ບໍ່ພຽງແຕ່ຖືກກຳລັງດັນໃນວຽກງານເທົ່ານັ້ນ, ຫາກຍັງຕ້ອງຮັບປະກັນຄວາມຮຽກຮ້ອງຕ້ອງການທາງດ້ານການເມືອງ ແລະ ຄຸນນະພາບອີກດ້ວຍ. ”